Haroro Gaukara Dainai Ita Idau
1 Taunimanima momo idia henanadai, “Dahaka ese ia hahedinaraia Iehova ena Witness taudia be tomadiho oredia haida amo idia idau?” Edena bamona do oi haere? Ita abia dae Baibel ena hahediba herevadia haida oi gwauraia hedinarai diba. To reana iseda haroro gaukara dainai tomadiho oreadia ma haida amo ita idau do oi gwauraia diba danu, ani?—Mat. 24:14; 28:19, 20.
2 Hari inai negai, tomadiho taudia haida sibona be mai edia ura ida edia lalohadai be ma haida ida idia herevalaia. Reana idia laloa bema Kaisara ena taravatu idia badinaia, mauri namona idia noholaia, eiava haida dekenai hebogahisi karadia idia karaia be ia hegeregere. To, idia laloa lasi maduna ta ia noho ma haida idia durua, Baibel ese ia gwauraia hahemauri dalana do idia dibaia totona. Edena bamona ita idau?
3 Mai eda lalo-goada ida ita karaia haroro gaukara be tomadiho oreadia ma haida edia gaukara amo ia idau momokani. Idia hanaia lagani 100 bona ma haida lalodiai, hari inai nega Witness taudia ese tanobada ena kahana ibounai dekenai idia haroro goadagoada, Keristani taudia ginigunadia idia karaia bamona. Unai bamona ita karaia ena badina be ita ura taunimanima momo ita durua, edia mauri be Dirava ena ura hegeregerena do idia haidaua totona.—1 Tim. 2:4; 2 Pet. 3:9.
4 Oiemu Kara be Edena Bamona? Ma haida idia laloa oi be Dirava ena hereva harorolaia goadagoada tauna, a? (Kara 17:2, 3; 18:25) Oiemu haroro gaukara dainai, emu dekena taudia ese idia itaia haraga edia tomadiho be idau bona oiemu be idau, a? Idia laloa oi be ia ura dikadika ena helaro be ma haida ida ia herevalaia tauna, a? Haroro gaukara be hanaihanai oi karaia, a? Namona be oi laloatao, iseda ladana sibona dainai ita idau lasi, to danu iseda kara amo unai ladana ena anina ita hahedinaraia dainai—Iehova ena ladana ita gwauraia.—Isa. 43:10.
5 Dirava bona dekena taudia lalokau henia karana ese ita ia doria haroro gaukara ita karaia totona. (Mat. 22:37-39) Unai dainai, Iesu bona ena aposetolo taudia bamona, ita ura nega namodia ibounai ita gaukaralaia Basileia ena sivarai be ma haida ida ita herevalaia. Namona be idia ura kamonai taudia dekenai sivarai namona ita harorolaia goadagoada noho. Unai bamona ita karaia ese kudou-maoro taudia do ia durua, ‘do idia itaia Dirava ena gaukara idia karaia, bona idia karaia lasi taudia’ idia idau.—Mal. 3:18.