January Ena Hesiai Hebou
January 5 Purana
Ane 10
8 min:Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
20 min:Moale Ia Havaraia Ruma Bese Stadi. Tadikaka ta mai ena adavana ese edia bese be lauma dalanai gau haida idia abia be namo idia herevalaia. Natudia idia laloa bada badina tanobada ena lalo-ani karadia ese ia veridia noho, idia laloa lauma dalanai natudia do idia hagoadaia, to idia itaia edia ruma bese stadi be nega ta ta sibona idia karaia bona anina namona idia havaraia lasi. Idia ruaosi ese August 1, 1997, Gima Kohorona ena rau 26-9 amo mai anina bada ruma bese stadi karaia dala namodia idia riviulaia hebou. Ruaosi edia lalona idia hadaia edia natudia edia namo lauma dalanai do idia naria.
17 min:“Ita Moale Haroro Gaukara Ita Karaia Namonamo Dainai.” Helai taudia ida kikilaia. Hereva hamatamaia dala namodia gwauraia: (1) Mai eda kiri bona moale ida ita hanamodia, (2) idia laloa momo gauna ta be kiki dalana eiava henanadai ta amo oi herevalaia matamaia, (3) siri namona ta oi gwauraia, bona (4) oi hariharilaia buka eiava buklet dekenai ena lalona oi veria. Manada tadikaka ta ese hamatamaia bona lou henia dalana ia haheitalaia.
Ane 142 bona guriguri.
January 12 Purana
Ane 125
10 min:Kongregesen ena hadibaia herevadia. Akaun ripotina.
15 min:“Boiboi Pepadia Gaukaralaia Namonamo.” Helai taudia ida kikilaia. December 1, 1996, Gima Kohorona, rau 13, paragraf 15 ai ia noho ekspiriens gwauraia.
20 min:“Iehova ese Siahu Bada Ia Henia.” Henanadai bona haere. (w90-E 7/15 19, paragraf 15-16 itaia.) Nega atoa haida edia hagoadaia ekspiriens, Iehova ese edena bamona goada ia henidia, do idia kikilaia.
Ane 81 bona guriguri.
January 19 Purana
Ane 1
8 min:Kongregesen ena hadibaia herevadia.
20 min:Hari Ita Hegaegae Dirava ena Taravatu Rara Dekenai Ita Abia isi Totona. Elda ta ese Advance Medical Directive/Release kadi ita hahonua be mai anina bada do ia herevalaia. Lauma helaga ena siahu amo idia torea herevana Salamo 19:7 dekenai ia hahedinaraia Kara 15:28, 29 be Dirava ese ia gwauraia taravatu namo hereana rara dekenai. Dirava badinaia tomadiho taudia ese unai taravatu idia badinaia noho. Unai pepa ese emu lalohadai do ia hahedinaraia bema oi hereva diba lasi neganai. (Aonega Herevadia 22:3 itaia.) Unai kadi matamata ese rara oi dadaraia bona do oi abia lasi herevana ia gwauraia hedinarai lou. Hebou murinai, bapatiso vadaeni taudia ese kadi matamata idia abia diba, bona bapatiso lasi natudia ese Identity kadi ta ta do idia abia. Unai kadi do idia hahonua buka stadi naria tauna ese unai gaukara ia naria lalonai. Unai dala amo buka stadi naria tauna do ia itaia iena grup lalonai kadi idia ura hahonua taudia ibounai be heduru idia abia diba. Bema mai dalana, maoromaoro hebou murinai idia karaia diba. Namona be uitnesi totona edia ladana do idia sainia taudia be kadi biaguna ese kadi ia sainia bona deit ia torea karana do idia itaia. Reana unai hebou murinai iboudiai ese edia kadi idia do hahonua namonamo bona idia do sainia lasi, badina heduru idia ura taudia be momo bona ma haida be hebou dekenai idia mai lasi dainai. Buka stadi naria taudia/elda taudia ese dina ma haida lalonai, heduru idia ura bapatiso pablisa taudia iboudiai idia durua ela bona unai pepa hahonua gaukarana ia ore. Namona be buka stadi naria taudia ta ta ese edia grup taudia idia sekea, ibounai idia hegeregere eiava lasi. (October 15, 1991 ena revareva duahia lou.) Bapatiso lasi pablisa ese unai kadi ena hereva idia gaukaralaia diba sibodia edia noho dalana bona lalohadai idia gwauraia hedinaraia totona, bona idia bona edia natudia edia pepa idia torea diba.
17 min:Kongregesen durua herevana. Eiava August 15, 1995, Gima Kohorona, ena rau 3-7 amo “Gabu Dikana ai Edena Bamona Oi Noho Namo Diba?” bona “Edena Negai Gari Do Ia Ore?” herevalaia. Danu, April 22, 1989, Awake!, rau 7-10, bona May 1, 1991, Watchtower, rau 4-7 edia hereva badadia, dagedage bona dika haheaukalaia karana dekenai kikilaia.
Ane 146 bona guriguri.
January 26 Purana
Ane 187
7 min:Kongregesen ena hadibaia herevadia. February ena henia gaudia oi riviulaia. Apokalupo bukana ena hereva badadia ta o rua gwauraia, ita hariharilaia neganai ita do idia durua herevadia.
20 min:“Iehova Ena Tomadiho Henia Gabuna Matauraia.” Henanadai bona haere. Elda ta ese ia karaia, bona mai manau ida kongregesen lalonai idia vara gaudia ia kikilaia.
18 min:Tanobada Ibounai Ena Haroro Gaukarana Lalonai Iseda Gaukara Ita Ripotilaia. (Hesiai Gaukara bukana ena rau 101-2, 106-9 amo.) Seketere ese ia karaia. Iseda gaukara ita ripotilaia hanaihanai totona, Baibel lalonai ripoti idia henia ena haheitalai ia herevalaia murinai, hesiai taudia rua ia boiria bona inai hereva kwarana “Dahaka Dainai Iseda Haroro Gaukara Ita Ripotilaia” do idia riviulaia. Seketere ese ripoti torea maoromaoro bona nega korikori ai ita henia vareai be mai anina bada do ia herevalaia. Dahaka dainai tahua gaudia ita atoa be mai ena namo edia badina haida ia gwauraia, bona haroro gaukara idia goadalaia taudia ese idia abia hahenamodia edia sivarai amo ena hereva do ia hadokoa.
Ane 189 bona guriguri.