Hadibaia Hereva

◼ December ena henia gauna: Tau Hereadaena bukana, davana be K3.00. January: Kongregesen dekenai ia noho rau 192 bukana ta, davana be K1.00. February: Mauri Hanaihanai Paradaiso Lalonai bukana, davana be K3.00. Taunimanima ese unai buka idia abia neganai namona be ita lou henidia, bona ita goada karaia idia dekenai Baibel stadi do ita hamatamaia totona. ITAIA: Bema kongregesen ese unai henia gaudia idia do oda hegaegae lasi, namona be Literature Order Form (S-AB-14) dekenai oda idia karaia.

◼ Kongregesen naria tauna, eiava ia abia hidi tadikakana ta, be December 1 eiava unai dina murina kahirakahira ai, kongregesen ena akaun do ia audit karaia. Kongregesen taudia oi hadibadia unai oi karaia murinai.

◼ “Dirava Gari Henia” Distrik Hebouhebou ena program lalonai Gima Kohorona ena hereva badadia do idia kikilaia. Unai dala amo, unai pura ena lauma aniani do ita reaia lasi. Umui iboudiai ai hagoadaia emui Gima Kohorona umui abia mai bena tadikaka ena hereva umui badinaia diba.

◼ Badina be iseda hebouhebou ena lata be dina toi sibona dainai, kongregesen momo be edia Kongregesen Buka Stadi do idia abia diba unai wiki lalonai.

◼ Mani emui kara, brens ena pos opesi namba (Box 636, Boroko, N.C.D.) gaukaralaia: Betele, construction, sekit, bona distrik naria tadikaka sibodia dekenai revareva siaia totona, eiava Gima Kohorona sabskripsen idia abia Port Moresby taudia sibodia totona. Hari, Port Moresby kongregesen iboudiai be mai edia pos opesi namba, bona kongregesen ena revareva iboudiai unai namba dekenai umui siaia be namo.

◼ Namona be Kongregesen seketere ese Kongregesen ena namba maorona ia atoa sek, revareva bona fom iboudiai dekenai, Association dekenai idia do siaia lasi neganai. Ena be revareva be buka, magasin, eiava akauns ia kikilaia lasi to tadikaka do ia durua bema kongregesen ena namba, ladana, bona adres idia itaia diba unai revareva dekenai.

◼ Regula painia, spesel painia, bona misinari taudia, bema hua 6 eiava unai nega ia hanaia lalonai ful-taim gaukara idia karaia, lagani 1995 ena Dina Iboudiai Buka Helaga Tahua buklet ta, English, Motu eiava New Guinea Pidgin (gado tamona sibona) dekenai idia abia diba davana lasi. Bema English gado idia duahia diba, Yearbook ta do idia abia davana lasi. Namona be kongregesen dekena amo unai gaudia do umui oda karaia. Akaun naria tadikaka ia laloaboio lasi, hua ena Remittance and Credit Request fom (S-AB-20) dekenai unai do ia torea hedinaraia painia ena davana lasi gaudia.

◼ Sedira kongregesen iboudiai be edia oda idia atoa vadaeni lagani 1995 gaudia do idia abidia totona: Dina Iboudiai Buka Helaga Tahua​—1995; 1995 Yearbook of Jehovah’s Witnesses; 1995 Calendar of Jehovah’s Witnesses; bona lagani 1994 Gima Kohorona ena volume. Literature Order Form (S-AB-14) umui gaukaralaia oda karaia totona. Gabeai unai gaudia do ai siaia dainai, “Invoice” dekenai “back ordered” do ai torea, anina be buka do ai abia neganai, maoromaoro emui oda do ai siaia.

◼ Papua New Guinea dekenai Umui Oda Karaia Diba Lasi Gaudia:

Motu: Buka Helaga; Taravatu Matamatana/Salamo. Hiri Motu: Taravatu Matamatana; Genese Bona Esodo.