January Ena Hesiai Hebou
January 3 ai Ia Matamaia Purana
Ane 25
10 min: Kongregesen ena hadibaia herevadia. January ena henia gauna oi gwauraia hedinarai.
20 min: “Sivarai Namona Harorolaia—Buka Gunadia Amo.” Henanadai bona haere amo oi karaia. Paragraf 6 oi kikilaia murinai, haheitalai maragina ta amo hua ena henia gauna hariharilaia dalana do idia hahedinaraia.
15 min: “Sekit Hebouhebou Bona Dina Tamona Hebouhebou Matamatadia.” Elda ese inai hereva do ia henia.
Ane 24 bona guriguri.
January 10 ai Ia Matamaia Purana
Ane 54
10 min: Kongregesen ena hadibaia herevadia. Akaun ripotina, bona bema hanamoa revareva oi davaria kontribusen moni ita henia dainai, oi gwauraia hedinarai. Pura vaira ena haroro gaukara oi gwauraia hedinarai.
20 min: “Emu Hesiai Gaukara Oi Karaia Namonamo.” Henanadai bona haere amo oi karaia. Paragraf 5 bona 6 oi kikilaia murinai, haheitalai ta amo, July 15, 1988, The Watchtower bona Buka Helaga Herevalaia buka amo, heduru hereva haida tahua karana oi hahedinaraia.
15 min: Egu Bamodia Edia Lalo-Ani be Edena Bamona Do Lau Haheaukalaia Diba? Lo momokani elda tauna ta ese memero kekeni namodia rua danu Memero Kekeni Edia Henanadai—Haere Maorodia buka ena karoa 9 amo, hereva do idia kikilaia namonamo. Memero kekeni idia ura bada edia bamodia ese do idia ura henidia momokani, oi hahedinaraia. Unai siahu be bada lagani bada taudia dekenai danu. Memero kekeni ese unai siahu idia dadaraia be auka, a? Idia dadaraia diba dalana be dahaka? Buka ena rau 80 ai, memero kekeni edia lalona veria totona, “Inai Henanadai Herevalaia” kahanai idia noho henanadai oi kikilaidia, bona edena bamona goada do idia abia diba edia bamodia edia kara idia dadaraia totona oi hahedinaraia. Kongregesen lalonai, memero kekeni edia haheitalai namona dainai, oi hanamodia. Edia kara namodia dainai Iehova ese idia ia moalelaidia bona edia hanamoa karana ia abia dae.—Her. 27:11.
Ane 63 bona guriguri.
January 17 ai Ia Matamaia Purana
Ane 4
10 min: Kongregesen ena hadibaia herevadia. Pura vaira ena haroro gaukara oi gwauraia hedinarai.
15 min: “Keristen Tauna Ta ai Oi Lao Ena Anina.” Tadikaka ta ese inai hereva do ia henia, eiava kongregesen durua herevana ta do ia henia diba. Inai hereva be Insight buka, Volume 1, rau 440-1 amo ai abia, bona henuai ai hahanaia hegeregerena oi hegaegaelaia. Iesu ia hahedinaraia lalokauna bona sibona ena ura dadaraia karadia ita tohotohoa be gau badana, oi hahedinaraia.
20 min:“Pepapepa Henia Namonamo Dalana.” Henanadai bona haere amo oi karaia. Paragraf 5 bona 6 oi kikilaia murinai, haheitalai rua do idia karaia. Hamatamaia hereva dekenai (1) Daika ese Tanobada Ia Lohiaia? bona (2) Bible Oi Abidadama Henia Diba pepapepadia idia gaukaralaia. Hereva ibounai do idia henia lasi, to unai pepapepa herevalaia bona Kiki Herevana dekenai hakapua dalana do idia hahedinaraia sibona. Nega ibounai ita gima noho pepapepa ita henia totona be gau badana oi hahedinaraia goevagoeva.
Ane 188 bona guriguri.
January 24 ai Ia Matamaia Purana
Ane 171
10 min: Kongregesen ena hadibaia herevadia. Saturday bona Sunday edia haroro gaukara oi gwauraia hedinarai. Helai taudia hagoadadia magasin dala idia karaia totona, Saturday be nega namona.
20 min: Lou-Henia Namodia Ita Karaia. Haroro gaukara naria tauna ese inai hereva do ia henia. Hari inai negai, taunimanima momo herea idia ura Basileia ena sivarai idia kamonai, bona edia lalona ita veria idia kamonai noho totona, gau badana be ita hegaegae namonamo ita lou henidia totona. Danu, haroro gaukara dekenai magasin momo ita hariharilaidia, namona be ita lou henidia. Tadikaka bona taihu oi hagoadadia lou-henia gaukara do idia laloa bada totona. Iseda lalona ita hadaia Baibel stadi ta do ita hamatamaia totona. Buka bona magasin dekenai idia noho sivarai idauidau be namo herea lou-henia namodia do ita karaia totona. Haheitalai ta amo pablisa ta ese lou-henia ia karaia, bona maoromaoro sivarai ia kehoa bona ia dekena amo Baibel siri tamona eiava rua do ia duahidia. Ita henanadai henidia lasi idia abia buka eiava magasin idia duahia vadaeni eiava lasi, bona sivarai idia moalelaia eiava lasi. Namona be ita hereva maoromaoro, auka lasi, bona hagoadaia hereva amo ita hereva henidia. Namona be ita laloatao, ita ura idia dekenai Baibel stadi ta ita hamatamaia.
15 min: “Haida Durudia Kohu Badana ta Idia Diba Totona.” Henanadai bona haere amo oi karaia. Paragraf 3 amo idia hegaegaelaia namonamo haheitalai ta do idia karaia. Pablisa be 2 Timoteo 3:1-5 ena hereva ibounai do ia duahia lasi, to unai siri amo iena gabu dekenai idia vara gaudia do ia gwauraia. Paragraf 4 oi kikilaia murinai, haheitalai ta do idia karaia. Pablisa ta ese mai ena natuna tamana eiava sinana dekenai Mauri Hanaihanai Paradaiso Lalonai bukana ia hariharilaia.
Ane 108 bona guriguri.
January 31 ai Ia Matamaia Purana
Ane 37
10 min: Kongregesen ena hadibaia herevadia. Pura vaira ena haroro gaukara oi gwauraia hedinarai. Haheitalai ta amo February ena henia gauna hariharilaia dalana do oi hahedinaraia.
20 min: Emui Sikuli Natudia Umui Hagoadadia. Elda ta ese inai hereva do ia henia, tadikaka haida do ia henanadai henidia bona haheitalai do ia hegaegaelaia.
15 min: Kongregesen Durua Herevana. Kongregesen naria tauna ese kongregesen durua herevana ta do ia hegaegaelaia. Eiava, ia ese Distrik Hebouhebou dekenai ita idia hadibaia hereva namodia do ia riviulaia, bona kongregesen lalonai edena bamona unai hereva do ita gaukaralaidia ia hahedinaraia.
Ane 17 bona guriguri.