Hadibaia Taudia Karaia Totona Ita Idia Durua Heboudia
JULY 1 AI IA MATAMAIA PURANA
Ane 6 (14)
(10 min) Kongregesen ena hadibaia herevadia.
(20 min) Kiki Herevana Matamatana.
Tanobada Ibounai Dekenai Maino Negana Ia Kahirakahira, A?
Luka 21:10, 11, 26—Bible ena Peroveta hereva ia guguru.
Luka 21:28, 31—Kahirakahira Dirava ena Basileia ese maino do ia mailaia.
Inai Kiki Herevana matamatana oi kikilaia helai taudia idia kamonai totona, bena murinai ia hegaegae namonamo pablisa ta ese henuai ia noho haheitalai do ia karaia.
Pablisa: Namo. Lauegu ladana be — . Hari lau mai badina lau ura henanadai oi lau henia.
Ruma Tauna: Ia namo. Oiemu henanadai be dahaka?
Pablisa: Oi laloa maino momokanina be iseda nega lalonai do ia vara, a?
Ruma Tauna: Lau ura unai bamona do ia vara. To toana be do ia vara lasi.
Pablisa: Bema guna idia vara sivaraidia ita tahua, ia hedinarai maino havaraia dalana be reana ia vara diba lasi. To, hari inai nega totona ena peroveta herevana oi itaia. (Luka 21:10, 11 bona 26 oi duahia. Danu Mauri Hanaihanai buklet ena laulau 28 oi hahedinaraia diba, eiava Itaia! buklet ena rau 24 oi kehoa diba.) Tanobada Ibounai Tuarina Ginigunana ena nega amo ia mai hari unai kara dikadia idia vara. To iseda helaro ia noho. Idia vara noho kara adikadia ese idia hahedinaraia Dirava ena Basileia be kahirakahira inai tanobada do ia hagoevaia bona do ia doko lasi mainona do ia havaraia. Siri 28 bona 31 dekenai Iesu be unai bamona ia hereva. (Oi duahia.) Unai dainai idia vara gau dikadia ese idia hamomokania kahirakahira kara namodia do idia vara. Unai be sivarai namo herea, ani? Inai buklet ena kopina laulauna ese ia hahedinaraia gaudia be namo herea, ani? (Oi hahedinaraia bona ena anina oi kikilaia. Buklet oi henia bona do oi giroa lou ena nega oi gwauraia.)
(15 min) Atendan Taudia Edia Gaukara. Atendan taudia ia naria tadikakana ta oi henanadai henia. Atendan taudia edia gaukara bona kongregesen taudia be idia danu edena bamona idia gaukara hebou diba dalana umui kikilaia. (Hesiai Gaukara Karaia Totona Ita Hegaegae buka, rau 63, 64 oi itaia.) Oi hahedinaraia nega haida atendan taudia be tamana bona sinana do idia hereva henidia bema edia natudia idia regerege momo. Atendan taudia be uindo idia kehoa eiava idia koua helai taudia edia mamina ia namo totona, atendan idia naria regerege ia bada lasi totona, helai taudia edia namba idia duahia, buruka bona gorere taudia idia hakaudia edia helai gabudia dekenai, bona gaukara ma haida danu.
Ane 74 (181) bona guriguri.
JULY 8 AI IA MATAMAIA PURANA
Ane 11 (43)
(10 min) Kongregesen ena hadibaia herevadia.
(20 min) “Hari Inai Negai Dirava Ena Hebogahisi Tohotohoa.” Elda ta ese inai hereva do ia karaia. Iseda Basileia Gaukara pepana dekenai idia udaia pepana, Hari Inai Negai Dirava Ena Hebogahisi Tohotohoa, ena paragraf 1-6 amo oi hegaegaelaia. Hebou vairanai duahiduahi tauna—hegeregere elda eiava hesiai tauna—oi abia hidi paragraf ta ta ia duahia totona, bena ia duahia murinai helai taudia be henanadai oi henidia.
(15 min) Pepapepa Idauidau Gaukaralaia Namonamo Dalana. Pepapepa idauidau oi hahedinaraia tadikaka bona taihu idia itaia totona. Ita gaukaralaia diba daladia haida oi gwauraia hedinarai. Helai taudia oi henanadai henia, edena negai unai pepapepa idia gaukaralaidia diba, bona edia ekspiriens do idia gwauraia hedinarai. February lalonai, ita ese pepapepa dekena amo Bible stadi hamatamaia dalana ita kikilaia. Unai dala idia karaia toho taudia edia ekspiriens haida oi gwauraia.
Ane 6 (100) bona guriguri.
JULY 15 AI IA MATAMAIA PURANA
Ane 70 (191)
(10 min) Kongregesen ena hadibaia herevadia. Akaun ripotina gwauraia.
Akaun ripotina gwauraia.
(20 min) “Hari Inai Negai Dirava Ena Hebogahisi Tohotohoa.” Elda ta ese inai hereva do ia karaia. Iseda Basileia Gaukara pepana dekenai idia udaia pepana, Hari Inai Negai Dirava Ena Hebogahisi Tohotohoa, ena paragraf 7-15 amo oi hegaegaelaia. Hebou vairanai duahiduahi tauna—hegeregere elda eiava hesiai tauna—oi abia hidi paragraf ta ta ia duahia totona, bena ia duahia murinai helai taudia be henanadai oi henidia.
(15 min) “Buka bona Henia Gaudia Ita Gaukaralaidia Namonamo.” Tadikaka ta ese inai hereva do ia henia. Namona be do ia kikilaia bukadia ia abia hegaegae helai taudia dekenai do ia hahedinaraia totona.
Ane 85 (158) bona guriguri.
JULY 22 AI IA MATAMAIA PURANA
Ane 82 (152)
(10 min) Kongregesen ena hadibaia herevadia. Hua gunana ena haroro ripotina oi gwauraia.
(20 min) Henanadai. School naria tauna ese inai hereva do ia henia.
(20 min) “Hari Inai Negai Dirava Ena Hebogahisi Tohotohoa.” Elda ta ese inai hereva do ia karaia. Iseda Basileia Gaukara pepana dekenai idia udaia pepana, Hari Inai Negai Dirava Ena Hebogahisi Tohotohoa, ena paragraf 16-22 amo oi hegaegaelaia. Hebou vairanai duahiduahi tauna—hegeregere elda eiava hesiai tauna—oi abia hidi paragraf ta ta ia duahia totona, bena ia duahia murinai helai taudia be henanadai oi henidia.
Ane 31 (59) bona guriguri.