Hadibaia Hereva

◼ Distrik Hebouhebou ena nega be ia kahirakahira. Oi hegaegae vadaeni unai hebouhebou ta dekenai oi lao totona, a? Namona be emu ruma bese taudia danu umui helai bona lao dalana umui kikilaia hebou. Danu, oi bona emu ruma bese taudia be hebouhebou ena hereva namodia do umui kamonai bona drama do umui itaia karana amo namo do umui davaria dalana umui kikilaia.

◼ Reana kongregesen iboudiai be “Dirava Ena Hahediba” Distrik Hebouhebou totona, “1993 Annual Items Literature Order Form” dekenai, lapel kadi idia oda vadaeni. Namona be idia oda gaudia ena namba be idia hegeregere pablisa bona edia natudia iboudiai totona. Hebouhebou dekenai unai kadi do umui hoia diba LASI. (Lapel kadi ta ena davana be toea rua, bona ia kumia plastik gauna ta ena davana be toea ten.)

◼ Namona be kongregesen seketere taudia idia laloatao edia maduna ta be edia kongregesen lalodiai hebouhebou gaukara idia hegaegaelaia. Anina be distrik hebouhebou totona kongregesen edia seketere taudia ese gau haida idia oda karaia, leta idia torea, bona tadikaka bona taihu edia lao dalana bona mahuta gabuna ena gaukara do idia naria bona hegaegaelaia.

◼ Bema ia hegeregere, ai laloa namona be pablisa ese edia sabskripsen idia abia totona kongregesen ena address dekenai do ai siaia. Unai neganai, magasin ta ta lasi to momo nega tamona do ai siaia diba, bena Society be moni bada do ia negea lasi.

◼ November ena henia gauna: New World Translation of the Holy Scriptures Baibel bona Buka Helaga​—Dirava Ena Hereva Eiava Taunimanima Edia?, davana be K5.00.

◼ December ena henia gauna: Tau Hereadaena bukana, davana be K3.00.

◼ January ena henia gauna: Mauri Ia Lao Henia Hereva Momokanina, Maino Bona Noho Namona​—Daika amo Ia Mai, Memero Kekeni​—Moale Umui Davaria Dalana bukadia, ta ena davana be 25 toea, toi nega tamona edia davana be 75 toea.

◼ Oi dekenai reana December be hua namona haroro gaukara do oi karaia totona, a? Idia do sikuli noho bapatiso pablisa memero kekeni be unai hua lalonai sikuli holide idia abia dainai, reana idia ura unai hua lalonai heduru pioneer gaukara do idia karaia. Bema elda taudia, hesiai taudia, bona pablisa taudia haida ese unai memero kekeni be haroro gaukara dekenai idia bamodia, do idia hagoadadia momokani! Bema oi be mai emu maduna ta dainai unai hua lalonai heduru pioneer gaukara do oi karaia diba lasi, do oi hegaegae diba hora haida lalodiai do idia heduru pioneer taudia danu umui haroro hebou totona, a? Unai amo umui hagoadaia heheni diba.