Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 5/00 rau 1
  • “Umui Noga Noho”

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • “Umui Noga Noho”
  • Iseda Basileia Gaukara—2000
  • Inai Bamona Atikol
  • “Umui Naria Noho”!
    Gima Kohorona Iehova Ena Basileia Ia Harorolaia—2003
  • “Dokona Negana” Lalonai Oi Gima Noho
    1992 Gima Kohorona Iehova Ena Basileia Ia Harorolaia
  • Idia Noga Noho Taudia Do Idia Moale!
    1997 Gima Kohorona Iehova Ena Basileia Ia Harorolaia
  • Nega be Kwadogi Dainai Haroro Goadalaia
    Gima Kohorona Iehova Ena Basileia Ia Harorolaia—2012
Ma Haida Itaia
Iseda Basileia Gaukara—2000
km 5/00 rau 1

“Umui Noga Noho”

1 Inai tanobada ena dina gabedia ena toana do idia hahedinaraia mai anina bada gaudia ia herevalaia murinai, Iesu ese ena hahediba taudia ia hagoadaia do idia “noga noho” totona. (Mar. 13:33) Dahaka dainai Keristani taudia idia noga noho be namo? Badina taunimanima edia histori lalonai ia dika herea negana lalonai ita noho dainai. Lauma dalanai ita mahuta lasi be namo. Badina bema ita mahuta, Iehova ese inai dokona negana lalonai ita karaia totona ia henia gaukarana do ita laloa bada lasi. Unai gaukara be dahaka?

2 Iehova ese ena taunimanima ia gaukaralaia, tanobada ibounai dekenai ena Basileia ena sivarai namona idia gwauraia totona​​—taunimanima edia helaro tamona unai. Dirava ena orea ida ita gaukara hebou karana ese ia hahedinaraia ita be Keristani taudia momokanidia, bona ita noho negana bona “mauri hanaihanai herevadia” idia kamonai totona ma haida ita durua karana ena anina ita laloa bada. (Ioa. 6:​68) Inai mai anina bada gaukarana ita karaia goadagoada neganai, ita hamomokania lauma dalanai ita noga noho.

3 Lalokau Dainai Ita Haroro: Ita be Iehova ena Witnes taudia dainai, iseda haroro gaukarana ita laloa bada be namo. Dirava bona dekena taudia ita lalokau henia karana ese ita ia veria, haroro gaukara ita karaia totona. (1 Kor. 9:​16, 17) Unai gaukara ita karaia neganai, ita sibona bona ita idia kamonai henia taudia danu ese mauri do idia davaria. (1 Tim. 4:​16) Namona be eda lalona ita hadaia, haroro gaukara ita karaia hanaihanai bona iseda nega bada ita gaukaralaia taunimanima ese idia abia diba gavamani namo hereana​​—Dirava ena Basileia​—do ita harorolaia!

4 Mai anina bada gauna ta ese do ia hahedinaraia mai karaharaga lalohadaina ida eda hesiai gaukara ita karaia be namo​​—unai gaukara ita do karaia noho lalonai hisihisi badana do ia matamaia. Unai dina bona hora ita diba lasi dainai gau badana be ita noga noho bona nega ibounai ita gini hegaegae, bona mai guriguri ida Iehova ita tabekau henia. (Ef. 6:​18) Haroro gaukara be ia bada ia lao noho. To nega sisina murinai, taunimanima edia histori lalonai idia karaia haroro gaukara badana be do ia doko.

5 Namona be Iesu ena hereva ita “noga noho” totona be mai eda abidadama ida ita badinaia. Hari inai nega ai, unai hereva be mai anina bada. Mai karaharaga lalohadaina ida ita kara be namo. Hari bona dina ibounai, lauma dalanai ita kekero lasi, ita gima, bona Iehova ena hesiai gaukara lalonai ita goada be namo. Oibe, namona be “ita noga noho, ita laloa goada noho.”​​—1 Tes. 5:6.

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia