Hadibaia Hereva

◼ August ena henia gauna: Inai buklet ta oi gaukaralaia diba: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mauri Ena Anina be Dahaka​—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, Toi Tamona Oi Abia Dae be Namo, Eiava? September: Ruma Bese Ena Moale Havaraia Dalana bukana. October: Gima Kohorona bona Awake! edia kopi ta ta. Oi lou henia taudia idia kamonai neganai, sabskripsen oi henia toho diba. Hua ena dokona kahana ai Basileia Sivaraina Namba 36 do ita hariharilaia. November: Basileia Sivaraina Namba 36 do ita hariharilaia noho. Bema kongregesen ta ena teritori idia haorea, idia noho taudia edia ruma ta ta ibounai dekenai idia lao bona Basileia Sivaraina Namba 36 idia hariharilaia vadaeni, Dahaka Ita Karaia? buklet eiava Diba bukana idia hariharilaia diba. Bema taunimanima ese idia abidia vadaeni, Mauri Hanaihanai bukana idia gaukaralaia diba. December: Inai buka ta oi hariharilaia diba: Buka Helaga​—Dirava Ena Hereva Eiava Taunimanima Edia?, Lau Egu Bible Sivarai Buka, Mauri Hanaihanai Tanobada Paradaiso Lalonai, bona Tau Hereadaena.

◼ September 1 eiava karaharaga unai dina murinai, kongregesen ena gunalaia tauna eiava ia ese ia abia hidi tadikaka ta ese kongregesen ena akaun ia sekea be namo. Unai idia karaia murinai, akaun ripoti gabena do idia duahia murinai kongregesen idia hadibaia.

◼ Kongregesen ese 2001 Calendar of Jehovah’s Witnesses be September ena buka oda ida idia oda matamaia diba.

◼ Lagani ta ta idia karaia buka bona magasin edia namba ena lista torea karana be August 31, 2000, eiava unai dina kahirakahira, dekenai idia karaia be namo. Unai be buka naria tauna ese hua ta ta ai ia karaia gaukarana hegeregerena, bona edia namba be Buka Edia Lista fom (S-18) ai do idia torea. Idia noho magasin ibounai edia namba be emui Kingdom Hall dekenai idia hebou kongregesen ta ta ena magasin naria tauna amo do idia abia. Buka naria kongregesen ta ta ese Buka Edia Lista fom (S-18) toi do idia abia. Mani pepa ginigunana be September 6 do lasi neganai, brens opesi dekenai umui siaia. Iharuana umui dogoatao emui faila totona. Kopi ihatoina be buka umui duahia neganai umui gaukaralaia diba. Buka naria kongregesen ena seketere ese duahia karana do ia naria. Buka naria kongregesen ena seketere bona gunalaia tauna ese fom do idia sainia.

◼ Umui Abia Diba Buka Matamatana:

Watch Tower Publications Index 1999—English

◼ Umui Abia Lou Diba Kaset Teipi:

Sing Praises to Jehovah—Album 5 idia haboudia tamona (kaset iboudiai be 113)—English