October Ena Hesiai Hebou
October 4 Purana
Ane 147
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
17 min: “Idia Oi Boiria Mai.” Henanadai bona haere. Nega ibounai kamonai taudia ita boiria mai kongregesen hebou dekenai ena namo gwauraia. Kamonai tauna ta ida Diba bukana, rau 159, paragraf 20, bona rau 161-2, paragraf 5-7 amo, herevahereva dalana ta haheitalaia. Hebou ena nega ia gwauraia boiboi pepana ta oi hahedinaraia, bona ita gaukaralaia namonamo dalana gwauraia hedinarai.
18 min: Magasin Lalodia Bada! Hua gunanai kongregesen ese idia hariharilaia magasin edia namba gwauraia. Unai magasin edia namba bona Society amo umui abia magasin edia namba edia idau be dahaka? Bema unai magasin edia namba edia idau ia bada, dahaka umui karaia be namo? Helai taudia oi noia, henunai herevadia dekenai edia lalohadai idia gwauraia totona: (1) Namona be pablisa ta ta ese magasin idia hariharilaia hegeregerena idia oda. (2) Saturday ibounai oi makaia Magasin Dinana. (3) Oiemu sediual oi palanilaia, hua iboudiai magasin gaukara oi karaia totona. (4) Palani oi karaia nega bona gabu idauidau ai magasin amo hereva oi hamatamaia totona. (5) Bisinesi bona gaukara taudia ese do idia ura henia herevadia be idia dekenai oi hahedinaraia. (6) Magasin idia abia taudia edia ladana bona noho gabuna oi torea, bona magasin henia loulou dalana oi hamatamaia, magasin matamata ibounai oi abia lao totona. (7) Magasin gunadia gaukaralaia namonamo, idia momo lasi totona. Magasin matamatadia hahedinaraia, bona lalona veria herevadia gwauraia. Lo tauna ta bona natuna ta oi abia hidi, ta ta ese magasin herevalaia dalana ta idia haheitalaia totona.—October 1996 Iseda Basileia Gaukara pepana, rau 4, itaia.
Ane 105 bona guriguri.
October 11 Purana
Ane 194
10 min: Kongregesen ena hadibaia herevadia. Akaun ripotina.
15 min: “Uhe Momo Hadoa to mai Aonega Ida.” Henanadai bona haere. Emu teritori dekenai umui gaukaralaia diba herevadia gwauraia. Unai hereva be Saturday bona Sunday, haroro hebou lalodia do umui gwauraia lou.
20 min: “Hebou amo Ita Abia Moalena Habadaia Dalana.” Henanadai bona haere. Haheitalai namodia gwauraia, edena bamona hebou dekenai laloa bona hagoadaia heheni karadia ita hahedinaraia. Helai taudia boiria idia dekenai unai gaudia idia vara edia sivarai idia gwauraia totona.
Ane 152 bona guriguri.
October 18 Purana
Ane 196
10 min: Kongregesen ena hadibaia herevadia. “Do Oi Lao, A?” kikilaia.
22 min: “Lagani 1999 ‘Dirava Ena Peroveta Herevana’ Distrik Hebouheboudia.” (Paragraf 1-16) Henanadai bona haere. Paragraf 6, 8, 11, bona 16 duahia. Oi hahedinaraia dahaka dainai unai hebou ibounai, Friday ena program danu, ita lao henia. Oi hadibadia, Society ena hereva bamona sibona eda dina tubua aniani ita mailaia hebouhebou dekenai ena anina gwauraia hedinarai.
13 min: “Emu Noho Gabuna Oi Haidaua, A?” Seketere ese unai hagoadaia herevana ia karaia. Pablisa taudia be kongregesen ma ta dekenai do idia lao neganai, namona be edia gabu matamata dekenai edia noho be do ia namo, lauma dalanai idia manoka lasi totona. Oi hahedinaraia, gau badana be elda taudia dekenai unai bamona palani idia hadibaia bona bema edia heduru idia noia kongregesen matamata do idia hadibaia totona.
Ane 142 bona guriguri.
October 25 Purana
Ane 179
15 min: Kongregesen ena hahediba herevadia. Iboudiai oi durua November lalonai Dahaka Ita Karaia? buklet eiava Diba bukana hariharilaia dalana hegaegaelaia totona. Hahedinaraia edena bamona hereva ta lalonai inai henanadai idia herevalaia diba, “Dirava ese guriguri ena haere ia henia, eiava?” Buklet lalonai kahana 7 eiava buka lalonai karoa 16, paragraf 12-14 amo hereva badadia gaukaralaia. Siri ta oi gaukaralaia kiki herevana ta haheitalaia.
15 min: Kongregesen durua herevana. Eiava May 8, 1998 ena Awake!, rau 20 bona 21 amo inai hereva “How Significant Is the Year 2000?” kikilaia.
15 min: Baibel Henanadai Edia Haere Davaria Dalana. Pablisa tauna be kamonai tauna ese Baibel henanadai ta ia henia dainai, hesiai tauna dekenai ia lao. Hesiai tauna ese haere ia henia lasi, to haere davaria diba dalana ia gwauraia hedinarai. Haroro Sikuli bukana, stadi 2, paragraf 3-4, dekenai idia noho herevadia ia riviulaia guna. Bena, nega momo teritori dekenai idia kamonai henanadai ta idia tahua hebou. Idia ese December 15 ena Gima Kohorona bona December 22 ena Awake! lalonai idia noho Hereva Iboudiai edia lista idia itaia hebou. Baibel henanadai be Hereva Iboudiai edia lista haida lalonai idia tahua bona dokonai hereva maorona idia davaria. Danu, Herevalaia bukana dekenai hereva ma haida idia davaria. Helai taudia ibounai hagoadaia, unai bamona Baibel henanadai tahua karana namona idia karaia.
Ane 151 bona guriguri.