November Ena Hesiai Hebou
November 7 ai Ia Matamaia Purana
Ane 4
10 min: Kongregesen ena hadibaia herevadia bona henuna dekenai hadibaia hereva danu oi duahidia. Magasin matamatadia amo hariharilaidia gaukarana lalonai ita kikilaia diba hereva haida do oi gwauraidia hedinarai.
18 min: “Dirava Ena Hereva be Mai Ena Siahu.” Henanadai bona haere amo oi karaia. Inai hereva ia henia tauna be paragraf ta ta iboudiai totona henanadai namodia be sibona do ia hegaegaelaidia. Nega ia noho hegeregerena paragraf ta ta idia duahia. Danu, Dina Iboudiai Buka Helaga Tahua—1994 buklet ena matamaia herevana amo, hanaihanai Baibel duahia be mai anina bada karana do oi hahedinaraia.
17 min: “Baibel—Hekwakwanai Momo Tanobadana ai Moale Bona Helaro Ia Henia.” Helai taudia danu oi kikilaia. Ai torea kiki herevadia karaia dalana be haheitalai rua amo idia hahedinaraia.
Ane 24 bona guriguri.
November 14 ai Ia Matamaia Purana
Ane 25
10 min: Kongregesen ena hadibaia herevadia. Akaun ripotina oi duahia bona tadikaka bona taihu ese Society dekenai idia henia kontribusen monina dainai tanikiu herevana oi duahia.
17 min: “Oiemu Kara Toana be Dahaka?” Karaia dalana be hereva oi henia.
18 min: “Basileia Harorolaia Gaukarana Ita Hanamoa Daladia Haida.” Henanadai bona haere amo oi karaia. Inai hereva ia henia tauna be paragraf ta ta iboudiai totona henanadai namodia be sibona do ia hegaegaelaidia. Nega ia noho hegeregerena paragraf ta ta idia duahia. Helai taudia oi noidia Iseda Basileia Gaukara pepana dekenai idia noho heduru herevadia idia badinaia neganai dahaka namo ia havaraia do idia gwauraia hedinarai.
Ane 37 bona guriguri.
November 21 ai Ia Matamaia Purana
Ane 40
12 min: Kongregesen ena hadibaia herevadia bona Henanadai. Karaia dalana be hereva oi henia. Inai sivarai ena anina be dahaka oiemu gabu dekenai oi gwauraia hedinarai.
15 min: Kongregesen Durua Herevana. Kongregesen durua herevana. Eiava elda ta ese September 1, 1994, ena Gima Kohorona, rau 29, “Emu Hesiai Gaukarana Helagana Oi Laloa Bada” sivaraina amo hereva do ia hegaegaelaia.
18 min: “Ita Durudia Bena ‘Ma Dohore Idia Kamonai Lou.’ ” Helai taudia danu oi kikilaia. Idia hegaegaelaia namonamo haheitalai rua karaia. Baibel gaukaralaia karana amo stadi hamatamaia dalana do idia hahedinaraia.
Ane 52 bona guriguri.
November 28 ai Ia Matamaia Purana
Ane 58
10 min: Kongregesen ena hadibaia herevadia. Magasin matamatadia hariharilaia daladia do oi hahedinaraia.
17 min: “Haida Ida Haroro Hebou Karana amo Idia Vara Hahenamodia.” Henanadai bona haere amo oi karaia. Inai hereva ia henia tauna be paragraf ta ta iboudiai totona henanadai namodia be sibona do ia hegaegaelaidia. Nega ia noho hegeregerena paragraf ta ta idia duahia. Kongregesen be haroro totona hebou idia hegaegaelaia, bona namona be tadikaka bona taihu oi hagoadadia unai hebou dekenai idia lao totona. Namo lasi nega iboudiai idia hegaegae sibodia idia haroro totona. Grup taudia ida oi haroro hebou neganai hahenamo ma haida oi davaria, haroro gaukara ena namo ia habadaia, bona umui hagoadaia heheni diba.
18 min: December Lalonai Tau Hereadaena Bukana Do Ita Hariharilaia. Unai buka ese taunimanima momo herea do ia durudia diba. Taunimanima milion momo idia gwau Iesu murinai idia raka, bona idia gwau iena hahediba herevadia idia abidia dae. To namona be idia lalo-parara dahaka dainai ia be taunimanima iboudiai amo ia idau—unai idia lalo-pararalaia be gau badana hahemauri do idia abia totona. Tau Hereadaena bukana, karoa 133, ia gwau: “Iesu ena boga-auka, ena aonega hereadaena, ena hadibaia karana namo hereana, ena gari lasi hakaua karana, ena lalokau bona ena hebogahisi ita laloa neganai, unai ese iseda lalona ia hamarerea.” Baibel ese ia hahedinaraia goevagoeva ia be (1) Hereva Hamomokani Tauna (Ioa. 18:37), (2) ia be Hahemauri Tauna (Kara 4:12), bona (3) ia be Pavapava (Apok. 11:15). Haheitalai ta karaia. Ia manada vadaeni pablisa tauna ta be unai hereva haida amo kiki herevana do ia hahedinaraia. Tadikaka bona taihu iboudiai oi hagoadadia December lalonai unai buka do idia hariharilaia totona.
Ane 61 bona guriguri.