Hadibaia Hereva
◼ Hari lagani lalonai, hebouhebou ena lata be dina hani. Hebouhebou ena pura lalonai, elda edia orea taudia idia abia hidi hegeregerena, unai pura ena Kongregesen Buka Stadi do idia karaia, eiava kahana rua dekenai idia hapararaia bona hebouhebou ena pura vairanai bona murinai edia stadi dekenai idia hakapua diba.
◼ Sedira kongregesen iboudiai be edia oda idia atoa vadaeni lagani 1994 gaudia do idia abidia totona: Dina Iboudiai Buka Helaga Tahua—1994 buklet; 1994 Yearbook of Jehovah’s Witnesses; 1994 Calendar of Jehovah’s Witnesses; lagani 1993 Gima Kohorona bound volume bona lagani 1992-93 Noga! bound volume. Mani emui kara, namona be ai henia green pepa gauna dekenai emui oda do umui torea. Gabeai, bema haida do umui ura oda henia, S-AB-14 Literature Order Form dekenai do umui torea.
◼ “Dirava Ena Hahediba” Distrik Hebouhebou ena program dekenai, ta ese Gima Kohorona Stadi ena sivarai do ia kikilaia. Unai amo tadikaka bona taihu be unai pura ena lauma aniani do idia reaia lasi. Namona be hebou taudia iboudiai be edia Gima Kohorona idia itaia, hereva tauna ese sivarai ia kikilaia neganai.
◼ LAGANI 1994 ENA SIRI BADANA MATAMATANA: Namona be January 1 ia do ginidae lasi neganai, Kingdom Hall iboudiai dekenai unai siri badana idia atoa vadaeni. Kongregesen naria tauna ese dala ia hegaegaelaia unai do idia karaia totona. Reana namona be kongregesen eiava grup maragidia be lagani ena siri badana be blakbod dekenai idia torea namonamo. Unai amo lagani ta ta iboudiai idia gaukaralaia diba, siri badana matamatana idia torea totona, bona nega bada do idia haorea lasi bona do idia hekwarahi bada lasi.
◼ Regular bona special pioneer, bona misinari taudia, bema hua 6 eiava unai nega ia hanaia lalonai ful-taim gaukara idia karaia, lagani 1994 ena Dina Iboudiai Buka Helaga Tahua buklet, English, Hiri Motu, eiava New Guinea Pidgin (tamona sibona) dekenai, idia abia diba davana lasi, bona bema English gado idia duahia diba, Yearbook ta do idia abia davana lasi. Namona be kongregesen dekena amo unai buklet bona buka do umui oda henia. Bona akaun ia naria tadikaka ia laloaboio lasi, hua ena Remittance and Credit Request fom (S-AB-20) dekenai unai davana lasi buklet bona buka do ia toredia.
◼ Umui bapatiso vadaeni kongregesen memero kekeni e, hari December eiava January lalonai heduru pioneer gaukara do umui karaia diba, a? Bema oi do bapatiso lasi, to gwaumaoro oi idia henia pablisa gaukara oi karaia totona, holide lalonai emu haroro gaukara oi habadaia diba dalana oi laloa vadaeni, eiava? Bema karaia dalana oi ura diba, namona be emu Buka Stadi ia naria tauna dekenai oi lao, heduru abia totona.
◼ December ena henia gauna: Tau Hereadaena bukana, ena davana be K3.00. January ena henia gauna: Mauri Ia Lao Henia Hereva Momokanina, Maino Bona Noho Namona—Daika amo Ia Mai?, Memero Kekeni—Moale Umui Davaria Dalana bukadia, ta ena davana be 25 toea, toi nega tamona henia edia davana be 75 toea. February ena henia gauna: Mauri Hanaihanai Paradaiso Lalonai bukana, ena davana be K3.00.