Henanadai Mauana

◼ Bema ma ta ena motuka ita guia, heduru monina ita henia be maoro, a?

Ita haida dekenai hebou lao henia eiava haroro lao henia dalana tamona be tadikaka edia motuka amo. Tadikaka bona taihu momo be mai edia hebogahisi ida edia nega, motuka, bona moni idia gaukaralaia ita idia durua totona. Ena be edia ruma idia rakatania haraga bona do idia giroa haraga lasi, to mai edia ura ida heduru idia henia.

Iseda Keristani hesiai gaukara ibounai lalonai ita karaia hegeregerena, Galatia 6:5 ena hakaua herevana ita badinaia be namo, ia gwau: “Badina be ibounai ta ta sibona ena metau, ena metau do idia huaia.” Unai dainai, bema ta be ena motuka amo ita ia durua loulou, namona be iseda hereva amo ita tanikiu henia sibona lasi, to bema ita be mai eda dala, durua monina ita henia danu.​—Mat. 7:​12; 1 Kor. 10:24, NW.

Ena be motuka biaguna ese heduru ia noia lasi bona ena toana be unai ia laloa lasi, to do ia moale bema mai momokani ida heduru monina oi henia. Reana taria tauna ese do ia abia lasi; to namona be ia ese ia abia hidi diba. Kara maorona be oi henia toho. Bema oi hegeregere lasi moni henia totona, oi laloa noho; oi ia durua lou neganai, reana unai neganai emu kontribusen do oi habadaia.​—Luka 6:​38.

Mai edia motuka tadikakadia ese tadikaka ma haida idia durua dainai hebou dekenai eiava haroro dekenai idia lao diba be lalokau karana. (Aon. 3:​27) To danu, bema guia taudia dekenai ia hegeregere, namona be unai hebogahisi karana dainai edia heduru monina amo edia lalokau bona edia tanikiu toana idia hahedinaraia.​—Kol. 3:​15.

This article is repeated in km 8/99.