August Ena Hesiai Hebou

August 3 ai Ia Matamaia Purana

Ane 65 (36)

10 min: Kongregesen ena hadibaia herevadia.

20 min: “Taunimanima Hagoadaia Lauma Gaudia Idia Tahua Totona.” Duahiduahi ia diba namonamo tadikaka ta oi abia hidi guna paragraf ta ta ia duahia totona, bena ia duahia murinai henanadai do oi gwauraia bona Bible siridia edia anina oi kikilaia. Paragraf 6 oi herevalaia murinai, idia hagoadaia dainai lauma gaudia ia tahua bona hari ia be pablisa namona ta ai ia lao merona ta oi henanadai henia. Edena bamona ia idia hagoadaia? Paragraf 7 oi kikilaia neganai, tama sina bona memero kekeni ese Memero Kekeni Edia Henanadai​—Haere Maorodia bukana ena karoa 22, 38, 39 edia sivarai idia riviulaia neganai dahaka namo do idia davaria diba oi hahedinaraia.

15 min: “Iseda Hamatamaia Herevadia be Mai Anina Bada.” Inai hereva be hebou taudia ida do oi herevalaia. Vanegai, Iseda Basileia Gaukara pepana dekenai idia torea hamatamaia hereva haida idia gaukaralaidia toho, a? Unai hereva momo be Reasoning buka amo idia mai. Oiemu teritori lalonai edena hamatamaia herevadia be idia namo? Pablisa taudia be edena negai hamatamaia herevadia idia hegaegaelaia haroro gaukara dekenai do idia gwauraia toho totona? Haheitalai maragidia rua amo oiemu teritori dekenai oi gaukaralaia hamatamaia hereva namodia rua oi hahedinaraia.

Ane 32 (10) bona guriguri.

August 10 ai Ia Matamaia Purana

Ane 35 (15)

5 min: Kongregesen ena hadibaia herevadia.

20 min: “Kongregesen Buka Stadi amo Tadikaka Ita Durudia.” Henanadai bona haere. Haheitalai oi hegaegaelaia namonamo. Namona be buka stadi ia naria namonamo elda tauna ta ese inai hereva ia henia.

20 min: “Sivarai Namona Harorolaia—Taunimanima Idauidau Dekenai.” Henanadai bona haere amo oi herevalaia. Emu nega hegeregerena, paragraf haida bona Bible siri haida oi abia hidi haida idia duahidia totona.

Ane 152 (82) bona guriguri.

August 17 ai Ia Matamaia Purana

Ane 207 (112)

10 min: Kongregesen ena hadibaia herevadia. Akaun ripotina gwauraia.

20 min: “Daika Ita Badinaia be Namo?” Elda ta ese inai hereva ia karaia diba dalana be henanadai bona haere amo eiava hereva sibona amo do ia henia. Namona be ia hahedinaraia goevagoeva tadikaka bona taihu idia naria namonamo kastom karadia ese edia tubu tiokratik dalana dekenai idia koua lasi totona.

15 min: Lauma Dalanai Lau Tubu Noho. Hebou vairanai tadikaka bona taihu haida oi abia hidi bona henuai idia noho henanadai oi henidia:

1. Edeseniai bona edena negai idia ese hereva momokani idia kamonai henia guna?

2. Dahaka dainai idia ese hereva momokani idia abia dae? Hereva momokani idia abia dae neganai haida ese idia badu henidia, eiava? Bema haere be io, edena bamona unai hekwakwanai idia hanaia?

3. Lauma dalanai edena bamona idia tubu?

4. Edena negai hebou totona idia hegaegae?

5. Bible stadi haida idia abia, a? Edena bamona unai stadi idia hamatamaia? Lauma dalanai edia tubu be edena bamona? Bona henanadai ma haida do oi henidia diba.

Ane 100 (19) bona guriguri.

August 24 ai Ia Matamaia Purana

Ane 173 (15)

10 min: Kongregesen ena hadibaia herevadia. Kongregesen ena July ripoti oi gwauraia hedinarai. Tadikaka bona taihu oi hanamodia edia gaukara namona dainai, bona edia manoka gabuna hanamoa diba dalana gwauraia hedinarai. Bema kongregesen taudia be July lalonai gabu daudau ena teritori idia karaia, unai gaukara ena sivarai oi kikilaia sisina.

20 min: “Pioneer Gaukara​—Lalokau Hahedinaraia Gaukarana.” Hebou vairanai duahiduahi idia diba namonamo taudia oi abidia hidi paragraf ta ta idia duahia totona, bena idia duahia murinai henanadai oi gwauraia. Paragraf 3 bona 4 oi kikilaia murinai, regular pioneer taudia toi oi henanadai henidia (eiava nega ta ta dekenai heduru pioneer idia karaia pablisa taudia), bema mai dalana idia ta be sikuli murinai pioneer gaukara ia hamatamaia tauna. Inai henanadai oi henidia: Dahaka idia karaia pioneer gaukara idia karaia diba totona? Dahaka ese idia ia hagoadaia pioneer gaukara idia karaia totona? Unai gaukara idia karaia totona dahaka gaudia idia reaia? Bona pioneer gaukara idia karaia dainai dahaka hahenamo idia davaria?

15 min: “Lagani 1992 Yearbook Ripoti Papua New Guinea bona Australia Dekenai.” Hebou vairanai duahiduahi ia diba namonamo tauna ta oi abia hidi, henuai ai torea, lagani 1992 Yearbook ena rau 62 ena paragraf rua ia duahidia totona. Bena hereva henia tauna be unai paragraf edia anina do ia kikilaia bona helai taudia dekenai henanadai namodia haida do ia henidia.

Ane 220 (19) bona guriguri.