Hadibaia Hereva

◼ October ena henia gauna: Gima Kohorona ena sabskripsen. Lagani tamona ena davana be K8.00. Hua 6 edia davana be K4.00. October 12 ai, Basileia Sivaraina pepana Namba 35 do ita hariharilaia matamaia. November: Basileia Sivaraina pepana Namba 35 do ita hariharilaia noho. Bema kongregesen ena teritori idia haorea, idia noho taudia edia ruma ta ta ibounai dekenai idia lao bona Basileia Sivaraina pepana Namba 35 idia hariharilaia vadaeni, Diba bukana idia hariharilaia diba. December: Tau Hereadaena, Lau Egu Bible Sivarai Buka eiava Buka Helaga​—Dirava Ena Hereva Eiava Taunimanima Edia? bukana. January: Mauri Ia Lao Henia Hereva Momokanina, Hadibaia Tauna Badana Ita Kamonai Henia, Maino Bona Noho Namona​—Daika amo Ia Mai?, Memero Kekeni​—Moale Umui Davaria Dalana bukadia ibounai be nega tamona ai oi hariharilaia; eiava Emu Ruma Bese Hamoalea Dalana bona Roho Mauri Bena Tanobada Matamatana Noholaia bukadia oi hariharilaia. February: Apokalupo​—Ena Hagugurua Negana Ia Kahirakahira! bukana be kongregesen dekenai idia do noho 25 toea eiava 50 toea bukadia ta ida oi hariharilaia.

◼ Hari hua ena Iseda Basileia Gaukara pepana lalonai idia udaia gauna be “Lagani 1998 Ena Haroro Sikuli Ena Sediual” bona lagani 1998 ibounai lalonai ita dogoatao be namo.

◼ Reana November be nega namona heduru painia gaukara karaia totona, badina ia be mai ena Saturday bona Sunday ima.

◼ Lagani 1998 Memorial ena boiboi pepadia be hari lagani ena fom idauidau danu ai siaia.

◼ Namona be kongregesen ese Dina Iboudiai Buka Helaga Tahua—1998 buklet be October ena buka edia oda dekenai idia noia. Unai buklet be English, Hiri Motu, bona New Guinea Pidgin gadodia dekenai oi abia sibona lasi, to gado ma haida dekenai oi abia diba. Namona be oi ura gado oi torea bona, bema idia noho, do ai siaia. Ela bona unai buklet idia ginidae, kongregesen ena Invoice dekenai inai hereva “gabeai do idia siaia” do ia hedinarai. Buka Helaga Tahua buklet be mai ena taravatu gauna (pablisa bona pablik: 70 toea; painia: 70 toea). July 1, 1997, be do lasi neganai, painia gaukara idia hamatamaia vadaeni regula bona spesel painia taudia be davana lasi kopi tamona idia abia diba, to ma haida do idia hoia diba, idia ta ta ena davana be 70 toea. Ela bona unai buklet idia ginidae, hua ena moni siaia pepana dekenai, painia taudia dekenai umui henia davana lasi kopi edia namba umui torea be namo.​—Lagani 1997 Buka Edia Lista, paragraf 26 itaia.