Hadibaia Hereva
◼ February ena henia gauna: Memero Kekeni—Moale Umui Davaria Dalana eiava Maino Bona Noho Namona—Daika amo Ia Mai? March: Diba bukana hariharilaia, oi hekwarahi Baibel stadi hamatamaia totona. April bona May: Gima Kohorona bona Awake! magasin do ita hariharilaia. Kamonai taudia bona Memorial dekenai idia mai taudia danu oi lou henidia neganai, namona be oi hekwarahi Baibel stadi ta oi hamatamaia totona.
◼ March 1 ai eiava karaharaga unai dina murinai, hakaua naria tauna eiava ia ese ia abia hidi tadikaka ta ese kongregesen ena akaun ia sekea be namo. Unai ia karaia murinai, akaun ripoti gabena do idia duahia murinai kongregesen idia hadibaia. Kongregesen ese tanobada hegegemadai gaukarana durua totona bona orea durua totona idia henia moni ma haida ena hereva be kongregesen taudia dekenai gwauraia.
◼ Namona be seketere bona haroro naria tauna ese regula painia taudia ibounai edia gaukara idia laloa. Bema haida idia hekwarahi edia hora idia abia totona, namona be elda taudia ese heduru idia henia dalana idia hegaegaelaia. Heduru herevadia abia totona, lagani ta ta idia siaia revarevana S-201, October 1 gauna itaia. Danu, July 1998 ena Iseda Basileia Gaukara lalonai idia udaia pepana, ena paragraf 16-17 itaia.
◼ Sekit naria taudia ese do idia henia pablik tok matamatana ena ladana be “Tanobada Ena Hisihisi amo Ita Roho Mauri Negana be Kahirakahira.”
◼ Namona be kongregesen idia hegaegae inai lagani ena Memorial be Wednesday, April 16, dina ia diho murinai, do idia karaia. Ena be hereva umui hamatamaia haraga, to paraoa bona uaina do umui henia lasi ela bona dina ia diho murinai. Ena be kongregesen ta ta idia ura sibona edia Memorial hebouna idia abia, to nega haida unai be hegeregere lasi. Emui gabu dekenai bema kongregesen haida ese Kingdom Hall tamona idia gaukaralaia, reana tamona eiava haida ese unai adorahi ai gabu ma ta idia gaukaralaia diba. Bema mai dalana, namona be unai hebou ta ta huanai miniti 40 bamona idia noho, ita ibounai ese unai hebou amo namo bada ita abia, vadivadi taudia ita hanamoa, bona kamonai matamata taudia ita hagoadaia totona. Namona be motuka atoa gabuna bona motuka guia taudia rakatania bona abia gabudia umui laloa namonamo guna. Elda taudia be do idia laloa namonamo emui gabu ai dahaka umui karaia be namo.
◼ April 27, 2003, ai do idia henia pablik tok badana ena sinado be, “Babulonia Ena Hahemaoro Negana Ia Ginidae Vadaeni, A?” September 2002 ena Iseda Basileia Gaukara pepana dekenai unai bamona hadibaia hereva ta oi itaia diba.
◼ Ta ta be sibodia edia sabskripsen be pos opesi amo idia abia karana idia koua dainai, gau badana be kongregesen dekenai Gima Kohorona bona Awake! magasin matamatadia idia ginidae neganai, namona be karaharaga idia halasia. Unai amo pablisa taudia ese sibodia edia kopi ta idia abia diba bona magasin do idia duahia bona dibaia namonamo guna, bena haroro gaukara lalonai idia hariharilaia diba.