January Ena Hesiai Hebou
January 4 Purana
Ane 36
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Bema January 1 ai emu hebou negadia umui haidaua, namona be umui gaukaralaia boiboi pepadia ese hebou ena nega matamata idia hahedinaraia.
15 min: “Buka Gunadia Gaukaralaia Namonamo.” Henanadai bona haere. Kongregesen dekenai idia do noho buka gunadia oi gwauraia. Buka edia namo haida oi herevalaia, bona edena dala ai ma haida dekenai oi hariharilaia diba oi herevalaia. Ibounai hagoadaia January ai ruma-ta-ruma-ta gaukarana ai bona nega bona gabu idaudia ai ita haroro neganai, namona be kongregesen ai idia noho 25 toea eiava 50 toea buka do ita hariharilaia. Mauri Hanaihanai bukana ita hariharilaia diba danu. Ia auka lasi haheitalai kwadogina ta karaia.
20 min: Oi be Dina Iboudiai Buka Helaga Oi Tahua, A? Hereva oi henia bona helai taudia ida oi kikilaia. Lagani ta ta ibounai, Society ese Dina Iboudiai Buka Helaga Tahua buklet ia halasia. Oi ese eiava emu ruma bese ese unai buklet umui gaukaralaia namonamo, a? Oi hahedinaraia dahaka dainai ita be dina ta ta ena siri ita itaia be namo. Dina Iboudiai Buka Helaga Tahua—1999 buklet ena rau 3-4 ai ia noho hamatamaia herevana amo hereva haida herevalaia. Pablisa taudia oi noia do idia hahedinaraia edena dala ai idia eiava edia ruma bese idia hekwarahi dina ta ta ibounai dina ena siri bona idia torea hereva haida idia itaia totona.
Ane 61 bona guriguri.
January 11 Purana
Ane 88
10 min: Kongregesen ena hadibaia herevadia. Akaun ripotina.
20 min: “Iseda Lalona Ita Hadaia—Iehova Ia Gwauraia Mauri Dalana Do Ita Badinaia.” Hereva ta. Ibounai oi hagoadaia pura ta ta lalonai ita abia kongregesen hebou ima dekenai idia mai hanaihanai be namo.
15 min: “Haheauka Noho.” Ruma bese ta ese unai do idia kikilaia hebou. Edia haroro gaukara lalonai edena haheauka hahedinaraia daladia idia hagoadaia diba idia herevalaia. June 15, 1995, Gima Kohorona, rau 12, amo hereva haida herevalaia.
Ane 135 bona guriguri.
January 18 Purana
Ane 169
5 min: Kongregesen ena hadibaia herevadia.
10 min: “Tama Sina e—Natudia Hadibaia Haroro Totona.” Henanadai bona haere.
15 min: “Kongregesen Idia Hakaua Taudia—Buka Stadi Naria Tauna.” Buka stadi ia naria namonamo tauna ta ese unai hereva do ia henia, iena gaukara idauidau do ia gwauraia. Do ia hahedinaraia unai bamona gaukara ese lauma dalanai kongregesen be edena bamona ia durua. Hesiai Gaukara Karaia Totona Ita Hegaegae bukana, rau 44-5, 75-6 amo hereva badadia gwauraia.
15 min: “Stadi Hamatamaia Dahaka Ita Karaia? Buklet Dekenai.” Henanadai bona haere.
Ane 197 bona guriguri.
January 25 Purana
Ane 201
15 min: Kongregesen ena hadibaia herevadia. Haroro naria tauna ese henanadai bona haere dalana amo Henanadai Mauana do ia karaia.
15 min: “Painia Taudia Edia Hora Idia Haidaua.” Elda ta ese hereva do ia henia. Kongregesen ena painia taudia oi hanamoa, bona pablisa taudia oi hagoadaia ma haida be heduru bona regula painia gaukara idia karaia totona. Namona be March, April, bona May lalonai do ita karaia gaukara badana idia laloa. February 1997 bona July 1998 Iseda Basileia Gaukara pepadia lalonai idia udaia gaudia edia hereva haida gwauraia.
15 min: Hari Ita Hegaegae Dirava Ena Taravatu Rara Dekenai Ita Abia Isi Totona. Elda ta ese Advance Medical Directive/Release kadi ita hahonua be mai anina bada do ia herevalaia. Lauma helaga ena siahu amo idia torea herevana Salamo 19:7 dekenai ia hahedinaraia Kara 15:28, 29 be Dirava ese ia gwauraia taravatu namo hereana rara dekenai. Dirava idia badinaia bona tomadiho henia taudia ese unai taravatu idia badinaia noho. Unai pepa ese emu lalohadai do ia hahedinaraia bema oi hereva diba lasi. (Aonega Herevadia 22:3 itaia.) Unai kadi matamata ese rara oi dadaraia bona do oi abia lasi herevana ia gwauraia hedinarai lou. Hebou murinai, bapatiso vadaeni Witness taudia ese kadi matamata do idia abia, bona idia do bapatiso lasi natudia ta ta totona Identity kadi do idia abia. Unai kadi do idia hahonua buka stadi naria tauna ese unai gaukara ia naria lalonai. Unai dala amo buka stadi naria tauna do ia itaia iena grup lalonai kadi idia ura hahonua taudia ibounai be heduru idia abia diba. Bema mai dalana, maoromaoro hebou murinai ia karaia. Namona be uitnesi totona edia ladana do idia sainia taudia be kadi biaguna ese ia sainia bona deit ia torea karana do idia itaia. Reana unai hebou murinai iboudiai ese edia kadi idia do hahonua namonamo bona idia do sainia lasi, badina heduru idia tahua taudia be momo bona ma haida be hebou dekenai idia mai lasi dainai. Buka stadi naria taudia/elda taudia ese dina ma haida lalonai, heduru idia tahua bapatiso pablisa taudia iboudiai do idia durua ela bona unai kadi hahonua gaukarana ia ore. Namona be buka stadi naria taudia ta ta ese edia grup taudia edia lista ta idia karaia, bena do idia diba bema ibounai ese edia Advance Medical Directive/Release kadi idia hahonua vadaeni eiava lasi. Bapatiso lasi pablisa ese unai kadi ena hereva idia gaukaralaia diba, sibodia edia noho dalana bona lalohadai idia gwauraia hedinarai totona, bona idia edia natudia edia pepa idia torea diba.
Ane 225 bona guriguri.