Hadibaia Taudia Karaia Totona Ita Idia Durua Heboudia

JANUARY 28 AI IA MATAMAIA PURANA

Ane 66

(10 min) Kongregesen ena hadibaia herevadia.

(15 min) “Kara Namodia Haroro Gaukara Lalonai be Dirava Matauraia Karana.” Hegaegae namonamo inai sivarai do oi kikilaia namonamo totona.

(20 min) “Bible ena Anina Oi Dekenai be Dahaka?” Hebou ia do matamaia lasi neganai, tadikaka haida oi abia hidi paragraf ta ta idia duahia totona. Bena ta ese paragraf ta ia duahia murinai, henanadai oi gwauraia.

Ane 20 bona guriguri.

FEBRUARY 4 AI IA MATAMAIA PURANA

Ane 115

(10 min) Kongregesen ena hadibaia herevadia.

(15 min) “Oi Hesiku Lasi.” Inai sivarai ena hereva badadia oi kikilaia. Kongregesen taudia oi hagoadaia haroro gaukara idia goadalaia noho totona, bona do idia hesiku lasi, eiava do idia lalohisihisi lasi, taunimanima be idia kamonai lasi dainai eiava idia dagedage dainai. Paragraf 4 dekenai idia noho hamatamaia herevadia hahedinaraia totona, haheitalai do oi hegaegaelaia.

(20 min) Ita Goada Noho Diba Dalana be Dahaka? Haheitalai rua dekenai oi hahedinaraia ita goada noho bona haroro gaukara ita hesikulaia lasi be gau badana.

HAHEITALAI 1: Lagani momo idia haroro vadaeni bona edia haheitalai idia namo taudia rua eiava toi oi henanadai henidia.

(a) Dahaka hekwakwanai ese idia doridia edia haroro gaukara idia hadokoa totona, bona unai hekwakwanai be edena bamona idia hanaia?

(b) Dahaka ese idia ia durua idia haheauka bona haroro gaukara idia hesikulaia lasi totona? (Reana idia ese guriguri, hebou hanaihanai, sibona edia stadi karana, haida edia hagoadaia herevadia, bona ma hereva haida idia gwauraia diba.)

(c) Dahaka idia karaia edia haroro gaukara dekenai idia manoka lasi bona idia rakatania lasi totona? (Reana idia hahedinaraia hebou dekenai tadikaka hebamo henia karana bona Iehova idia turana henia be gau badadia.)

(d) Lauma dalanai edena bamona idia goada noho diba? (Reana elda bona ma haida edia heduru dalana do idia gwauraia diba, edia mauri lalonai lauma gaudia idia atoa guna, bona Iehova idia guriguri henia karadia danu.)

HAHEITALAI 2: Edia kara idia namo bona idia haroro hanaihanai pablisa memero bona kekeni haida do oi henanadai henidia.

(a) Dahaka ese ia durudia hua ta ta ibounai idia haroro totona?

(b) Edia tamana bona sinana amo dahaka heduru idia abia?

(c) Haroro gaukara dekenai ma pablisa haida amo heduru idia abia, a?

(d) Iehova ena hesiai gaukara dekenai do idia ura hagugurua gaudia be dahaka?

Hereva hadokoa totona, nega sisina lalonai hereva badadia do oi riviulaia.

Ane 59 bona guriguri.

FEBRUARY 11 AI IA MATAMAIA PURANA

Ane 4

(10 min) Kongregesen ena hadibaia herevadia.

(20 min) “Sivarai Namona Harorolaia–Pepapepa Idauidau Amo.” Idia duahiduahi namonamo diba taudia ta ta be hebou vairanai oi abia hidi paragraf ta ta idia duahia totona, bena idia duahia murinai henanadai be helai taudia oi henidia. Paragraf 7 oi herevalaia neganai, namona be haheitalai dekena amo pablisa namona ta ese lou-henia ta dekenai Bible stadi ia hamatamaia. Unai ia karaia Mauri mai Mainona Tanobada Matamatana Lalonai pepapepana dekena amo. Pablisa taudia oi hagoadaia unai kara idia tohotohoa bema edia lou-henia idia davaria lou be auka neganai. Namona be idia hegaegae vadaeni pablisa taudia haida oi boiria mai, bena unai dala idia gaukaralaia neganai idia kwalimu sivaraina do idia herevalaia.

(15 min) March Eiava April Lalonai Oi Heduru Pioneer Diba, A? Guna eiava hari regular eiava heduru pioneer gaukara ia karaia tauna ta ese inai hereva do ia henia. Guna heduru pioneer gaukara idia karaia taudia haida do oi henanadai henidia. Edia mauri edena bamona idia haidaua edia pioneer gaukara idia hagugurua totona? Edia hegaegae namonamo dalana idia hahedinaraia. Memorial negana be ia kahirakahira, unai dainai bema pablisa taudia idia ura heduru pioneer gaukara idia karaia, idia oi hagoadaia elda ta dekenai idia lao edia palani idia gwauraia hedinarai totona. Bema hari edia lalona idia hadaia namonamo, momo herea be unai gaukara do idia moalelaia diba. Bona gabeai reana idia haida be regular pioneer gaukara do idia abia dae danu. Heduru pioneer aplikeisen pepana be kongregesen gunalaia tauna eiava seketere tauna dekena amo oi abia diba.

Ane 25 bona guriguri.

FEBRUARY 18 AI IA MATAMAIA PURANA

Ane 42

(10 min) Kongregesen ena hadibaia herevadia. Akaun ripotina.

(10 min) “Ita Hegaegae Gima Kohorona Sabskripsen Henia Toho Totona.” Haroro naria tauna eiava elda ma ta ese inai hereva do ia henia.

(10 min) Magasin bona Buka Naria Tauna ena Maduna. Haroro naria tauna ese buka ia naria tauna ia henanadai henia, bona ena maduna idia kikilaia. Do idia hahedinaraia edena bamona kongregesen taudia be buka hariharilaidia gaukarana do idia habadaia diba.

(15 min) “Sivarai Namona Harorolaia–mai Guriguri Karana Danu.” Idia duahiduahi namonamo diba taudia ta ta be hebou vairanai oi abia hidi paragraf ta ta idia duahia totona, bena idia duahia murinai henanadai be helai taudia oi henidia.

Ane 87 bona guriguri.

FEBRUARY 25 AI IA MATAMAIA PURANA

Ane 81

(10 min) Kongregesen ena hadibaia herevadia.

(20 min) “Mai Iseda Lalona Ibounai Ida Iehova ena Ura Ita Karaia.” Idia duahiduahi namonamo diba taudia ta ta be hebou vairanai oi abia hidi paragraf ta ta idia duahia totona, bena idia duahia murinai henanadai be helai taudia oi henidia. Bema nega ia hegeregere Bible siri ibounai duahia bona edia anina oi gwauraia.

(15 min) Iseda Orea ena Sivarai. Bema mai dalana, blakbod dekenai mapu ta oi torea, unai be heduru namona helai taudia ese unai gabu idauidau idia diba totona.

GUADELOUPE: Distrik hebouhebou 4 idia abia Guadeloupe dekenai. Idia hebou taudia iboudiai be 13,021 bona bapatiso idia abia taudia be 259. Edia pablisa ena namba ia daekau 6,233 dekenai.

NEW CALEDONIA: August lalonai, unai tano dekenai pablisa taudia edia namba ia daekau 1,165 dekenai. December 15 bona 16, 1990 ai, edia Branch ruma matamatana idia hahelagaia.

NEW ZEALAND: August lalonai, New Zealand edia pablisa taudia be 10 pesen amo idia bada daekau, edia pablisa be 11,515.

VANUATU: August lalonai, Vanuatu edia pablisa be 189, unai be 83 pesen amo idia bada daekau unai. Kongregesen pablisa ta ta iboudiai edia Bible stadi ena averes be rua.

FRENCH GUIANA: Inai tano be South America ena mirigini kahana dekenai, bona September, 1990 lalonai unuseniai Watch Tower Society ena branch ofis idia kehoa. July lalonai edia pablisa ena namba ia daekau 660 dekenai, bona edia distrik hebouhebou dekenai idia lao taudia edia namba be 1,479, bona bapatiso idia abia taudia be 41.

Ane 4 bona guriguri.