Hadibaia Hereva

◼ November ena henia gauna: New World Translation of the Holy Scriptures Baibel bona Buka Helaga​—Dirava ena Hereva Eiava Taunimanima Edia? davana be K5.00. December: Tau Hereadaena bukana, davana be K3.00. January: Kongregesen dekenai ia noho rau 192 bukana ta, davana be K1.00. February: Mauri Hanaihanai Paradaiso Lalonai bukana, davana be K3.00. Taunimanima ese unai buka idia abia neganai namona be ita lou henidia, bona ita goada karaia idia dekenai Baibel stadi do ita hamatamaia totona. ITAIA: Bema kongregesen ese unai henia gaudia idia do oda henidia hegaegae lasi, namona be Literature Order Form (S-AB-14) dekenai oda idia karaia.

◼ Lagani 1995 ena siri badana be inai: “Lalokau dekenai do umui noho hebou.”—Kol. 2:2.

◼ Namona be January 1 ia do matamaia lasi neganai, Kingdom Hall iboudiai dekenai unai siri badana idia atoa vadaeni. Kongregesen naria tauna ena maduna be dala ia hegaegaelaia unai do idia karaia totona. Reana namona be kongregesen maragidia bona grup maragidia be lagani ena siri badana be blakbod ta dekenai idia torea namonamo. Unai amo lagani ta ta iboudiai idia gaukaralaia diba, siri badana matamatana idia torea totona, bona nega bada do idia haorea lasi bona do idia hekwarahi bada lasi.

◼ Namona be kongregesen iboudiai edia oda be hari idia atoa henuna dekenai ai torea lagani 1995 gaudia do idia abidia totona: Dina Iboudiai Buka Helaga Tahua​—1995 buklet; 1995 Yearbook of Jehovah’s Witnesses; 1995 Calendar of Jehovah’s Witnesses; bona lagani 1994 Gima Kohorona volume. Guna umui gaukaralaia green pepana, Annual Items Order Form unai, be hari ai gaukaralaia lasi. Mani emu kara, atai gaudia do umui oda henidia totona, Literature Order Form (S-AB-14) dekenai do umui torea. Kongregesen lalonai tadikaka bona taihu ese idia oda henia gaudia sibodia do umui abia. Unai be mai edia taravatu gaudia bona tadikaka bona taihu idia gwau ta idia ura henia neganai sibona do umui oda henia. Umui oda henia lasi kongregesen dekenai idia noho hegaegae totona. Unai gaudia idia ura abia taudia edia ladadia do umui torea namonamo. Tadikaka idia ura abia gaudia idia gwauraia neganai, reana elda taudia do idia gwau diba davana danu do idia henia. To, namona be kongregesen ese unai moni ia dogoatao ela bona unai gaudia idia ginidae.

◼ Kongregesen iboudiai be distrik hebouhebou totona dabua dekenai idia atoa kadi be hari idia oda henia diba Literature Order Form (S-AB-14) dekenai. Pablisa bona edia natudia iboudiai totona oda umui karaia. Hebouhebou gabuna dekenai unai kadi do umui abia diba lasi.

◼ Kongregesen seketere taudia e, laloaboio lasi, emui maduna ta be emui kongregesen dekenai hebouhebou badana ena gaukara do umui karaia. Unai ena anina be distrik hebouhebou totona idia oda henia gaudia, revareva, tadikaka idia lao bona giroa mai, bona edia noho gabudia hegaegaelaia gaukarana umui biagua bona umui naria.

◼ December ena pura ginigunana dekenai, Motu gado kongregesen iboudiai be edia Kongregesen Buka Stadi dekenai Dirava ese Ita Ia Laloa Eiava? buklet do idia stadilaia.

◼ Kompiuta Program Matamatana be Hari Ita Oda Henia Diba:

English: CD-ROM, Watchtower Library—1993 Edition. Mai ena taravatu gauna (K10.00).