Hadibaia Hereva
◼ January ena henia gauna: Mauri Ia Lao Henia Hereva Momokanina, Hadibaia Tauna Badana Ita Kamonai Henia, Maino Bona Noho Namona—Daika amo Ia Mai?, Memero Kekeni—Moale Umui Davaria Dalana, edia davana be 25 toea; eiava Emu Ruma Bese Hamoalea Dalana bona Roho Mauri Bena Tanobada Matamatana Noholaia, edia davana be 50 toea. February: Apokalupo—Ena Hagugurua Negana Ia Kahirakahira! bukana be kongregesen dekenai idia do noho 25 toea eiava 50 toea buka ta ida oi hariharilaia. March: Diba Ese Mauri Dekenai Ita Ia Hakaua Lao bukana. Baibel stadi hamatamaia totona oi hekwarahi. April: Gima Kohorona bona Awake! sabskripsen. May: Gima Kohorona bona Awake! sabskripsen.
◼ January 19 purana ai, Hesiai Hebou dekenai idia mai bapatiso pablisa ibounai be Advance Medical Directive/Release kadi bona Identity kadi edia natudia totona do idia abia.
◼ February lalonai, bona March 1 ia do mai lasi neganai, sekit naria taudia ese pablik tok matamata ladana: “Dirava Ena Lalohadai Hegeregerena Mauri Oi Laloa, A?” do idia henia matamaia.
◼ Namona be kongregesen idia hegaegae inai lagani ena Memorial be Saturday, April 11, dina ia diho murinai do idia karaia. Ena be tok umui hamatamaia haraga, to paraoa bona uaina do umui henia lasi ela bona dina ia diho murinai. Bema ia hegeregere, namona be kongregesen ta ta be edia Memorial do idia karaia, namo lasi kongregesen rua eiava momo be nega tamona idia hebou. Namo lasi Memorial umui hamatamaia hanuaboi momokani ai, kamonai matamata taudia do idia lao be auka garina. Danu, namo lasi bema sediual dainai, hebou vairanai bona murinai nega ia noho lasi vadivadi taudia hanamoa, kamonai taudia durua dalana hegaegaelaia, eiava hebamo namona moalelaia totona. Idia lalohadailaia namonamo murinai, elda taudia ese Memorial dekenai idia mai taudia be unai hebou idia moalelaia namonamo dalana do idia abia hidi.
◼ Lagani 1998 ena Memorial negana ena pablik tok badana be Sunday, March 29 ai do umui karaia. Autlain do ai siaia. Bema unai pura lalonai sekit naria tauna ia vadivadi, eiava sekit hebouhebou eiava dina tamona hebouhebou umui karaia, pura gabena ai do umui karaia diba. March 29, 1998 ia do ginidae lasi neganai, namona be kongregesen ta lasi ese unai pablik tok badana ia karaia.
◼ Namona be elda edia orea idia diba kongregesen be hebouhebou dekenai idia lao neganai, inai gaudia do idia idau: Dina tamona hebouhebou ena program ena pura lalonai, hanaihanai idia karaia heboudia do idia karaia, to Pablik Tok bona Gima Kohorona Stadi do idia karaia lasi. Sekit hebouhebou dekenai do idia lao neganai, kongregesen be Haroro Sikuli bona Hesiai Hebou do idia karaia lasi danu; Kongregesen Buka Stadi sibona do idia karaia unai pura lalonai.
◼ Ai ura Pablik Tok autlain idia abia kongregesen ibounai ai hadibaia namona be autlain iboudiai idia noho bona matamatadia idia abia neganai idia haboua danu. Inai Pablik Tok autlain be hari umui oda diba: New Guinea Pidgin gado, Namba 1-50 (idia hamaoromaorodia gaudia); Namba 51-116 (idia do hamaoromaorodia lasi); Hiri Motu gado, Namba 1-116 (idia hamaoromaoroa gaudia); English gado, Namba 1-124 (idia hamaoromaorodia gaudia). Namona be umui itaia namonamo, Pablik Tok namba 117-124 autlain matamatadia be English gado dekenai idia noho, bona umui oda diba. Umui do ai hadibaia bema unai tok be Hiri Motu bona New Guinea Pidgin gado dekenai umui abia diba.
◼ Namona be kongregesen ese lagani 1997 ena The Watchtower bona Awake! volium be January ena buka oda ida idia oda matamaia. (Buka Edia Lista ena rau 6-8 itaia.) English gado sibona lasi, to inai gado ai umui abia diba: Chinese, French, German, bona Japanese. Ela bona unai volium idia ginidae bona ai siaia negana, kongregesen Invoice dekenai inai hereva “Gabeai do idia siaia” do ia hedinarai. Volium be mai edia taravatu gaudia.