Kahana 2: “Diari Loalaia Taudia” Edia Distrik Hebouhebou Ena Hadibaia Hereva Haida
Bapatiso: Namona be Saturday daba ena program ia do kehoa lasi neganai, idia bapatiso gwauraia taudia be edia gabu korikori dekenai idia helai hegaegae. Idia ura do idia bapatiso taudia ta ta iboudiai ese sibodia edia digudigu dabua bona tauele idia mailaia. Haroro tauna ese bapatiso herevana bona guriguri ia henia murinai, seamani ese hereva haida be bapatiso abia gwauraia taudia dekenai do ia henia bona ane ena namba do ia gwauraia. Ane ena kahana ginigabena idia haorea neganai, attendant taudia ese bapatiso abia gwauraia taudia do idia hakaudia lao bapatiso gabuna dekenai, eiava unai gabu do idia lao henia motuka dekenai.
Volantia Gaukara: Distrik hebouhebou do ia heau namonamo totona, volantia taudia idia heduru be gau badana. Reana oi be hebouhebou ena nega ibounai lasi, to nega haida sibona dekenai volantia gaukara oi karaia diba, to herevana, emu gaukara do ia heduru bada. Bema oi heduru diba, hebouhebou gabuna dekenai oi ginidae neganai, Volantia Gaukara Departmen dekenai oi lao. Lagani 16 idia do davaria lasi memero bona kekeni ese volantia gaukara idia karaia diba danu, to gau tamona be inai: Bema edia tamana eiava sinana eiava taunimanima badana ta danu idia gaukara hebou lasi, volantia gaukara idia karaia diba lasi.
Lapel Kadi: Oi be distrik hebouhebou gabuna dekenai oi noho neganai bona unai gabu oi lao henia eiava oi rakatania neganai, mani unai lapel kadi oi atoa. Nega momo dala ai ita laolao neganai, haroro gaukara namona ita karaia diba. Lapel kadi be emu kongregesen amo oi abia be namo, badina distrik hebouhebou dekenai do oi abia diba lasi.
Oi Naria Namonamo: Herevana edeseniai emu motuka oi atoa, to namona be nega ibounai oi lokaia, bona emu kohu be emu motuka lalonai oi atoa hedinarai lasi. Bema mai dalana, namona be emu kohu ibounai be motuka ena murina kahana (boot) dekenai oi hunia bena oi lokaia. Henaohenao taudia dainai oi naria namonamo, idia be taunimanima hutuma edia huanai idia loaloa. Unai dainai distrik hebouhebou gabunai namona be emu helai gauna latanai emu kohu oi rakatania lasi. Mani oi naria namonamo!
This article has been taken partly from km-E 5/92 “1992 ‘Light Bearers’ District Convention,” box on page 6. Part 1 is in km 11/92.