Natudia Hadibaia Taunimanima Namodia ai Idia Lao

Tama sina ese edia beibi matamata idia itaia neganai, idia diba inai natuna be gabeai taunimanima badana ai do ia lao, bona sibona do ia naria. To unai nega ai idia ura lasi unai idia laloa. Baibel ia gwau: “Tau ese tamana sinana do ia rakatania.” (Genese 2:24) Oibe, hahine matamata dekenai unai hereva be mai anina danu.

To natuna mero o kekeni ese ruma ia rakatania be moale bona lalohisihisi negana, tama sina momo idia lalohekwarahi. Idia laloa, ‘Egu natuna ia maragi neganai ia lau hadibaia namonamo, a? Ia hegeregere moni gaukara do ia karaia bona ena ruma do ia naria namonamo, a? Bona moni do ia gaukaralaia namonamo, a?’ To mai anina bada gauna be inai: ‘Ai hadibaia gaudia do ia badinaia noho, a?’​—⁠Aonega Herevadia 22:6; 2 Timoteo 3:⁠15.

Inai Gima Kohorona lalonai, Baibel ena sisiba ese tama sina ia durua dalana ia hahedinaraia, edena bamona natuna be beibi negana amo ela bona ena matamata negana ai idia durua diba.