Hadibaia Hereva

◼ September ena henia gauna: Mauri Hanaihanai Paradaiso Lalonai bukana, davana be K3.00. October: Gima Kohorona sabskripsen, bona Noga! magasin rua, davana be K6.50. November: New World Translation of the Holy Scriptures Baibel bona Buka Helaga​—Dirava ena Hereva Eiava Taunimanima Edia? davana be K5.00. December: Tau Hereadaena bukana, davana be K3.00. ITAIA: Bema kongregesen dekenai unai henia gaudia idia noho hegaegae lasi, namona be murina hua ena Literature Order Form (S-AB-14) dekenai oda idia karaia. October lalonai Noga! magasin do ita hariharilaidia totona, namona be ma haida umui oda hegaegae.

◼ Hari hua lalonai kongregesen haida be gabu daudau ena teritori idia do karaia noho. Hari lagani lalonai gabu daudau teritori dekenai dahaka umui karaia ena ripoti bema umui do siaia lasi, mani emui kara, hari hua dokonai umui siaia mai.

◼ Brens opesi taudia idia itaia kongregesen momo be nega korikori dekenai edia ripoti idia siaia, bona unai dainai umui ai hanamoa. Gabu daudau dekenai idia noho kongregesen ese unai idia karaia dainai unai be namo herea momokani.

◼ Kongregesen iboudiai idia laloaboio lasi totona inai hereva ai gwauraia lou: Kongregesen Buka Stadi lalonai hari idia stadilaia bukana idia haorea neganai, kongregesen iboudiai be inai buklet do idia stadilaidia: (1) Mase Taudia Edia Lauma​—Oi Idia Durua Diba Eiava Oi Idia Hadikaia Diba, A? Idia be Momokani Idia Noho A?, bena murinai (2) Dirava ese Ita Ia Laloa Eiava?, bena unai murinai (3) Mauri ena Anina be Dahaka​—Edena Bamona Oi Davaria Diba? Namona be kongregesen ese unai buklet idia oda hegaegae, tadikaka iboudiai ese do idia abidia diba totona.

◼ Kongregesen naria tauna, eiava ia abia hidi tadikakana ta, be September 1 eiava unai nega kahirakahira murinai, kongregesen ena akaun do ia audit karaia, buka dekenai idia torea monina do ia tahua namonamo unai. Kongregesen taudia oi hadibadia unai oi karaia murinai. Kongregesen ena akaun audit karaia dalana be Instructions for Congregation Accounting pepana (S-AB-27)​—English sibona​—paragraf 32 dekenai oi davaria diba.

◼ Kongregesen rua eiava toi ese Kingdom Hall tamona idia gaukaralaia neganai, bema lagani ta ta iboudiai idia ura edia hebou negana idia haidaua, Society ia gwau namona be September 1 ai idia karaia, ma nega haida be hegeregere momokani lasi.

◼ Elda taudia e, laloaboio lasi, April 15, 1991 Watchtower ena rau 21-3 ena heduru herevana umui badinaia; unai hereva ia gwau bema umui laloa orea murimurinai idia atoa taudia eiava sibodia be orea amo idia gini siri taudia idia ura idia vareai lou, vareai lou hadibadia totona umui lao henidia. Lagani ta ta iboudiai, hesiai lagani matamatana ena elda hebou ginigunana lalonai, elda edia orea taudia be edia kongregesen teritori lalonai idia noho orea murimurinai idia atoa taudia do idia lalodia. Ia maoro neganai, elda rua (eiava elda ta bona hesiai tauna ta) idia abia hidi unai taudia idia vadivadi henidia totona.

◼ September hua iboudiai dekenai, hesiai lagani matamatana lalonai fom idia gaukaralaidia totona, ai ese special pioneer bona misinari taudia iboudiai dekenai ai henidia. Bema unai fom idia naridia namonamo, lagani ia heau lalonai do idia ura lasi ma haida idia oda henidia.