January Ena Hesiai Hebou

January 1 Purana

Ane 133

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Pablisa taudia oi hamaoroa namona be edia haroro ripoti idia henia, bona oi noia pura vairai hebou dekenai, Mase Taudia Edia Lauma buklet idia mailaia.

15 min: “Buka Gunadia Gaukaralaia Namonamo.” Hereva badadia kikilaia, bona kiki herevadia ta o rua haheitalaia.

20 min: “Kamonai Sibona Lasi​—Badinaia Danu.” Henanadai bona haere.

Ane 28 bona guriguri.

January 8 Purana

Ane 138

10 min: Kongregesen ena hadibaia herevadia. Akauns ripotina. Bema tadikaka ese kontribusen namodia idia henia, idia oi hanamoa, bona bema gau haida umui hanamoa be namo oi hamaorodia.

15 min: Kongregesen durua herevana. (Eiava October 1, 1995, Gima Kohorona, rau 25-8 ai, “Karaharaga Lalohadaina Oi Gimaia,” amo hereva ta karaia.)

20 min: Iehova Oi Hesiai Henia, Lauma Dikadia Lasi. Mase Taudia Edia Lauma buklet, rau 19-24 dekena amo hereva ta do oi karaia bona helai taudia ida oi kikilaia. Anina bada paragraf haida duahia, bona Papua New Guinea lalonai idia karaia sene karadia haida, Keristani taudia idia dadaraia kastom gaudia oi kikilaia.

Ane 70 bona guriguri.

January 15 Purana

Ane 77

9 min: Kongregesen ena hadibaia herevadia. Nega sisina lalonai, taunimanima be edia ruma ai idia davaria lasi ena hekwakwanai oi kikilaia. Pablisa taudia oi hagoadaia edia nega idia halusia kava lasi totona, dala ai idia gini o idia loaloa taudia, bona motuka dekenai idia helai taudia idia hereva henia be namo.

18 min: “Mai Gari Lasi ida Hereva.” Elda ese hereva ta do ia karaia. Sunday haroro gaukara negana oi kikilaia. Kongregesen taudia momo idia lao dainai oi hanamodia bona edena manoka gaudia idia noho bona hanamoa sisiba do oi gwauraia.

18 min: “Lou Henia, Edia Ura Habadaia Totona.” Kiki herevadia riviulaia. Hahedinaraia do ita ura tahua gauna be Baibel stadi ita hamatamaia.

Ane 156 bona guriguri.

January 22 Purana

Ane 200

5 min: Kongregesen ena hadibaia herevadia.

15 min: Hebou be Nega Korikorina ai Idia Hamatamaia Bona Idia Doko be Namo. Kongregesen naria tauna ese helai taudia ida ia kikilaia herevana. Hahedinaraia hebou iboudiai, haroro hebou danu, be nega korikori ai idia hamatamaia bona idia hadokoa be mai anina bada. (Had. 3:17b; 1 Kor. 14:33) Namona be ita ibounai ita hekwarahi hebou dekenai nega sisina bada ai ita lao, tadikaka ida ita hedavari, gaukara idauidau ita karaia diba, bona ane bona guriguri ita vareai totona. Pablik Tok Hebou: Ena lata be miniti 45. Bema ta ese unai nega ia hanaia, Gima Kohorona ena stadi ena nega do ia hakwadogia. Unai hebou rua, ane bona guriguri danu, be hora rua lalonai do idia haorea. “Gima Kohorona” Stadi: Ena lata be hora tamona; paragraf ibounai duahia bona riviu mauana be unai hora lalonai do umui karaia. Haroro Sikuli: Unai hebou ena lata be miniti 45. (Lagani 1996 Ena Haroro Sikuli Ena Sediual itaia.) Hesiai Hebou: Inai hebou danu ena lata be miniti 45. Haroro Sikuli, ane, bona guriguri ida oi karaia neganai, program ibounai ena lata be hora ta miniti 45 do ia hanaia lasi. Kongregesen Buka Stadi: Inai hebou, guriguri amo oi kehoa bona koua, ena nega ena lata be hora tamona. Paragraf ibounai oi duahia be namo. Haroro Hebou: Edia lata, haroro teritori bona bamoa tauna abia hidi karana bona guriguri danu, be miniti 15 do idia hanaia lasi.

25 min: “Haroro Sikuli amo Hahenamo Abia Daladia.” Haroro Sikuli naria tauna ese hereva ta do ia henia. October 1995 Iseda Basileia Gaukara pepana dekenai idia noho Haroro Sikuli Sediual ai karaia dalana oi riviulaia.

Ane 92 bona guriguri.

January 29 Purana

Ane 31

5 min: Kongregesen ena hadibaia herevadia.

20 min: Advance Medical Directive/Release Kadi ese Oi Ia Gimaia. Elda be kongregesen dekenai unai mai anina bada kadi hahonua maoromaoro karana ena namo do ia kikilaia. Danu, do ia hahedinaraia tadikaka ese edia Advance Medical Directive/Release kadi bona natudia ese edia Identity Card hanaihanai idia dogoatao, be mai anina bada karana. Kadi ena hereva kwarana ia gwauraia hegeregerena, medikal heduru idia henia gwauraia taudia dekenai advance notis ia henia bena do idia diba dahaka oi ura (eiava dahaka oi ura lasi). Dahaka dainai lagani ta ta ai kadi matamata ita hahonua lou? Bema guna gauna sibona ia noho, reana ta do ia daradara unai be oiemu lalohadai hari, eiava. Kadi matamata ia hahedinarai goevagoeva emu abia hidi be dahaka. Oi hereva diba lasi neganai, oi totona ia hereva bamona. Hari hanuaboi ai, kadi matamata do ai henia. Oi hahonua namonamo, oi bona hamomokania taudia ese umui sainia, bona sainia dinana torea danu. Kadi dekenai emu ladana oi sainia neganai, emu lalohadai idia hamomokania taudia ese sainia karana idia itaia be gau badana. (August 1, 1992 revareva itaia.) Vaira wiki lalodiai, namona be Buka Stadi naria taudia do idia sekea edia buka stadi taudia be edia kadi idia hahonua namonamo bona idia daradara taudia idia durua. Bapatiso vadaeni pablisa iboudiai ese Advance Medical Directive/Release kadi idia hahonua diba. Bapatiso lasi pablisa taudia be unai kadi ena hereva amo edia mauri dalana bona edia abidadama bona ura hegeregerena, idia sibona idia torea kadi idia karaia diba. Tama sina ese edia bapatiso lasi natudia idia durua edia Identity Card idia hahonua.

20 min: February lalonai Apokalupo Hagugurua Negana bukana hariharilaia. Dahaka dainai nega daudau taunimanima idia laloa Apokalupo ena buka be hehuni herevana bona ta ia lalo-pararalaia diba lasi, oi hahedinaraia. Dahaka dainai inai buka ita abia be namo oi hahedinaraia totona, paragraf 6 ia lao 9, rau 8 dekenai oi riviulaia. Pablisa taudia oi hagoadaia unai gaudia idia laloatao bona gaukaralaia edia ruma-ta-ruma-ta gaukarana lalonai. Rau 98-9 dekenai ia noho kahana “Apokalupo Bukana Ena Kahana Badadia” oi gwauraia, bona edena bamona unai idia gaukaralaia diba Apokalupo bukana ena sivarai ibounai ena toana dibaia totona oi hahedinaraia. Buka ena murina bona vairana koua gaudia edia laulau namodia amo hereva hamatamaia dalana oi hahedinaraia. Tadikaka iboudiai oi hagoadaia, Saturday bona Sunday totona haroro gaukara lalonai do idia gaukaralaia bukadia idia abia hari be namo.

Ane 143 bona guriguri.