Hadibaia Hereva
◼ Inai “Diari Loalaia Taudia” Distrik Hebouheboudia edia lata be guna dina rua ai gwauraidia, to ai haidaua, hari edia lata be dina toi: Popondetta: January 22-24, 1993; Kerema: January 15-17, 1993; Lake Murray: January 29-31, 1993.
◼ Elda taudia e, laloaboio lasi, July 1991, Iseda Basileia Gaukara pepana lalonai idia udaia pepana ena heduru herevana umui badinaia; unai hereva ia gwau bema umui laloa orea murimurinai idia atoa taudia eiava sibodia be orea amo idia siri taudia idia ura idia vareai lou, umui lao henidia vareai lou dalana hadibadia totona. Nega ibounai, hesiai lagani matamatana ena elda hebou ginigunana lalonai, elda edia orea taudia be edia kongregesen teritori lalonai idia noho orea murimurinai idia atoa taudia do idia lalodia. Ia maoro neganai, elda rua (eiava elda ta bona hesiai tauna ta) idia abia hidi unai taudia idia vadivadi henidia totona.
◼ Reana kongregesen iboudiai be lagani ena fom idauidau idia davaria vadaeni. Unai fom be October, 1992 Iseda Basileia Gaukara pepadia danu ai siaidia hebou. Unai hesiai gaukara edia fom edia namba be kongregesen ta ta bona gunika dekenai grup ta ta iboudiai edia pablisa taudia edia namba hegeregerena ai siaidia. Lagani ia heau lao neganai, bema oiemu kongregesen dekenai fom haida idia ore, “Buka Oda Pepana” (S-AB-14) dekenai oda oi torea bona oi siaia diba. To, mani emui kara, momo umui oda henia lasi, unai hesiai lagani dekenai do idia hegeregere fom sibodia do umui oda henidia. Unai fom edia davana be kongregesen ena akaun dekenai do ai torea aiemai printa bona pos opesi davana karaia totona. Unai davana be August ena akaun statement dekenai “ANNUAL FORMS SUPPLY” badinai do ai torea.
◼ September hua iboudiai dekenai, hesiai lagani matamatana lalonai unai fom idia gaukaralaidia totona, ai ese special pioneer bona misinari taudia iboudiai ai henidia. Bema unai fom idia naridia namonamo, lagani ia heau lalonai ma haida do idia ura oda henidia lasi.
◼ October ena henia gauna: Gima Kohorona sabskripsen, davana be K6.00.
◼ November ena henia gauna: “Memero Kekeni,” “Hadibaia Tauna,” “Maino” bona “Hereva Momokani” bukadia. Rua nega tamona henia edia davana be 50 toea, hani nega tamona henia davana be K1.00.
◼ December ena henia gauna: Tau Hereadaena bukana, davana be K3.00.