January Ena Hesiai Hebou
December 30 ai Ia Matamaia Purana
Ane 199
10 min: Kongregesen ena hadibaia herevadia.
20 min: “Inai Nega ai Idia Vara Gaudia Edia Anina Ita Lalo-Pararalaia.” Hebou vairanai, duahiduahi namonamo diba tauna oi abia hidi paragraf iboudiai ia duahia totona, bena helai taudia dekenai henanadai oi henia. Paragraf 6 oi herevalaia murinai, haheitalai oi karaia bona Kiki Herevana oi gaukaralaia.
15 min: Sikuli bona Iehova ena Witness Taudia Buklet Gaukaralaia. Namona be, bema dala ia noho, inai hereva ia henia elda tauna be tamana ta. Namona be, sikuli idia naria taudia dekenai Iehova ena Witness taudia edia hadibaia hereva idia hamaorodia totona bona unai buklet be sikuli karadia dekenai Keristen tama sina bona memero kekeni ia durudia totona, buklet ena namo ia gwauraia bada be namo. Namona be nega haida memero kekeni ida ena hereva idia gwauraia lou. Hekwakwanai eiava henanadai idia vara neganai, namona be buklet ena sisiba idia tahua. Inai hereva badadia, “Taravatu bona Kara Maorodia” bona “Holide bona Moale Karadia,” edia hereva haida oi gwauraia. (rau 9-11, 17-21) Hereva oi hadokoa neganai, namona be oi hahedinaraia tama bona sina taudia be edia natudia edia sikuli gaukara idia laloa be namo, bona namona be sikuli idia naria taudia edia hereva idia badinaia.—Sikuli bona Iehova ena Witness Taudia, rau 30-31.
Ane 164 bona guriguri.
January 6 ai Ia Matamaia Purana
Ane 27
10 min: Kongregesen ena hadibaia herevadia.
20 min: “Kudouna Ibounai Ida Hesiai Gaukara Ita Karaia—Kahana 3.” Hebou idia do kehoa lasi neganai, ia duahiduahi namonamo diba tauna ta oi hamaoroa hebou lalonai paragraf iboudiai do ia duahia totona, bena henanadai be helai taudia dekenai oi henidia. Paragraf 4 dekenai, namona be ia diba momo pablisa ta ese pablisa matamatana ta haroro gaukara dekenai ia durua karana ia haheitalaia. Namona be pablisa matamatana bona ia diba momo pablisa tauna idia haheitalaia edena dala ai koua herevadia idia hanaia diba.
15 min: Lalo-Tamona Tadikaka Oreana Nepal Dekenai. Tadikaka ta ese September 1, 1991 Gima Kohorona amo rau 9 ena sivarai ia kikilaia.
Ane 92 bona guriguri.
January 13 ai Ia Matamaia Purana
Ane 59
10 min: Kongregesen ena hadibaia herevadia. Akaun ripotina.
20 min: “Kongregesen Ena Buka Stadi—Kahana 4.” Hebou idia do kehoa lasi neganai, idia duahiduahi namonamo diba taudia oi abia hidi hebou lalonai paragraf iboudiai do idia duahia totona, bena henanadai be helai taudia dekenai oi henidia. Namona be oi hahedinaraia gau badana be buka stadi idia mai taudia ta ta iboudiai ita laloa be gau badana.
15 min: “Emui Natuna Do Umui Habadua Lasi.” Tadikaka rua be October 1, 1991 Gima Kohorona lalonai, rau 29-31 ena sivarai idia kikilaia. Namona be idia hahedinaraia tama sina idia gaukara goadagoada be namo. Emu kongregesen durua dalana idia laloa inai hereva idia karaia neganai.
Ane 116 bona guriguri.
January 20 ai Ia Matamaia Purana
Ane 107
10 min: Kongregesen ena hadibaia herevadia.
20 min: Kudou-Maoro Taudia Ita Tahua bona Ita Hadibaia. Hereva bona henanadai henia. Mataio 10:11 oi herevalaia namonamo. Taunimanima be ruma dekenai ita davaria lasi ena hekwarahi ia bada ia lao bona iseda haroro gaukara bona moale ia hadikaia diba. Dahaka ita karaia diba? Namona be ruma dekenai ita davaria lasi taudia edia ruma gabuna be pepa dekenai ita torea, bona haraga ita giroa. Haida be adorahi lalonai unai taudia momo be ruma dekenai idia davaria; unai dainai, bema unai gabu dekenai ita karaia be hegeregere bona raskol taudia ese ita do idia hadikaia diba lasi, ita be adorahi lalonai ita haroro diba. Dala dekenai ita haroro neganai gaukara bada ita karaia diba. Kamonai taudia be dala dekenai ita davaria neganai, edia ladana bona address ita abia be namo. Dala oi hegaegaelaia edia ruma dekenai oi lao totona. (Nega sisina lalonai haroro gaukara dekenai gaukara namona idia karaia pablisa eiava pioneer rua o toi oi henanadai henidia.)
Satana be dala iboudiai do ia gaukaralaia, kudou-maoro taudia ita davaria lasi totona. Namona be ita tahudia. “Mamoe” be Iesu Keriso ena. Ia be hahegani ita dekenai ia henia ita davaria bona ita ubudia totona. (Ioane 21:15-17 itaia danu.) Unai ese ita ia durua bena ita lalo-parara, dala ia noho neganai ruma taudia ta ta iboudiai ita hereva henia be namo.
15 min: Iehova Ena Witness Taudia Edia Sivarai amo Namo Ita Davaria. Tadikaka rua ese idia kikilaia. Nega haida, hari inai negai idia noho Dirava ena hesiai taudia edia mauri sivaraidia be Gima Kohorona bona Noga! lalonai idia torea. Idia be December ena Gima Kohorona ena lista dekenai bona Noga! magasin lalonai ita davaria diba. (Oi hahedinaraia edena dala ai sivarai haida ita davaria diba.) Gau badana be unai sivarai ita duahia namonamo bona idia amo goada bona hagoadaia hereva ita abia. Namona be unai sivarai ita gaukaralaia iseda tadikaka bona Bible stadi taudia ita hagoadaia totona.
Nega sisina lalonai September 1, 1991 ena Gima Kohorona sivaraina, ‘Mai Taitai Ida Idia Hadohado bona Mai Moale Ida Idia Geigei,’ rau 10-14 dekenai oi kikilaia.—Sal. 126:5.
Unai sivarai amo (a) iseda haroro gaukara dekenai, (b) hahetoho ita haheaukalaia totona, (c) Iehova bona iena orea ena namo ita laloa bada totona, bona (d) tanobada hegegemadai tadikaka oreana ita laloa namo totona ita do idia durua herevadia oi gwauraia bada. Ita be namo ita davaria bema “abidadama bona haheauka taudia edia kara bamona do [ita] karaia.”—Heb. 6:12.
Ane 18 bona guriguri.
January 27 ai Ia Matamaia Purana
Ane 107
10 min: Kongregesen ena hadibaia herevadia.
20 min: “Kudouna Ibounai Ida Hesiai Gaukara Ita Karaia—Kahana 4.” Hebou vairanai, idia duahiduahi namonamo diba taudia oi abia hidi paragraf do idia duahidia totona, bena idia duahia murinai, helai taudia dekenai henanadai oi henidia.
15 min: Iseda Orea Ena Sivarai. Tadikaka ta ese inai hereva ia henia. Namona be blakbod dekenai mapu namona amo unai motumotu bona tano edia gabu oi hahedinaraia.
British Virgin Islands: May lalonai pablisa edia namba be nega ginigunana 136 idia abia, bona Bible stadi 206 be nega ginigunana idia karaia.
Réunion: May ena ripoti ia hahedinaraia, pablisa edia namba be 11 percent amo ia bada daekau, bona nega ginigunana ia daekau lao 1,926 dekenai.
St. Lucia: May lalonai, pablisa 475 be haroro gaukara ripoti idia henia; unai be nega ginigunana unai namba idia hanaia. Edia namba be 8 percent amo ia bada daekau. Bible stadi edia namba be May gunana amo 22 percent amo ia bada daekau ia lao 617.
Kenya: Nega ginigunana ai, pablisa edia namba be 6,000 idia hanaia bona May lalonai pablisa iboudiai be 6,065.
Papua New Guinea: July lalonai Papua New Guinea pablisa edia namba idia habadaia 2,642 dekenai.
U.S. Virgin Islands: May lalonai pablisa taudia edia namba be 19 percent amo ia bada ia lao bona nega ginigunana 560 idia abia.
Korea: May lalonai, pablisa iboudiai be 65,260, unai be hua 89 gunadiai lalonai nega 84 edia namba idia habadaia lao.
Korea dekenai televisen dekenai drama ia karaia hahine ta ia davaria iena dagi badana be moale ia havaraia lasi, bona iena headava ia dika. Ia danu ia gaukara bamona ta, Iehova ena Witness ta, ena kara namona dainai ia hoa, bona unai Witness amo Bible stadi ia abia. Gabeai, ia be June 1989 lalonai bapatiso ia abia. Ia be hua tamona lalonai heduru pioneer gaukara ia karaia, bona ruma ta ruma ta hesiai gaukara ia karaia gabudia ibounai dekenai, taunimanima be iena vairana idia diba. Hari, ia ura taunimanima ese iena vairana idia diba ia be Iehova ena hesiai tauna ta dainai, ia ura lasi idia diba ia be televisen dekenai ia gaukara dainai.—yb 1991, rau 51.
Philippines: April lalonai, Philippines be edia branch rumana matamatana idia hahelagaia bona taunimanima 1,718 be hahelagaia hebouhebou ena haroro dekenai idia mai. April lalonai, Philippines dekenai pablisa taudia edia namba ia bada daekau ia lao 110,225, bona unai be nega ginigunana.
Ane 191 bona guriguri.