October Ena Hesiai Hebou
October 6 Purana
Ane 39
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Inai oi kikilaia, “Pablisa Taudia 760 ese Unai Boiboi Idia Haerelaia!”
15 min: “Taunimanima Ibounai be Do Idia Lalokau Heheni, A?” Henanadai bona haere. Basileia Sivaraina pepana Namba 35 ena kahana haida riviulaia. Badina namodia haida gwauraia dahaka dainai inai sivarai ese teritori dekenai idia noho taudia do ia durua bada. Oi hagoadadia hari idia palani karaia diba inai pepa hariharilaia gaukarana idia karaia badabada totona bona mai edia ura ida kamonai taudia idia lou henia.
20 min: “Basileia Sivaraina Pepana Namba 35 Do Ita Hariharilaia Gabu Ibounai Dekenai.” Haroro naria tauna ese ia karaia. Paragraf 5-8 be henanadai bona haere amo ia karaia. Hesiai gaukara habadaia totona umui hegaegaelaia gaudia herevalaia lou. Teritori idia karaia haorea namonamo daladia haida umui kikilaia. Pablisa taudia ese Basileia Sivaraina pepana Namba 35 idia gaukaralaia diba basi naria gabudia, bisinesi gabu maragidia, motuka atoa gabudia, bona ma gabu idaudia ai taunimanima idia haroro henidia neganai. Haroro gaukara idia ura hamatamaia taudia durua totona, heduru hereva haida gwauraia. April 1995, Iseda Basileia Gaukara pepana lalonai idia udaia gauna, paragraf 11 amo hereva haida kikilaia. Basileia Sivaraina pepana ita hariharilaia neganai, reana teritori haida dekenai ta ta sibona ita gaukara be mai ena namo bona buka baege ita abia lasi. Hariharilaia dala kwadogidia rua o toi haheitalaia.
Ane 126 bona guriguri.
October 13 Purana
Ane 41
12 min: Kongregesen ena hadibaia herevadia. Akaun ripotina. Gima Kohorona bona Awake! matamata amo umui herevalaia diba gaudia riviulaia. Oi hadibadia Saturday bona Sunday haroro ai nega tamona sabskripsen bona Basileia Sivaraina Namba 35 ita henia toho. Kamonai taudia ita lou henidia be namo.
15 min: Kongregesen durua herevana ta. Eiava elda ta ese inai hereva, “Emu Natuna Oi Hamauria!” ia henia, July 15, 1997, Gima Kohorona ena rau 20-3 amo.
18 min: “Taunimanima be Iseda Gaukara Idia Laloa Maragi Neganai, Edena Bamona Oi Kara?” Elda rua idia herevahereva. Hereva kwarana maragina “How You Can Attack Apathy” July 15, 1974, Watchtower ena rau 445-6 amo, hereva haida idia gwauraia
Ane 130 bona guriguri.
October 20 Purana
Ane 42
5 min: Kongregesen ena hadibaia herevadia. Ibounai hagoadaia Basileia Sivaraina pepana Namba 35 idia hariharilaia badabada totona.
25 min: Dahaka Dainai Badu Karana Oi Haheaukalaia be Namo? Hereva henia bona helai taudia ida inai oi kikilaia: (1) “Badu” be tauanina ena kara ta, badu biagua lasi kara ese dika bada ia havaraia diba. Badu momo tauna be haheitalai namona lasi. Unai kara dainai kongregesen murimuri ai ta idia atoa diba. Ita ibounai ese iseda kara hegeregerena ahuna do ita abia. (Gal. 5:19, 20; Ef. 4:31; Iam. 1:19, 20; 2 Ioa. 9, 10; Mat. 5:21, 22) (2) Tadikaka ta ese elda eiava hesiai tauna ena dagi do ia dogoatao noho diba o unai dagi do ia abia diba, bema ia “badu haraga,” ena hahine ia botaia, eiava ma haida ia hereva auka henia o dadabaia mai dagedage danu, a? (1 Tim. 3:2-4, 12; Tito 1:7; 1 Kor. 13:1-3) (3) Edena sisiba Baibel amo ese ita do ia durua badu karana ita haheaukalaia totona? (Sal. 4:4; Aon. 22:24, 25; Roma 12:18) (4) Dahaka ita gurigurilaia bona eda mauri lalonai ita badinaia be namo, bema ita ura iseda badu karana ita haheaukalaia? (Gal. 5:22, 23) Awake! magasin February 8, 1993, rau 3-14; October 22, 1996, rau 3-11; bona June 8, 1997, rau 18-20 itaia.
15 min: “Oi be Ful-taim Witness Tauna ta, A?” Elda ta ese ia karaia.
Ane 133 bona guriguri.
October 27 Purana
Ane 43
10 min: Kongregesen ena hadibaia herevadia. Basileia Sivaraina pepana Namba 35 halasia gaukarana ena sivarai namodia haida riviulaia. Helai taudia oi noia hagoadaia ekspiriens haida gwauraia totona. Idia karaia vadaeni teritori ena bada oi gwauraia, bona November 16 ai teritori ibounai hagugurua totona dahaka ita karaia be namo oi herevalaia. Unai teritori ita karaia ore murinai, Diba bukana do ita hariharilaia hua ena dina oredia lalonai. Oi hahedinaraia iseda tahua gauna be Basileia Sivaraina pepana ena hereva idia kamonai namonamo taudia ita lou henidia bona Baibel stadi ita hamatamaia.
15 min: Daradoko Negana Lalonai Helaro Namona Davaria Dalana. Elda ta ese May 15, 1997, Gima Kohorona ena rau 22-5 amo inai hereva ia karaia.
20 min: Emu Diari Oi Halasia. Hereva ta kikilaia hebou Hesiai Gaukara bukana ena rau 84-8 amo. Pablisa haida oi hegaegaelaia guna, henunai henanadai ta ta idia haerelaia totona. (1) Dahaka dainai Iehova ena Witness taudia be ruma ta ruma ta dekenai idia haroro? (2) Keristani taudia ginigunadia edia negai unai haroro dalana ena bada be edena bamona? (3) Dahaka dainai iseda negai ruma ta ta ai ita haroro noho gaukarana be mai anina bada? (4) Dahaka hekwakwanai dainai, ita haroro be auka? (5) Edeseniai heduru ita abia diba ita gaukara noho totona? (6) Edena dala ai hahenamo ita abia iseda diari ita halasia noho karana amo? (7) Dahaka ita karaia diba taunimanima ita davaria gaukarana dekenai ita kwalimu totona? Pablisa toi o hani abia hidi bona sitoa ta sitoa ta eiava dala dekenai idia haroro neganai, idia moalelaia ekspiriens namodia idia gwauraia.
Ane 136 bona guriguri.