October Ena Hesiai Hebou
October 4 ai Ia Matamaia Purana
Ane 225
10 min: Kongregesen ena hadibaia herevadia.
15 min: Emu Tomadiho Gabuna Oi Matauraia, A? Elda ta ese inai hereva do ia hegaegaelaia June 15, 1993, Gima Kohorona amo. Unai sivarai ena anina oiemu kongregesen dekenai do oi gwauraia. Bema oiemu gabu dekenai unai hereva dekenai edia kara idia hanamoa be namo, mai hemataurai danu sisiba oi henidia.
20 min: October ai Emu Ruma-Ta-Ruma-Ta Gaukara Habadaia. Haroro naria tauna eiava ia hegeregere tadikakana ma ta ese helai taudia ida inai hereva do ia kikilaia; ruma-ta-ruma-ta gaukarana be mai anina bada do ia hahedinaraia. October ena henia gauna dainai kiki hereva idauidau ita henia diba. Haheitalai: (1) Pablisa ta ese ena hereva amo ruma tauna ena lalona ia veria Gima Kohorona matamata ena sivarai ta ia laloa totona. Pablisa ese sabskripsen ia henia toho, bema ruma tauna ia ura lasi abia, namona be Gima Kohorona eiava Noga! magasin ia henia toho, bema ia hegeregere lasi abia totona namona be pepapepa ta ia henia. (2) Pablisa ese pepapepa ia gaukaralaia ruma tauna danu hereva ia hamatamaia totona, bona unai kamonai tauna dekenai magasin matamatadia ia henia toho. (3) Ena magasin dala dekenai pablisa ia laloa namona be ia davaria taudia dekenai sabskripsen do ia henia toho. Unai kara idauidau dainai namona be pablisa taudia idia goada karaia October lalonai edia ruma-ta-ruma-ta gaukarana idia habadaia totona. Reana kongregesen lalodiai haida be hari hua lalonai heduru pioneer gaukara do idia karaia. Bema haida idia ura karaia, nega ia do noho edia ladana idia henia totona.
Ane 42 bona guriguri.
October 11 ai Ia Matamaia Purana
Ane 4
10 min: Kongregesen ena hadibaia herevadia. Akaun ripotina gwauraia bona bema kontribusen moni ita henia dainai, tanikiu revareva oi davaria, oi gwauraia hedinarai danu. Kongregesen bona tanobada hegegemadai Society ena gaukara be moni amo idia durua dainai, tadikaka bona taihu oi hanamodia. Nega sisina lalonai pura vairana ena haroro gaukara oi gwauraia bona pablisa ese unai gaukara idia goadalaia dainai oi hanamodia.
15 min: “Ruma Ta Ruma Ta ai Iseda Magasin Gaukaralaidia.” Ruma-ta-ruma-ta gaukara dekenai bona gabu bona nega idauidau dekenai taunimanima ita davaria neganai, mai moale danu magasin ita hahedinaraidia be mai ena badina. Ena be magasin be mai edia deit bona magasin dinana dekenai matamatadia ita hariharilaidia be namo, to ia hegeregere neganai magasin gunadia ita hariharilaidia diba danu. Namona be idia goeva bona idia darea lasi magasin ita gaukaralaidia. Ia manada pablisa ta ese paragraf 3 dekenai ia noho haheitalai do ia karaia. Paragraf ma haida dekenai henanadai oi gwauraia helai taudia do idia haere totona.
20 min: “Dirava Ena Hahediba be Mai Ena Siahu.” Henanadai bona haere amo oi karaia. Paragraf ta ta iboudiai duahidia bona emu nega ia hegeregere neganai, idia torea Baibel siri duahidia danu.
Ane 60 bona guriguri.
October 18 ai Ia Matamaia Purana
Ane 65
10 min: Kongregesen ena hadibaia herevadia.
20 min: “Lagani 1993/94 ‘Dirava Ena Hahediba’ Distrik Hebouhebou amo Namo Abia.” (Kahana 1) Henanadai bona haere amo oi karaia. Ia manada tadikakana ta ese inai hereva do ia henia.
15 min: “Kamonai Taudia Durudia.” Karaia dalana be hereva oi henia, bona henuna dekenai idia noho henanadai oi gwauraidia helai taudia do idia haerelaidia totona. Pablisa taudia be edia teritori dekenai idia davaria taudia idia durudia noho dalana oi haheitalaia, eiava pablisa ta ese vanegai Noga! eiava Gima Kohorona magasin idia abia taudia ia lou henidia karana be namo ena ekspiriens namona do ia kikilaia.
Ane 60 bona guriguri.
October 25 ai Ia Matamaia Purana
Ane 75
10 min: Kongregesen ena hadibaia herevadia. Pura vairai ena haroro gaukara oi herevalaia, bona magasin matamatadia dekena amo pura vairadiai pablisa taudia edia haroro gaukara dekenai idia gaukaralaia diba hereva badadia oi gwauraia hedinarai. Bema emu nega ia hegeregere, oiemu teritori lalonai magasin hariharilaidia dalana ena haheitalai kwadogi tamona eiava rua oi karaia. Tadikaka bona taihu iboudiai oi hagoadadia kamonai taudia idia lou henidia totona.
15 min: “Hegaegae, Taitai Taudia Hagoadadia Totona.” Ia lo eiava ena lagani bada tadikakana ese inai hereva do ia henia, ia be elda tauna ta be namo. Inai hereva ena kahana ta be Society ena revareva Mase Neganai Kastom Karadia (January 6, 1987) amo ai torea. Inai hereva ia henia tadikakana ese do ia hahedinaraia mase ta ia vara neganai, Iehova ena Witness taudia ese edia kastom iboudiai idia dadaraia lasi. Mase ta ia vara neganai, Witness ta ese ia danu idia gaukara hebou tauna dekenai, Iehova ena Witness taudia ese kastom haida idia dadaraia ena badina be haheitalai ta amo do ia hahedinaraia.
20 min: “Baibel Stadi Karaia Dalana.” Henanadai bona haere amo oi karaia. Haheitalai ta hegaegaelaia namonamo. Pablisa ta ese Baibel stadi tauna ia durua paragraf dekenai idia torea Baibel siridia bona paragraf ena sivarai idia hesiriu dalana ia diba totona. Unai haheitalai tamona dekenai, pablisa ese stadi tauna dekenai henanadai ma haida ia henia, hereva momokani do ia lalo-pararalaia namonamo totona. Dirava Momokani Tamona bukana eiava Mauri Hanaihanai bukana amo paragraf oi abidia hidi.
Ane 78 bona guriguri.