Hadibaia Hereva

◼ November ena henia gauna: Dirava Ia Ura Dahaka Ita Karaia? eiava Diba ese Mauri Dekenai Ita Ia Hakaua Lao. Bema taunimanima ese unai buka idia abia vadaeni, Dirava Momokani Tamona Tomadiho Henia eiava buka gunana ta hariharilaia. December: Tau Hereadaena. Umui hariharilaia buka iharuana be Lau Egu Bible Sivarai Buka, Buka Helaga​—Dirava Ena Hereva Eiava Taunimanima Edia?, eiava Mauri Hanaihanai Paradaiso Lalonai. January: Lagani 1988 vairanai idia halasia bona kongregesen ai idia noho vadaeni buka idauidau. Bema umui dekenai unai buka idia noho lasi, mani kahirakahira idia noho kongregesen umui nanadaia bema idia dekenai buka gunadia idia noho, umui gaukaralaia totona. Bema buka gunadia idia noho lasi, Diba bukana hariharilaia diba. February: Apokalupo​—Ena Hagugurua Negana Ia Kahirakahira!

◼ December 1 eiava karaharaga unai dina murinai, hakaua naria tauna eiava ia ese ia abia hidi tadikaka ta ese kongregesen ena akaun ia sekea be namo. Unai idia karaia murinai, akaun ripoti gabena do idia duahia neganai kongregesen do idia hadibaia.

◼ Namona be kongregesen ese lagani 2003 ena The Watchtower bona Awake! volium ena oda be buka ena oda gabena ida idia oda matamaia diba. Ela bona unai volium idia karaia bona idia siaia, kongregesen ena siaia gaudia edia lista ai inai hereva “Pending” do ia hedinarai. Volium be spesel noinoi gaudia.

◼ Bema ta ese seke amo tanobada ibounai gaukarana bona Society ena Kingdom Hall Monina dekenai kontribusen monina ia henia, namona be seke dekenai kongregesen ena akaun ena ladana ia torea, hegeregere “Kavieng Congregation of Jehovah’s Witnesses.” Bema ta ese distrik hebouhebou dekenai seke amo kontribusen monina ia henia eiava brens opesi dekenai ia siaia, namona be seke dekenai inai ladana “International Bible Students Association” eiava “I.B.S.A.” ia torea. Brens opesi ena adres be International Bible Students Association, P.O. Box 636, Boroko, NCD 111.