Sikuli Negana ma Ia Kahirakahira!
1 Papua New Guinea lalonai, February dekenai sikuli idia kehoa lou. Iseda natudia momo be klas matamatana ta dekenai do idia vareai, bona tisa matamatadia do idia abia.
2 Dina ta ta iboudiai iseda natudia be tanobada natudia danu idia hebou be hetoho badana idia dekenai. Satana ese idia dekenai hedibagani momo ia mailaia. Idia haida be inai: kuku ania, drag ania, hereva mirodia, pepe hanamoa, bese abia isi ena ane abia, bona sikuli taudia idia herevalaia gurigurina.
3 Tama sina e! Natudia danu Sikuli buklet umui gaukaralaia unai hekwakwanai idia dekenai umui kikilaia lou totona, a? Umui hegaegae vadaeni natudia danu sikuli dekenai do umui lao edia tisa taudia umui hedavari totona, bona aonega bona manada dalana amo iseda lalohadai unai kara dekenai umui gwauraia totona, a? Bema unai bamona do umui karaia, reana gabeai hekwakwanai momo do idia vara lasi. Tisa taudia idia ura umui tama bona sina umui lao idia dekenai bona emui lalohadai unai karadia dekenai umui gwauraia hedinarai. Namona be tisa taudia umui hadibaia emui natudia idia hadibaia neganai umui ura edia gaukara do umui durua namonamo.
4 Natudia e! Memero bona kekeni e! Ai lagani bada taudia ai diba sikuli dekenai umui lao neganai hetoho bada umui abia. Do idia vara hetoho umui laloa hegaegae, a? Iehova umui lalokau henia, a? Bema sikuli natudia ese umui idia kirikirilaia bona idia laloa umui be kava taudia, umui ese Iehova ena hereva do umui badinaia noho, a? Namona be Heberu memero toi umui laloa—kaivakuku vairanai idia tomadiho lasi, unai dainai lahi dekenai idia tahodia—to Iehova ese idia ia naria bona idia ia hanamoa. Bema Iena hereva umui badinaia, ia ese umui danu do ia hanamoa bona do ia naria. Lagani matamata lalonai sikuli dekenai umui lao neganai ai ura Iehova ese umui do ia hanamoa!
This article is unique to PNG.