STADI SEDIUAL

STADI EDIA BADINA

▪ Iehova Ena Kara Namodia Oi Laloa Bada

▪ Iehova Ena Hariharibada Bona Laloa Maoromaoro Karana Tohotohoa

▪ Iehova Ena Badinaia Bona Dika Gwauatao Karadia Tohotohoa

Keristani taudia momo idia laloa Iehova ena kara badadia be foa. To, inai stadi toi ese ita do idia durua Iehova ena kara namodia ma haida ita dibaia totona, nega momo ita ese unai karadia ita herevalaia momo lasi. Unai kara ta ta ita herevalaia neganai, inai henanadai do ita laloa: Unai kara ena anina be dahaka? Edena dala ai Iehova ese ia hahedinaraia? Bona edena dala ai Iehova ita tohotohoa diba?

▪ Iehova ena Matahakani ese Oi Ia Hamaoromaoroa be Namo

Baibel ia gwau Iehova ese taunimanima dekenai ena siahu ia gaukaralaia dalana be “raro gaukaralaia tauna bamona.” (Isa. 64:8) Inai stadi ai ita ese idaunegai Iehova, Uro Karaia Tauna Badana, ese taunimanima ta ta bona bese badadia ia hamaoromaoroa dalana do ita herevalaia. Danu, hari inai negai iena hamaoromaoroa karana amo namo do ita abia dalana do ita dibaia.