Hadibaia Hereva

◼ September ena henia gauna: Emu Ruma Bese Hamoalea Dalana bukana bona Mauri Hanaihanai Paradaiso Lalonai bukana, edia davana be K2.50. October: Gima Kohorona ena sabskripsen. Hua ena dokona ai Basileia Sivaraina pepana Namba 35 do ita hariharilaia. November: Basileia Sivaraina pepana Namba 35 do ita hariharilaia noho. Bema kongregesen ena teritori idia haorea, idia noho taudia edia ruma ta ta ibounai dekenai idia lao bona Basileia Sivaraina pepana Namba 35 idia hariharilaia vadaeni, Diba bukana idia hariharilaia diba. December: Tau Hereadaena, Lau Egu Bible Sivarai Buka eiava Buka Helaga​—Dirava Ena Hereva Eiava Taunimanima Edia? bukana. January: Mauri Ia Lao Henia Hereva Momokanina, Hadibaia Tauna Badana Ita Kamonai Henia, Maino Bona Noho Namona​—Daika amo Ia Mai?, Memero Kekeni​—Moale Umui Davaria Dalana bukadia ibounai be nega tamona ai oi hariharilaia; eiava Emu Ruma Bese Hamoalea Dalana bona Roho Mauri Bena Tanobada Matamatana Noholaia bukadia oi hariharilaia.

◼ September 1 ai, eiava unai dina kahirakahira murinai, kongregesen gunalaia tauna eiava ia abia hidi tauna ese kongregesen akaun ia sekea be namo. Unai ia karaia murinai kongregesen ia hadibaia.

◼ Elda taudia ai hadibaia namona be murimuri ai idia atoa eiava sibona idia gini siri to orea lalonai idia ura vareai lou taudia be April 15, 1991, Watchtower, rau 21-3 ena hereva hegeregerena do idia kara henia.

◼ Namona be kongregesen idia bamoa taudia ibounai ese Gima Kohorona bona Awake! sabskripsen iboudiai, matamata bona idia abia lou gaudia, bona sibodia edia sabskripsen danu, be kongregesen amo idia siaia.

◼ Buka bona magasin oda idia karaia neganai, namona be kongregesen idia laloatao Society ena CD-ROM be pablisa taudia sibona totona, badina ena hereva haida be taunimanima ibounai totona lasi.

◼ May 1997 ena Iseda Basileia Gaukara pepana lalonai ia noho “Henanadai Mauana” ia hahedinaraia namona be ita naria namonamo bema haroro gaukarana lalonai tadikaka ta be taihu ta ida idia gaukara hebou. Badina namodia idia noho unai gauna ita lalohadailaia namonamo totona. Ita gwau lasi ena anina be sekit eiava distrik naria taudia eiava tadikaka ma haida be haroro gaukara lalonai taihu danu do idia gaukara lasi. To, unai hereva ena anina be, ia be aonega lasi karana bema tadikaka ta o taihu ta be ena varavara lasi tadikaka o taihu tamona sibona ia bamoa loulou.