Haroro Sikuli Ena Henanadai

Haroro Sikuli ena henanadai May 1 ia lao August 21, 2000, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Eparaima tataudia be Gideona idia hereva dika henia be maoro lasi, to mai hereva manada bona mai manau ida ia haere henidia dainai edia maoro lasi samani hereva ia koua bona maino ia noho. (Gun. 8:​1-3) [1, Wiki ta ta ena Baibel duahiduahi] Momokani.

2. Ena be Manoa ia gwau “Dirava ita itaia,” to ia bona ena adavana be Iehova idia itaia momokani lasi to Dirava ese ia siaia gwaukau aneruna be tauanina ai ia hedinarai bona idia itaia. (Gun. 13:22) [2, Wiki ta ta ena Baibel duahiduahi; w89 2/1 rau 27 par. 2 itaia.] Momokani.

3. Gunalaia Taudia 5:​31 ai, inai hereva “oi dekenai idia ura henia taudia” ese Basileia do idia abia taudia 144,000 ia perovetalaia. [4, si May 22 par. 28] Momokani.

4. Mase Davara Lokua Toretoredia dekenai Ruta bukana ena kahana haida idia davaria lasi. [5, si May 29 par. 3] Koikoi. Mase Davara Lokua Toretoredia dekenai Ruta bukana ena kahana haida idia davaria.

5. Gunalaia Taudia 21:25 be Iehova ese Israela taudia dekenai hakaua taudia ia henia lasi negana ia herevalaia. [4, Wiki ta ta ena Baibel duahiduahi; w95 6/15 rau 22 par. 16 itaia.] Koikoi. Israela ena hanua badadia ta ta iboudiai lalonai be tau badadia idia noho; taunimanima be mai edia henanadai eiava hekwakwanai idia davaria neganai, unai lo taudia ese idia durudia diba mai edia aonega ida. Danu, hahelaga taudia Levi oreana lalonai ese Dirava ena taravatu be taunimanima idia hadibaia; unai amo kara namo idia havaraia. Hekwakwanai o henanadai aukadia idia vara neganai, hahelaga tauna badana ese Urima bona Tumima amo Dirava ena lalohadai ia davaria diba.

6. Taravatu Mauana latanai idia helai kerubi ese idia hahedinaraia Iehova ia noho bona ia lohia, idia gwau ia be “kerubi latanai ia helai.” (1 Sam. 4:​4, NW ) [7, Wiki ta ta ena Baibel duahiduahi; w80-E 11/1 rau 29 par. 2 itaia.] Momokani.

7. Saulo ena tuari taudia be dala lasi neganai rara idia ania bona idia panisia lasi neganai, unai ese ia hahedinaraia ta ia mauri totona ia ese Dirava ena taravatu be nega sisina lalonai ia laloa lasi be mai ena badina maorona. (1 Sam. 14:​24-​35) [9, Wiki ta ta ena Baibel duahiduahi; w94 4/15 rau 31 par. 7-9 itaia.] Koikoi. Saulo be iena tuari taudia edia kara ia diba neganai, kara haida ia karaia Dirava vairanai kerere ia hamaoromaoroa totona. Danu, reana Iehova ia laloa Saulo ese gwauhamata ia karaia haragaharaga dainai tuari taudia edia kerere dalana ia kehoa. (1 Sam. 14:​24, 34, 35)

8. Ena be haida idia laloa “lalona veria” karana be haida idia doria eiava aonega amo idia veria karana, to lalohadai namona hahedinaraia totona idia gaukaralaia neganai, ena anina be hadibaia namonamo karana, hereva maorodia amo ta ena lalona haidaua karana. (2 Tim. 3:​14, 15) [11, w98 5/15 rau 21 par. 4] Momokani.

9. “Mauri ena puse” anina be Dirava ese mauri gimaia bona naria totona ia hegaegaelaia dalana, unai ese Davida do ia durua bema Dirava vairanai rara bubua kererena ia karaia lasi. (1 Sam. 25:​29, NW) [13, Wiki ta ta ena Baibel duahiduahi; w91-E 6/15 rau 14 par. 3 itaia.] Momokani.

10. Davida ladanai Basileia gwauhamatana, 2 Samuela 7:​16 ese ia gwauraia gauna, be Garana ena iduhu amo Mesia do ia mai dalana ia hahedinaraia, bona unai be taravatu dalana ai hamomokania gauna dainai Davida ena natuna ta be do ia lohia “ela bona hanaihanai.” [16, Wiki ta ta ena Baibel duahiduahi; w90 2/1 rau 15 par. 21–rau 16 par. 22 itaia.] Momokani.

Henuna henanadai oi haerelaidia:

11. Salamo 34:18 ai dahaka lalona hagoadaia herevana ia noho? [1, w98 4/1 rau 31 par. 2] Iehova ena hesiai taudia bema idia daradoko bona idia laloa idia be anina lasi neganai, Ia be ia hegaegae mai ena ura ida idia do ia durua.

12. Dahaka dainai Iosepa ena ladana ma ta idia henia Banaba? (Kara 4:​36) [2, w98 4/15 rau 20 par. 3, futnout.] Ia hedinarai namonamo ia be lalokau, bona hebogahisi bada tauna. Banaba anina be “Hahegoada Ena Natuna”; tau ta idia boiria kara ta “ena natuna” ese ena kara badana ta ia hahedinaraia.

13. Dahaka dainai Baibel sivarai lalonai ia gwau Eli ese iena natudia memero ia matauraidia bada to Iehova ia matauraia maragi? (1 Sam. 2:​12, 22-​24, 29) [6, Wiki ta ta ena Baibel duahiduahi; w96 9/15 rau 13 par. 14 itaia.] Eli be edia tamana bona Israela ena hahelaga tauna badana dainai, ia be mai ena maduna iena natuna memerodia ia panisia, badina be tomadiho idia hadikaia bona lebulebu karadia idia karaia, to hereva manokadia amo ia sisiba henidia sibona.

14. Dahaka dainai Ruta bukana ese Basileia gwauhamata dekenai iseda lalona ia hagoadaia be namo? [5, si May 29 par. 10] Badina ia hahedinaraia Boasi bona Ruta edia headava ia Hegaegaelaia Tauna be Iehova, bona Iuda ena king besena naria totona ia gaukaralaia ela bona ia amo Davida ia vara bona gabeai Davida Badana, Iesu Keriso, ia vara.

15. Samuela Ginigunana 1:​1-7 ena hereva hegeregerena, Samuela ena bese taudia ese dahaka haheitalai namona idia hahedinaraia? [6, Wiki ta ta ena Baibel duahiduahi; w98 3/1 rau 16 par. 12 itaia.] Dirava ena palai dubuna be Silo dekenai ia noho neganai, Samuela tamana, Elikana, ese ena ruma bese ibounai ia hakaudia lao, hanaihanai tomadiho tamona taudia ida idia hebou.

16. Edena dala ai ita gwau diba ‘kohu be mai ena koikoi siahuna’? (Mat. 13:​22, NW ) [9, w98 5/15 rau 5 par. 1] Ena be moni amo kohu ita hoia diba, to idia tahua taudia ese unai taga amo idia ura idia abia mamina namona o moale idia davaria lasi.

17. Ionatana ena lagani be bada, to ia be edena dala ai ia hahedinaraia Iehova ese ia horoa tauna Davida ia abia dae, bona hari inai negai unai ese dahaka ia haheitalaia? (1 Sam. 18:​1, 3, 4) [11, Wiki ta ta ena Baibel duahiduahi; w89 6/1 rau 21, 23 par. 4, 13 itaia.] Ionatana be Davida ida lalo-tamona dekenai idia hetura heheni bona gwauhamata idia karaia, unai ese iena lalokau bada bona Davida do ia kamonai henia karana ia hahedinaraia. Unai lalo-tamona ese “mamoe idaudia” bona horoa Keristani oreana ena orena taudia edia lalo-tamona ia haheitalaia.

18. Ena be Iobu bukana lalonai ia gwau Iobu be “kerere ta lasi, bona kara maoromaoro tauna,” to edena bamona unai buka ese ia hahedinaraia Iobu be goevadae tauna lasi? (Iobu 1:8) [8, w98 5/1 rau 30 par. 7] Iobu be nega ta ia hereva kerere, ia gwau Dirava ese ia dekenai dika ia havaraia, Dirava ena kara taunimanima dekenai ia dika, bona Dirava ena kara maoromaoro ia gwauraia lasi to ia sibona ena kara maoromaoro ia gwauraia. (Iobu 27:2; 30:​20, 21; 32:2)

19. Unai hereva “do umui raka goada” ena anina be dahaka? (Luka 13:24) [16, w98 6/15 rau 31 par. 1, 4] Unai hereva ena anina be ita hekwarahi, iseda gaukara ita habadaia, ita gaukara namonamo bona gaukara goadagoada, namo lasi Iehova tomadiho henia karana ita karaia metairametaira.

20. Samuela Iharuana 12:​26-​28 ai ia torea hegeregerena, ma haida ida ita gaukara hebou neganai dahaka ita laloa bada be namo? [17, Wiki ta ta ena Baibel duahiduahi; w93 12/1 rau 19 par. 19 itaia.] Namona be ma haida edia gaukara dainai ita hanamodia bona iseda gaukara dainai hanamoa hereva ita tahua lasi. Unai bamona ita karaia neganai ia hahedinaraia ita manau.

Henuna herevadia dekenai idia torea lasi herevadia oi torea:

21. Iehova ese Bala tomadiho henia karana ia gwauraia dika momokani dainai, namona be hari inai nega ai unai bamona kohu ura henia momo karadia, bese abia isi karadia, bona lebulebu karadia amo ita gini siri. (Gun. 2:​11-​18) [4, si May 22 par. 26]

22. Samuela ena nega ai hahemaoro taudia edia nega ia doko, bona king taudia edia nega ia matamaia, unai nega lalonai Israela taudia be Iehova ena lalo-namo do idia haboioa momokani. [6, si June 5 par. 1]

23. Dirava ena ladana, Iehova, ena anina be “Ia ese Ia Halaoa” bona ia hahedinaraia Iehova ese ena ura ia hagugurua totona dahaka ai ia lao gwauraia be ia lao diba. [7, w98 5/1 rau 5 par. 3]

24. Eli bona Saulo edia kerere be inai: Eli be kara ta ia karaia lasi, bona Saulo be hekokoroku karana ia karaia. [14, si July 31 par. 27]

25. Iesu ena parabole, Samaria tauna ese ena dekena tauna ia durua parabolena, ese ia hahedinaraia kara maoromaoro momokani tauna be Dirava ena taravatu ia badinaia sibona lasi, to iena kara ia tohotohoa danu. (Luka 10:​29-​37) [17, w98 7/1 rau 31 par. 2]

Henuna herevadia dekenai haere maorona oi abia hidi:

26. Iehova ena (aonega; siahu; lalokau) ena bada ia hedinarai badina ia be Moaba hahinena ta, (Ruta; Naomi; Oropa), guna kaivakuku diravana (Bala; Kemoso; Dagona), ia tomadiho henia bona gabeai tomadiho momokanina ia abia dae hahinena, ia abia hidi Iesu Keriso ena tubuna hahinena ta ai ia lao. (Mat. 1:​3, 5, 16) [5, si May 29 par. 1]

27. Hahemaoro taudia ese Israela idia lohiaia negana ia ore (Samuela; Davida; Saulo) be king dagina abia totona idia horoa negana ai, bona unai nega sisina murinai (Amono taudia; Moaba taudia; Pilistia taudia) be Iehova ena heduru amo idia hadarerea. (1 Sam. 11:​6, 11) [8, Wiki ta ta ena Baibel duahiduahi; w95 12/15 rau 9 par. 2 ​rau 10 par. 1.]

28. Timoteo be (aposetolo Paulo; ena tamana; ena sinana bona tubuna hahine) ese “Buka Helaga” amo idia hadibaia, unai amo ia be misinari bona elda tauna namona ai ia lao. (2 Tim. 3:​14, 15; Fil. 2:​19-​22) [10, w98 5/15 rau 8 par. 3–rau 9 par. 5]

29. Namona be (Davida; Samuela; Ionatana) ia mero neganai ia karaia hesiai gaukara ese hari inai negai memero kekeni ia hagoadaia hesiai gaukara idia karaia totona, to danu, ia gaukara noho ela bona ia mase ese buruka dainai idia hesiku taudia ia hagoadaia be namo. [14, si July 31 par. 30]

30. Samuela Iharuana ese ia sivarailaia negana be lagani (1077 amo ia lao 1040; 1077 amo ia lao 1037; 1070 amo ia lao 1040) B.C.E. bamona. [15, si Aug. 7 par. 3]

Henuna herevadia dekenai siri maorona oi abia hidi:

Gun. 11:​30, 31; 1 Sam. 15:22; 30:​24, 25; 2 Ki. 6:​15-​17; Iam. 5:​11

31. Iehova ia gwau momokani iena aneru edia tuari oreadia do ia gaukaralaia iena bese taudia be iena ura hegeregerena do ia gimaia totona. [2 Ki. 6:​15-​17] [3, w98 4/15 rau 29 par. 4]

32. Ena be hisihisi idia davaria bona davana bada gauna do idia haboioa bamona to kongregesen naria taudia be mai edia maduna edia gwauhamata herevadia idia badinaia totona. [Gun. 11:​30, 31] [2, w99 9/15 rau 10 par. 3-4]

33. Hisihisi lalonai iseda abidadama dekenai ita gini goada noho neganai Iehova ena amo ahuna badana do ita abia. [Iam. 5:​11] [8, w98 5/1 rau 31 par. 3]

34. Dirava lalokau henia momokani karana anina be ia dekenai boubou henia sibona lasi to iena hakaua herevadia badinaia. [1 Sam. 15:22] [10, Wiki ta ta ena Baibel duahiduahi; w96 6/15 rau 5 par. 1 itaia.]

35. Hari inai nega lalonai Iehova be iena orea lalonai heduru idia henia taudia iboudiai dainai ia moale bada. [1 Sam. 30:​24, 25] [14, Wiki ta ta ena Baibel duahiduahi; w86-E 9/1 rau 28 par. 4 itaia.]