February Ena Hesiai Hebou
February 3 ai Ia Matamaia Purana
Ane 180
5 min: Kongregesen ena hadibaia herevadia.
15 min: “Hereva Momokani be Mai Aonega Ida Gaukaralaia Namonamo.” Hebou vairanai, duahiduahi namonamo diba tauna oi abia hidi paragraf iboudiai ia duahia totona, bena helai taudia dekenai henanadai oi henia.
15 min: Kiki Herevana. Kiki Herevana matamatana oi gwauraia namonamo bona ena namo oi hahedinaraia. Murinai, idia hegaegaelaia namonamo haheitalai ta do idia karaia.
Kiki Herevana Matamatana: Aonega Momokanina Ena Badina Hereva
Lada-isidia 2:6, 7: Mai lalokau danu Dirava ese aonega namona ita ia henia.
Isaia 48:17, 18: Dirava ena hereva badinaia karana ese hahenamo ela bona hanaihanai ia havaraia.
HAHEITALAI: Pablisa rua be ruma ta ruma ta gaukara idia karaia. Ruma tauna ta idia hereva henia.
Ruma Tauna: Tanikiu umui mai dainai, to hari dabai egu dubu dekenai lau lao vadaeni.
Pablisa 1: Tanikiu ai oi hadibaia dainai. Mani emu kara, oiemu dubu be dahaka?
Ruma Tauna: Lau be Katolik tauna. Maragi negana amo lau be Katolik.
Pablisa 1: Lau moale badina oi ese tomadiho karana oi ura henia. Taunimanima momo be tomadiho karana idia laloa bada lasi, unai dainai Papua New Guinea dekenai sibona lasi, to tanobada ibounai lalonai danu, ita itaia taunimanima idia heatu bona idia ala-ala.
Ruma Tauna: Oibe, unai be momokani.
Pablisa 1: To, gau namona ta be inai; Bible lalonai Dirava ese sisiba bona aonega ita ia henia. Lau ura Hereva Lada-isidia 2:6, 7 ena hereva lau duahia oi kamonai totona. (Duahia.)
Pablisa 2: Hari inai nega dikana lalonai Bible ia noho ita ia durua totona be namo herea! Bema Bible ena hereva ita badinaia, ita diba harihari bona dina vairai danu heduru do ita abia. Harihari bona dina vairai totona Dirava ena gwauhamata hereva ia noho, mani emu kara iena hereva lau duahia neganai oi kamonai. Isaia 48:17, 18 lalonai ia gwau: (Duahia.)
Pablisa 1: Ita ibounai ita ura Bible ena hereva ita diba namonamo. Bona ita ia durua totona inai buka . . . (Hua ena henia gauna gwauraia.)
10 min: Sikuli Negana ma Ia Kahirakahira! Bema mai dalana, mai ena ruma bese elda tauna ta be inai hereva do ia henia. Ia hahedinaraia edena bamona iseda natudia ita durudia badina idia hegaegae sikuli dekenai ma idia giroa lao totona.
Ane 221 bona guriguri.
February 10 ai Ia Matamaia Purana
Ane 161
10 min: Kongregesen ena hadibaia herevadia.
20 min: “Dirava Ena Hereva Dekenai Emu Abidadama Oi Habadaia.” Hebou vairanai, duahiduahi namonamo diba tauna oi abia hidi paragraf iboudiai ia duahia totona, bona ia duahia murinai helai taudia dekenai henanadai oi henia.
15 min: Brazil Dekenai Uiti Gogoa Negana Ia Ginidae. Tadikaka ta ese September 15, 1991 Gima Kohorona amo rau 24-27 ena sivarai do ia kikilaia. Namona be rau 27 dekenai, hereva kwarana maragina “Edia Mauri Dalana Idia Haidaua” henunai idia noho paragraf, ia kikilaia bada. Unai sivarai namodia haida do ia kikilaia to namona be do ia hahedinaraia namonamo Bible, Dirava ena Hereva, be mai ena siahu bada.
Ane 46 bona guriguri.
February 17 ai Ia Matamaia Purana
Ane 55
10 min: Kongregesen ena hadibaia herevadia. Akaun ripotina. Society dekenai kontribusen moni hida umui siaia oi gwauraia.
20 min: “Kongregesen Ena Buka Stadi—Kahana 5.” Hebou idia do kehoa lasi neganai, idia duahiduahi namonamo diba taudia oi abia hidi hebou lalonai paragraf iboudiai do idia duahia totona, bena henanadai be helai taudia dekenai oi henidia. Haroro naria tauna ese inai hereva do ia henia.
15 min: “Ita Idia Hametaua Gaudia Ibounai Do Ita Negea Momokani.” Inai hereva be October 15, 1991 Gima Kohorona ena rau 21-24 amo hegaegaelaia. Namona be elda ta ese inai hereva do ia kikilaia helai taudia ia hagoadaia totona.
Ane 15 bona guriguri.
FEBRUARY 24 AI IA MATAMAIA PURANA
Ane 105
10 min: Kongregesen ena hadibaia herevadia.
20 min: “Kudouna Ibounai Ida Hesiai Gaukara Ita Karaia—Kahana 5.” Hebou vairanai, idia duahiduahi namonamo diba taudia oi abia hidi paragraf do idia duahidia totona, bena idia duahia murinai, helai taudia dekenai henanadai oi henidia.
15 min: Henanadai. Elda ta ese inai hereva do ia henia. Do ia hahedinaraia goevagoeva dahaka dainai bapatiso hebouna dekenai ita lao neganai iseda kara do ita laloa namonamo be gau badana, bona unai kara ena anina Iehova bona Basileia sivaraina dekenai be dahaka do ia hahedinaraia danu.
Ane 196 bona guriguri.