Dirava ese Gaukara Ia Hanamoa Dainai Ita Moale

¹ Keristani taudia ginigunadia be Basileia harorolaia goadagoada taudia. Idia moale ‘dina iboudiai ekalesia taudia edia hutuma be ia bada daekau’ neganai. (Kara 16:⁠5) Edia gari lasi haroro gaukarana ia bada ia lao ela bona Asia, Europe, bona Africa, unai amo abidadama taudia hutuma idia gogoa.

² Iesu ia peroveta dina gabediai, ‘tanobada ibounai dekenai do idia haroro’! (Mat. 24:14) Hesiai laganina 1996 lalonai, orea ia bada ia lao bona pablisa be momo herea ena ripoti namodia be tanobada hegegemadai amo ai abia. Kongregesen matamata momo idia karaia. Pablisa taudia edia namba be unai bamona ia bada daekau dainai Kingdom Hall bona Assembly Hall matamata handred momo idia haginia, bona brens opesi haida idia habadaia be mai badina.

³ July 1996 Iseda Basileia Gaukara pepana ese Papua New Guinea dekenai idia karaia konstraksen gaukara idauidau bona nega vairai totona idia palanilaia konstraksen gaukarana ia hahedinaraia. Unai bamona gaukara be Latin America ena kahana ibounai idia karaia danu. Hesiai laganina 1996 lalonai, Mexico ese pablisa 470,098 bona Baibel stadi edia averes 600,751 ia ripotilaia, unai dainai kongregesen matamata 466 idia hamatamaia! Edia brens opesi habadaia gaukarana be lagani 1999 dokona kahanai do idia haorea. Africa bona ma tano haida dekenai danu, pablisa edia namba be unai bamona ia bada daekau dainai, tiokratik konstraksen gaukara idauidau idia hadokoa diba lasi.

⁴ Gabu ibounai konstraksen gaukara ena davana ia bada, bona tano momo lalonai iseda tadikaka ese moni sisina sibona idia henia diba. To, Iehova ena gaukara idia karaia goadagoada dainai, lauma dalanai idia tubu bona edia namba ia bada daekau danu. Aonega Herevadia 28:27 be ita dekenai ia gwau ‘ogogami taudia ia durua tauna do ia ogogami lasi.’ Mai eda ura ida inai konstraksen edia davana idia karaia totona heduru ita henia amo tauanina dalanai do ita “hegeregere,” bena ita ibounai ese henia kara amo bona Iehova ese gaukara ia hanamoa amo ia mai moalena do ita mamia!​—2 Kor. 8:​14, 15; Kara 20:⁠35.

[Picture on page 4, 5]

Paraguay Brens

[Picture on page 4]

Ecuador Brens

[Picture on page 4, 5]

Mexico Brens Idia Habadaia

[Picture on page 4, 5]

Dominican Republic Brens

[Picture on page 4]

Brazil Brens Bona Idia Habadaia Kahana

[Picture on page 4, 5]

Uruguay Brens Idia Haginia Noho

[Pictures on page 5]

Davana maragi Kingdom Hall haida Latin America dekenai

1. Brazil

2. Nicaragua

3. Chile

4. Colombia

5. Mexico

6. Brazil

7. Peru

8. Venezuela

9. Mexico