December Ena Hesiai Hebou
December 6 ai Ia Matamaia Purana
Ane 205
10 min: Kongregesen ena hadibaia herevadia. Tadikaka bona taihu oi hagoadadia Saturday dekenai magasin gaukara dala dekenai bona ruma ta ruma ta ai do idia karaia totona. Henuna hereva gwauraidia danu:
20 min: “Sivarai Namona Harorolaia—Holide Negadiai.” Henanadai bona haere amo oi karaia. Holide ena nega totona haroro gaukara negana oi gwauraia hedinarai.
15 min: “Magasin Gaukara Totona Nega Oi Atoa.” Karaia dalana be hereva oi henia, bona helai taudia dekenai henanadai haida oi henidia. Paragraf 3 oi karaia neganai, magasin matamatadia amo sivarai idauidau ese iseda teritori dekenai ita davaria taudia idauidau be edena bamona idia durudia, oi hahedinaraia.
Ane 169 bona guriguri.
December 13 ai Ia Matamaia Purana
Ane 146
10 min: Kongregesen ena hadibaia herevadia. Akaun ripotina, bona bema hanamoa revareva oi davaria kontribusen moni ita henia dainai, oi gwauraia hedinarai. Tadikaka bona taihu ese moni amo kongregesen bona Society ena Kingdom Hall Fund, bona Society ena tanobada ibounai haroro gaukarana idia durua dainai, oi hanamodia. Hari Saturday bona Sunday ena haroro gaukara totona, hamatamaia herevana lalonai ita kikilaia diba sivaraina do oi gwauraia hedinarai.
20 min: “Emu Lalona Oi Hadaia Ful-Taim Hesiai Gaukarana Karaia Totona.” Inai sivarai be henanadai bona haere amo oi karaia.
15 min: “December Lalonai Baibel Stadi Hamatamaia Dalana.” Inai sivarai be henanadai bona haere amo do oi karaia. Paragraf ta ta do idia duahia bona murinai, henanadai oi gwauraidia. Bema mai edia dala, helai taudia iboudiai oi hagoadadia hua ta ta iboudiai dekenai Baibel stadi ta do idia karaia totona.
Ane 165 bona guriguri.
December 20 ai Ia Matamaia Purana
Ane 189.
10 min: Kongregesen ena hadibaia herevadia. Bema December 25 ai, oiemu kongregesen taudia be distrik hebouhebou ta dekenai idia lao lasi, oiemu kongregesen ena haroro gaukara negana December 25 totona do oi gwauraia hedinarai.
20 min: “Oiemu Baibel Stadi Tauna Ena Kudouna Oi Hamarerea.” Henanadai bona haere amo oi karaia; haheitalai ta karaia danu. Kongregesen taudia ta ta iboudiai do idia goada karaia hadibaia dalana idia diba namonamo totona oi gwauraia bada. Paragraf ihatoina oi kikilaia murinai, haheitalai do idia karaia. Pablisa ta ese Mauri Hanaihanai buka ena karoa 1 paragraf 13 bona 14 amo, henanadai bona Baibel siridia gaukaralaidia dalana amo, Baibel stadi tauna do ia laloa namonamo diba dalana do ia hahedinaraia.
15 min:“Yearbook—Hagoadaia Hereva Momo Abia Gabuna.” Mai goada danu inai hereva oi henia, bona oi hahedinaraia idia torea Baibel siridia edia anina ita gwauraia hedinarai namonamo be gau badana. Idia hegaegae namonamo guna pablisa taudia ese January 1, 1990, January 1, 1987, bona January 1, 1986, Watchtower magasin edia rau 32 dekenai idia noho ekspiriens be mai edia lalona ibounai ida do idia duahidia.
Ane 61 bona guriguri.
December 27 ai Ia Matamaia Purana
Ane 37
10 min: Kongregesen ena hadibaia herevadia. January 1 ena haroro gaukara oi gwauraia hedinarai. January lalonai buka do ita hariharilaia diba dalana oi hahedinaraia.
20 min: Drag Ania Toho Karana Ena Dika be Dahaka? Elda ta ese hereva amo do ia henia, eiava ia bona memero kekeni pablisa taudia rua do idia kikilaia hebou. Inai sivarai be Reasoning buka ena rau 106-12 amo.
Sikuli dekenai drag gaukaralaia momo karana ia vara dainai, pablisa memero kekeni rua be elda tauna ida idia kikilaia. Danu, idia gwau memero kekeni momo idia laloa nega ta ta ai drag ania karana be ia dika lasi. Elda tauna ia hamaorodia ia sikuli neganai dika be bada lasi, to hari sikuli dekenai dika be ia bada ia lao. Ia hahedinaraia Baibel ese unai drag gaudia ia sivarailaidia lasi, to heduru ita abia totona, drag ania karana ena sivarai be Reasoning buka ena rau 106-12 dekenai ita davaria diba. Memero kekeni ese Baibel siridia do idia duahidia, bona elda tauna ese unai sivarai ia kikilaia noho lalonai, edia lalona ia veria unai sivarai idia laloa maoromaoro totona. Edia lagani hegeregere taudia edia kara idia dadaraia totona, unai memero kekeni ese dahaka do idia karaia diba do idia gwauraia hedinarai.
15 min: Keristen Taudia ese Burukadia Idia Durudia Diba Dalana. Inai hereva be August 15, 1993, Gima Kohorona, rau 27-30 amo do oi hegaegaelaia.
Ane 120 bona guriguri.