Gaukara Haorea Totona Ita Ibounai Ita Gaukara be Namo
1 Namona be Iesu Keriso ena hahediba taudia ibounai be idia lalo-parara edia hekwarahi Basileia haroro gaukarana idia durua bona idia karaia totona be mai anina bada. Iesu ia diba iena hahediba taudia haida be Basileia ena huahua momo do idia havaraia bona ma haida be huahua sisina do idia havaraia. (Mat. 13:23) Ena be gaukara goadagoada painia taudia ese haroro gaukara ena kahana badana idia karaia, to mai edia ura ida Dirava idia hanamoa noho taudia, huahua momo idia havaraia toho taudia unai, ita hanamoa be namo.—Ioa. 15:8.
2 Iseda Hekwarahi Ibounai be Anina Bada Ia Havaraia: Iesu ia gwau ena hahediba taudia ibounai edia hekwarahi oi atoa hebou neganai idia karaia karadia be ia karaia karadia do idia hereaia. (Ioa. 14:12) Herevana iseda mauri dalana dainai nega bada eiava nega bada lasi ita atoa diba Basileia ita harorolaia totona, to gaukara ita haorea totona ita ibounai ita gaukara be namo. Ia be Paulo ena hereva hegeregerena, ia gwau: “Tauanina ena kahana ibounai be . . . idia noho hebou bona idia gaukara hebou, bona kara ibounai be laloa tamona dekena amo idia karaia. Ta ta edia gaukara, edia gaukara korikori idia karaia noho. Unai dala dekenai tauanina be . . . ia tubu daekau noho.”—Ef. 4:16.
3 Haida idia laloa edia hekwarahi be anina bada ia havaraia lasi. To, Iehova ena matana ai, gau badana be iseda hesiai gaukara ita karaia mai eda lalona ibounai ida. Ia totona ita karaia gaudia ibounai be mai anina bada bona ia laloa bada.—Luka 21:1-4 itaia.
4 Gaukara Oi Durua Noho: Ita ibounai iseda hahenamo be moni ita henia diba tanobada hegegemadai idia karaia gaukarana ita durua totona. Idia haida be imana amo gaukara idia karaia diba danu, Basileia gaukara idia durua totona. Ita ta ta be hebou dekenai haere namodia ita henia toho diba bona Haroro Sikuli lalonai ita vareai diba. Nega ita gaukaralaia ma haida ita hagoadaia totona be lauma dalanai kongregesen do ia durua, bona unai ese kongregesen ia durua ia abia gaukarana ia haorea totona.
5 Oibe, gaukara haorea totona, ita ibounai ita gaukara be namo. Namo lasi ta ia laloa gaukara haorea totona ia be anina lasi. Ita ibounai eda gaukara, gaukara bada bona gaukara maragi danu, Iehova ena hesiai gaukara lalonai ese ia hahedinaraia ita sibona be Dirava ena tomadiho momokani taudia. (Mal. 3:18) Ita ta ta ibounai be mai anina bada gaukarana ita karaia diba Iehova ita hanamoa totona, bona ma haida ita durua ia idia diba bona hesiai henia totona.