Hesiai Hebou Ena Sediual
November 13 Purana
Ane 4
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
13 min: Henanadai Mauana. Elda ta ese do ia henia.
22 min: “Basileia Sivaraina Namba 36 ese Ia Havaraia Urana Habadaia.” Paragraf 1-5 be henanadai bona haere amo oi karaia. Kongregesen ese idia karaia lasi teritori ena palani herevalaia. Paragraf 7 bona 8 lalonai lou henia karaia totona idia noho kiki herevadia riviulaia, bona ta ta haheitalaia. Oi hahedinaraia kamonai taudia ibounai ita lou henia be mai anina bada bona ita hekwarahi Baibel stadi momo hamatamaia totona. Dokonai paragraf 9 bona idia torea lasi Baibel siridia oi herevalaia.
Ane 63 bona guriguri.
November 20 Purana
Ane 111
10 min: Kongregesen ena hadibaia herevadia. Akaun ripotina.
15 min: Basileia Sivaraina Namba 36 hariharilaia gaukarana amo idia vara ekspiriens haida kikilaia. Teritori ibounai umui karaia lalonai, umui davaria anina namona oi herevalaia. Kongregesen lalonai, ta be nega ginigunana haroro gaukara ia karaia, a? Ruma taudia ese idia gwauraia hereva namodia herevalaia. Pablisa haida ese Baibel stadi haida idia hamatamaia, a? Bema oibe, namona be oi boiridia idia gwauraia hedinarai eiava idia karaia dalana idia haheitalaia. Ibounai oi hadibaia, kamonai taudia edia ura idia habadaia totona.
20 min: “Haroro Noho!” Hereva bona haida henanadai henia. Haida be Iehova ena orea idia bamoa bona edia mauri ibounai lalonai haroro gaukara idia do karaia noho. Mai lalohadai namona ida unai bamona idia karaia dainai moale idia davaria. (Diba bukana, rau 179, paragraf 20, bona May 1, 1992, Gima Kohorona, rau 21-2, paragraf 14-15 itaia.) Lagani momo lalonai ia goada pablisa ta oi boiria haroro gaukara ia karaia noho ena badina ia gwauraia totona.
Ane 141 bona guriguri.
November 27 Purana
Ane 153
10 min: Kongregesen ena hadibaia herevadia. Pablisa taudia hadibaia edia November ena haroro ripoti idia henia totona bona December ena henia gauna gwauraia.
20 min: Herevalaia Bukana Gaukaralaia Namonamo. Henanadai bona haere amo rau 7-8 herevalaia. Oi hahedinaraia edena dala ai unai buka idia karaia ita idia durua haroro gaukara dekenai anina namona ita havaraia totona. Bema emui noho gabuna dekenai ia hegeregere, telefon amo ita haroro neganai, unai buka ita gaukaralaia diba dalana oi gwauraia hedinarai. Henanadai ta haerelaia totona heduru herevadia oi davaria dalana haheitalaia. Ibounai hagoadaia unai buka idia manadalaia, edia baege lalonai idia udaia, bona idia gaukaralaia hanaihanai.
15 min: Egu TV Raraia Karana be Edena Bamona Do Lau Naria Namonamo Diba? Elda ta ese dina ta ta lalonai hora haida TV ia raraia tadikaka matamatana ta ia hereva henia. Matamanai, unai tadikaka be mai ena goada ida do ia gwau, TV raraia momo karana be mai ena dika lasi. Ia gwau unai be laga-ani karana ta sibona bona unai ese ia hadikaia lasi. Elda ese Memero Kekeni Edia Henanadai bukana ena karoa 36 amo hereva badadia ia riviulaia. Ia hahedinaraia TV raraia momo karana ese nega bada ia haorea diba, reana unai nega ita gaukaralaia diba sibona eda stadi, haroro, eiava kongregesen gaudia haida ita karaia totona. Unai tadikaka matamatana be unai sisiba dainai ena tanikiu herevana ia gwauraia bona ia gwau ena namo lauma dalanai totona, ena TV raraia karana do ia haidaua.
Ane 175 bona guriguri.
December 4 Purana
Ane 189
10 min: Kongregesen ena hadibaia herevadia.
15 min: Kongregesen durua herevana. Eiava elda ta ese Tomadiho Momokani bukana ena rau 99-102, paragraf 10-14 amo “Oiemu Bapatiso Ena Anina” do ia herevalaia.
20 min: “Nega Korikori ai Idia Gwauraia Herevana.” Helai taudia ida herevalaia bona haheitalai haida karaia. Momo idia laloa idia hegeregere lasi hereva idia hamatamaia totona, lalohadai kererena idia abia, idia laloa anina namona havaraia totona, diba idauna idia abia be namo. Oi hahedinaraia edena bamona ita ibounai, pablisa matamatadia bona matamata pablisa taudia danu, ese herevahereva ita hamatamaia diba bema ita hekwarahi. Idia noho hereva hamatamaia daladia riviulaia, oi hahedinaraia idia be auka lasi, bona pablisa rua eiava toi oi abia hidi unai idia haheitalaia totona. March 1998 Iseda Basileia Gaukara pepana rau 8 dekenai idia noho kiki herevadia haida oi gwauraia. Ibounai oi hagoadaia lalohadai maorona idia abia be namo unai amo edia haroro gaukara lalonai moale do idia davaria.
Ane 218 bona guriguri.