September Ena Hesiai Hebou
HEREVA TA: Distrik hebouhebou huadia lalonai Iseda Basileia Gaukara pepana dekenai pura ta ta ena Hesiai Hebou sediual do ai hahedinaraia. Kongregesen ese “Dirava Ena Hereva Abidadama Henia” Distrik Hebouhebouna do idia lao henia dainai gau haida do idia haidaua diba bona hebouhebou badana ena wiki murinai, Hesiai Hebou ena kahana ta ai, miniti 30 lalonai, hebouhebou ena kahana haida do idia riviulaia. Distrik hebouhebou ena dina ta ta riviulaia totona, manada tadikaka rua o toi abia hidi bona hereva badadia do idia kikilaia. Unai riviu idia hegaegaelaia namonamo dainai, kongregesen do idia durua mai anina bada gaudia idia laloatao, sibodia edia mauri lalonai do idia badinaia totona bona haroro negana ai idia gaukaralaia diba. Helai taudia edia haere bona idia gwauraia ekspiriens idia kwadogi be namo bona badina korikorina sibona idia gwauraia.
September 1 Purana
Ane 26
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
15 min: “Mai Anina Bada Gaudia Atoa Guna.” Henanadai bona haere. Bema nega ia noho, February 22, 1987, Awake!, ena rau 8-9 lalonai, “Setting Proper Priorities” oi herevalaia.
20 min: “Ma Haida ida Emu Ruma Bese Hamoalea Dalana Bukana Herevalaia.” Hereva ta, paragraf 1 bona 6-8 amo. Paragraf 2-5 amo haheitalai karaia. Edia lalona oi veria hahediba taudia halaoa gaukarana bona stadi hamatamaia lalohadaina idia abia totona.
Ane 107 bona guriguri.
September 8 Purana
Ane 27
8 min: Kongregesen ena hadibaia herevadia. Akaun ripotina.
15 min: Elda ta ese ‘Stiuden Oi Hagoadaia Iena Mauri Ia Gwauhamatalaia Bona Ia Bapatiso Totona’ (km-MO 6/96, ena udaia gauna, par. 20-22) do ia herevalaia idia manada vadaeni bona stadi idia karaia pablisa taudia ida.
22 min: “Sibona Ita Henia mai Eda Ura Ida.” Henanadai bona haere. Hereva haida be February 1, 1985, Gima Kohorona, ena rau 20-21 amo oi gwauraia.
Ane 109 bona guriguri.
September 15 Purana
Ane 30
7 min: Kongregesen ena hadibaia herevadia. Inai hereva “Taunimanima Oi Henanadai Henidia Baibel Stadi Idia Abia Totona, A?” ena hereva badadia haida oi gwauraia.
15 min: Vidio oi gaukaralaidia namo namo. Society ena vidio gaukaralaia daladia haida oi riviulaia bona emu gabu dekenai ekspiriens o haheitalai amo oi hahedinaraia edena bamona vidio ita gaukaralaidia namonamo diba, iseda ruma bese lalodiai bona haroro gaukara dekenai. Lagani 1996 Yearbook, rau 5, 6; April 1997 Iseda Basileia Gaukara pepana, ena udaia gauna, paragraf 1-3, 9; January 15, 1997, Gima Kohorona, ena rau 26, paragraf 12 itaia.
23 min: Naria Namonamo Dika Oi Laloa Ma Ta be Ura Dikana ta Dainai Ia Kara. Elda ta bona hesiai taudia rua ese May 15, 1997, Gima Kohorona, ena rau 26-9 idia herevalaia.
Ane 112 bona guriguri.
September 22 Purana
Ane 32
5 min: Kongregesen ena hadibaia herevadia.
20 min: Herevahereva Hamatamaia Daladia. Iseda hesiai gaukara ita habadaia diba bema ita be ma haida danu mai anina bada gaudia ita herevalaia. Ita gwauraia gauna idia kamonai henia namonamo neganai, ita ese haroro koua gauna badana ta ita hanaia unai. Helai taudia ida June 1996 Iseda Basileia Gaukara pepana ena rau 7 amo, “Hetura Dalanai Herevahereva Karana ese Kudouna Ia Veria Diba” ena hereva badadia umui herevalaia. Hamatamaia hereva momo idia diba bona gaukaralaia namonamo pablisa taudia oi abia hidi bena idia hahedinaraia edena bamona idia haroro matamaia bena idia herevahereva (1) dala dekenai ia raka tauna ta ida, (2) basi lalonai pasendia ta ida, (3) gaukara pata murinai ia gini kalaka tauna ta danu, (4) hoihoi tauna ta ida motuka atoa gabudiai, (5) loaloa uma gabu ena pata latanai ia helai tauna ta danu, (6) telefon amo haroro dalanai idia davaria tauna ta.
20 min: Kongregesen Ena Lagani 1997 Haroro Ripoti riviulaia. Haroro naria tauna ese kongregesen taudia ia hanamoa, March, April, bona May lalonai edia gaukara namona dainai. Elda oreana amo bona sekit naria tauna ena ripoti amo, haroro gaukara ita habadaia bona Baibel stadi ma haida ita abia daladia gwauraia. Hesiai laganina matamatana lalonai tahua gaudia haida oi herevalaia, hegeregere Baibel stadi ta idia hamatamaia bona karaia noho, bona mai edia Saturday bona Sunday ima huadia—November, May, August—lalodiai idia heduru painia diba.
Ane 113 bona guriguri.
September 29 Purana
Ane 37
15 min: Kongregesen ena hadibaia herevadia. Iboudiai hagoadaia haroro ripotina idia henia. Hari ita hegaegae October lalonai sabskripsen do ita hariharilaia totona. Oi hahedinaraia ita ura karaia gaudia be “Oiemu Teritori Oi Lalohadailaia,” “Magasin Oi Dibaia Namonamo,” “Oiemu Hamatamaia Herevadia Hegaegaelaia,” “Ruma Tauna Ena Toana Hegeregerena Oiemu Hereva Oi Haidaua,” bona “Durua Heheni,” October 1996 Iseda Basileia Gaukara pepana ena rau 4 amo.
15 min: Kongregesen durua herevana. Eiava elda ta ese hereva do ia henia “Herevahereva Lasi be mai Ena Nega Bona Herevahereva be mai Ena Nega,” May 15, 1996, Gima Kohorona, ena rau 21-3 amo.
15 min: Emu Hesiai Gaukara Oi Hanamoa. Helai taudia ida Hesiai Gaukara bukana, ena rau 81-3 herevalaia. Inai henanadai oi henia anina bada gaudia idia laloa totona: (1) Dahaka heduru ita abia Iesu ita tohotohoa neganai? (2) Edena dala ai iseda haroro gaukarana be mai anina bada? (3) Dahaka ese emu lalona ia ha-uraia Iehova dekenai emu mauri oi gwauhamatalaia totona? (4) Edena bamona karadia be namo, bema tau ta ia ura Dirava ia hesiai henia? (5) Dahaka ita dibaia Iesu ena haroro dalana amo?
Ane 121 bona guriguri.