Iehova amo ita abia hahenamo ita laloa dobu neganai, Iehova tanikiu henia karana do ita hahedinaraia. Mai kudouna ibounai ida Iehova ita tanikiu henia karana ese ita ia durua hekwakwanai ita haheaukalaidia totona. Lagani 2015 ena siri badana ese ita do ia durua unai ita laloa bada totona.

▪ Dahaka Dainai Lohiabada Ena Anibou Ita Karaia?

Inai stadi ese ia hahedinaraia dahaka dainai Iesu ena mase ita laloatao be namo. Bona Memorial ai idia gaukaralaia paraoa bona wain edia anina, bona edena dala ai ta ia diba ia ese paraoa ia ania bona wain ia inua diba dalana ia hahedinaraia. Danu inai stadi ese ita do ia durua edena dala ai Lohiabada ena Anibou totona ita hegaegae diba.

▪ Headava Namona Bona Goadana Haginia

▪ Iehova ese Emui Headava Ia Hagoadaia Bona Gimaia be Namo

Headava taudia be hekwakwanai bona hahetoho momo idia davaria. To Iehova ena heduru amo tau bona hahine ese edia headava idia hagoadaia bona moalelaia diba. Stadi ginigunana ese headava ia hagoadaia daladia faiv bona headava taudia ese idia hahedinaraia diba kara badana ta do ia herevalaia. Stadi iharuana ese do ia hahedinaraia edena dala ai tau bona hahine ese edia kara idia gimaia diba.

▪ Ia Doko Diba Lasi Lalokauna Ita Hahedinaraia Diba, A?

Headava taudia ese idia hahedinaraia lalokau korikorina ena anina be dahaka? Ia doko diba lasi lalokauna ita hahedinaraia diba, a? Edena dala ai unai ita hahedinaraia diba? Solomona ena Ane ese ia doko diba lasi lalokauna ia herevalaia dalana amo ita dibaia gaudia do ita herevalaia.

HEREVA MA HAIDA

3 Mai Ura ida Sibona Idia Henia —New York Ai

RAU 1 AMO: Hairai gabuna Grindelwald ai, Pablisa be haroro lalonai Baibel idia gaukaralaia, edia murinai be Bernese Alps ororona ia noho

SWITZERLAND

POPIULEISEN

7,876,000

PABLISA TAUDIA

18,646

MEMORIAL IDIA LAO TAUDIA (2013)

31,980