September Ena Hesiai Hebou
September 5 ai Ia Matamaia Purana
Ane 5
10 min: Kongregesen ena hadibaia herevadia. Pura vaira totona haroro gaukara oi gwauraia.
20 min: “Basileia Gaukara be Kohu Namona Dainai Ita Habadaia.” Henanadai bona haere amo oi karaia. Eiava haroro gaukara naria tauna bona elda ma ta ese henuna paragraf amo hereva badadia do idia kikilaia hebou. Kongregesen ena lagani gunana ena gaukara do oi hahedinaraia, bona tadikaka bona taihu edia gaukara namona dainai oi hanamodia, bona dahaka do idia karaia edia manoka karadia idia hanamoa totona do oi gwauraia danu. Oi hahedinaraia goevagoeva, namona be ta ta sibona sibona ena haroro gaukara do ia habadaia toho.
15 min: “Taunimanima Edia Lalona Ita Veria Mauri Hanaihanai Buka Idia Ura Henia Totona.” Pablisa toi eiava hani, idia ta be natu maragina ta, ese magasin ena sivarai idia kikilaia bena murinai idia hegaegae totona sibodia idia karaia toho. Haheitalai rua eiava toi amo magasin hariharilaia dalana idia hahedinaraia, bena edia hereva idia riviulaia, ta ese ta dekenai heduru hereva bona hanamoa hereva idia henia.
Ane 32 bona guriguri.
September 12 ai Ia Matamaia Purana
Ane 54
7 min: Kongregesen ena hadibaia herevadia. Tadikaka bona taihu oi hagoadadia October lalonai heduru pioneer gaukara do idia karaia totona. Unai hua lalonai Saturday bona Sunday be ima, unai dainai, ena be moni gaukara idia karaia, to haroro hora 60 idia davaria diba.
20 min: Keristen Ena Kara Sikuli Dekenai. Elda ta bona lagani 13 idia hanaia memero kekeni toi eiava hani ese inai hereva idia kikilaia hebou. Sikuli dekenai, kara idauidau ese iseda memero bona kekeni idia doridia edia hemataurai Baibel ena taravatu dekenai do idia hadikaia totona. Unai kara momo be klasrum dekenai idia vara lasi. To spot gadara, memero kekeni turana karaia karana, bona moale karadia ese dika idia havaraia diba. Elda ese memero bona kekeni ida, Sikuli buklet ena rau 22-5 amo, “Sikuli Ena Kara Ma Haida” henunai, sivarai do ia kikilaia. Memero kekeni ese edia hereva amo do idia hahedinaraia sikuli dekenai idia doridia unai kara idia karaia totona, unai dainai idia moale heduru idia abia dainai. Kongregesen maragidia dekenai, inai hereva ia henia tadikakana be Sikuli buklet ena rau 22-5 amo paragraf do ia duahidia bona edia anina ia kikilaia.
18 min: “Haroro Gaukara Idia Goadalaia.” Henanadai bona haere amo oi karaia. Oi hahedinaraia goevagoeva, ena be iseda haroro hora ena bada be idauidau, to ita ibounai be haroro gaukara ita moalelaia bona mai iseda lalona ibounai ida ita karaia be namo.
Ane 60 bona guriguri.
September 19 ai Ia Matamaia Purana
Ane 36
10 min: Kongregesen ena hadibaia herevadia. Akaun ripotina gwauraia bona tadikaka bona taihu ese idia henia kontribusen monina dainai, Society ena tanikiu henia herevana oi duahia.
20 min: “Hegaegae Noho Lauma Dalanai Oi Tubu Namonamo Totona—Kahana 2.” Henanadai bona haere amo oi karaia. Elda ta ese ia henia be namo.
15 min: “Mauri Hanaihanai Bukana amo Baibel Stadi Hamatamaia Dalana.” Helai taudia danu inai hereva oi kikilaia. Haheitalai ta karaia. Henunai ia noho kiki herevana ta oi abia hidi idia hegaegaelaia totona.
Ane 67 bona guriguri.
September 26 ai Ia Matamaia Purana
Ane 44
10 min: Kongregesen ena hadibaia herevadia. Helai taudia oi nanadaia bema Mauri Hanaihanai buka idia hariharilaia eiava unai buka amo stadi idia hamatamaia, nega sisina lalonai edia ekspiriens do idia kikilaia.
15 min: “Ruma Bese Danu Iehova Ena Hesiai Gaukara Karaia Hebou.” Henanadai bona haere amo oi karaia. Ena hamatamaia herevana lalonai namona be hereva henia tauna be ia hahedinaraia goevagoeva ruma bese taudia idia gaukara hebou be gau badana, bona tama sina be nega idia atoa edia natudia idia stadi henidia totona, bona unai hereva be edia kudouna dekenai ia diho momokani be gau badana. Memero kekeni momo ese hereva momokani idia rakatania badina idia maragi negana amo, idia bona edia tama sina idia herevahereva hebou namonamo lasi. Bema Keristen tama sina idia ura Iehova dekena amo hahenamo do idia abia, namona be edia natudia do idia hadibadia namonamo.
20 min: October Lalonai Gima Kohorona Bona Noga! Magasin Hariharilaidia. Haroro naria tauna ese inai hereva do ia henia. Tanobada hegegemadai haroro gaukara dekenai iseda magasin be heduru bada gaudia; magasin dekena amo taunimanima milion momo be nega ginigunana hereva momokani idia kamonai. Oi hahedinaraia goevagoeva, ena be ruma-ta-ruma-ta gaukara dekenai hua ena henia gauna be idauidau, to hanaihanai magasin ita gaukaralaidia danu be gau badana. Pura ta ta iboudiai Magasin Dinana ena namo idauidau oi gwauraia. Dala dekenai ita gini bona sitoa-ta-sitoa-ta gaukara dekenai magasin momo ita henia diba sivaraina oi gwauraia. Tadikaka bona taihu oi hamaorodia idia henia magasin iboudiai be edia noutbuk dekenai idia torea, bena magasin dalana do idia karaia diba. Oi hahedinaraia namonamo, taunimanima idia lou henidia neganai sabskripsen idia henia toho be namo. Oi hahedinaraia goevagoeva, haroro gaukara do ita karaia totona, ita hegaegae namonamo guna be gau badana. Pablisa toi, idia ta be mero eiava kekeni, be haheitalai kwadogina amo magasin hariharilaia dalana do idia hahedinaraia.
Ane 76 bona guriguri.