October Ena Hesiai Hebou
October 2 Purana
Ane 149
10 min: Kongregesen ena hadibaia herevadia. Iseda Basileia Gaukara amo Hadibaia Hereva haida abia hidi.
15 min: “Nega Ibounai Iehova Ita Hanamoa.” Henanadai bona haere. Idia torea Baibel siridia bona idia makaia siridia ita badinaia dalana oi hadibaia namonamo.
20 min: “Nega Namodia Ibounai Sabskripsen Henia.” Magasin matamatadia edia hereva badadia oi kikilaia bona sivarai haida oi hahedinaraia, sabskripsen henia neganai do ita gaukaralaia totona. Haheitalai rua o toi karaia. Bema matamatadia idia do siaia lasi, guna gaudia bona English gado gaudia oi gaukaralaia diba.
Ane 153 bona guriguri.
October 9 Purana
Ane 131
10 min: Kongregesen ena hadibaia herevadia. Akauns ripotina.
20 min: “Peroveta Herevadia Laloa Bada.” Elda ta ese helai taudia ida ia kikilaia. Buka Stadi totona hegaegae karana, ita lao hanaihanai karana, bona haere henia karana edia anina oi hahedinaraia namonamo. Oi hahedinaraia danu, hari inai nega dokona ai lauma dalanai ita idia hadibaia dainai edia sisiba ita laloa bada.
15 min: “Ita Noga Noho—Lalona Veria Gaudia Ita Dadaraia, A?” Henanadai bona haere. Bema nega ia hegeregere, May 1, 1992, Gima Kohorona ena rau 20-2 amo hereva haida oi abia hidi diba.
Ane 128 bona guriguri.
October 16 Purana
Ane 120
10 min: Kongregesen ena hadibaia herevadia.
15 min: Kongregesen durua herevana. Eiava elda ta ese “Murimuri ai Atoa Karana—Lalokau Karana, A?,” July 15, 1995, Gima Kohorona, rau 25-7 amo herevadia ia gaukaralaia.
20 min: “Lou Henia mai Edia Badina.” Lou henia ita karaia neganai ita tahua gauna oi kikilaia. Lo pablisa oi abidia hidi, haheitalai rua be kongregesen dekenai idia noho magasin amo idia karaia totona, English gado gaudia danu idia gaukaralaia diba.
Ane 130 bona guriguri.
October 23 Purana
Ane 100
10 min: Kongregesen ena hadibaia herevadia. Orea Ena Sivarai.
15 min: “Kongregesen Ena Heduru Ita Abia be Namo.” Henanadai bona haere.
20 min: Taunimanima Edia Lalohadai Iseda Orea Dekenai Oi Habadaia. Haroro naria tauna ese Iehova ena Witness Taudia be Lalo-Tamona ai Dirava ena Ura Idia Karaia Tanobada Ibounai Dekenai buklet ia herevalaia pablisa rua o toi ida. Oi hahedinaraia dahaka dainai ia namo bema kamonai taudia oi hadibaia orea be edena dala ai ia gaukara, edena bamona gaukara idia hegaegaelaia, bona edena bamona idia be orea ida idia gaukara diba. Rau 14 bona 15 edia karoa “Hebou amo Lalokau bona Kara Namodia Idia Havaraia” amo hereva haida oi herevalaia. Unai pablisa taudia be haheitalai idia karaia, bona idia hahedinaraia inai hereva be lou henia eiava Baibel stadi dekenai ita kikilaia diba, unai amo kamonai taudia be do idia lalo-parara idia danu do idia hebou be gau badana.
Ane 126 bona guriguri.
October 30 Purana
Ane 159
10 min: Kongregesen ena hadibaia herevadia. December lalonai holide be sisina momo dainai, iboudiai oi hagoadaia heduru painia gaukara idia karaia totona.
15 min: Baibel Stadi ta amo Ma Stadi ta Oi Hamatamaia Vadaeni, A? Hereva ta. Pablisa haida ese Baibel stadi matamatadia idia hamatamaia dalana be inai: Kamonai tauna danu idia stadi nega sisina murinai, idia nanadaia bema iena turana ta, varavara ta, eiava ia diba tauna ta be reana stadi ia ura danu. Nega momo ladana haida idia abia. Oi nanadaia, bema iena ladana oi gwauraia diba unai taudia oi vadivadi henia neganai. Reana inai bamona do oi hereva: “Oiemu turana be iena Baibel stadi ia moalelaia bada dainai ia laloa reana oi danu oi ura emai davana lasi Baibel stadi program lalonai do oi vareai.” Inai dala amo lou henia sisina momo do oi abia bena gabeai Baibel stadi oi hamatamaia diba. Pablisa ta o rua edia ekspiriens oi gwauraia bema inai dala amo stadi idia hamatamaia vadaeni.
20 min: Buka Oi Hariharilaia November lalonai. Buka hariharilaia neganai idia herevalaia gaudia oi riviulaia. (January 1995 Iseda Basileia Gaukara pepana rau 2 itaia.) Lo pablisa ta oi abia hidi Mauri Hanaihanai buka hariharilaia dalana haheitalaia totona. “Kahirakahira lagani 2,000 lalodiai, Keristani taudia be Dirava ena Basileia ia mai idia gurigurilaia. Oi laloa unai Basileia ese dahaka do ia karaia taunimanima totona? [Haere naria. Lao rau 102-7, bona Basileia henunai do ita abia hahenamo idauidau hahedinaraia.] Inai buka ese Basileia do ia karaia gaudia bona Baibel ena hadibaia hereva badadia ia kikilaia.” Unai buka ita hariharilaia. Tadikaka oi hagoadaia buka haida idia abia haroro gaukara totona.
Ane 138 bona guriguri.