Henanadai Mauana

◼ Ita sibona eda Gima Kohorona bona Awake! magasin be edena dala amo ita abia be namo?

Idia printaia bona kaset teipi ai idia atoa Gima Kohorona bona Awake! ena sabskripsen, gado ibounai dekenai, abia karana be lagani haida gunanai idia koua, unai dainai pablisa ibounai be edia kongregesen amo edia magasin idia abia be namo.

Emu teritori dekenai bema ta be ia noinoi magasin be ia dekenai oi abia lao hanaihanai totona, mani emu kara unai oi karaia haraga, unai amo ia be magasin ta do ia reaia lasi. Orea amo idia atoa siri taudia be idia sibona edia magasin eiava buka ma haida be Kingdom Hall dekenai idia abia diba. Orea amo idia atoa siri taudia dekenai magasin rut do ita karaia lasi.

Kongregesen pablisa ta ese magasin rut amo ia durua diba lasi tauna sibona ena sabskripsen be brens opesi ese do ia abia dae. Bema Kongregesen Hesiai Komiti be magasin ia abia diba lasi tauna ena sabskripsen oda idia siaia, seketere ese revareva kwadogina ta ia torea danu be namo, unai ese ia hahedinaraia unai sabskripsen oda be Kongregesen Hesiai Komiti ese idia tahua namonamo bona gwaumaoro idia henia vadaeni. Port Moresby amo sabskripsen idia abia taudia ese stamp davana idia karaia be namo, bona hari, stamp ena davana lagani ta ta totona be K16.80. Unai davana be do ia idau diba.

Pablisa taudia be idia sibona edia sabskripsen oda totona brens opesi idia tore henia lasi be namo. Pablisa taudia eiava kamonai taudia ese unai bamona sabskripsen oda idia siaia neganai, kongregesen dekenai do ai siaia giroa.

◼ Dibura tauna ta be edena dala ai ia sibona ena magasin ia abia diba?

Bema kongregesen ta be dibura ruma ta ena haroro gaukara ia naria, vadaeni idia ese unai dibura ruma ai idia noho taudia edia magasin idia abia lao diba, bena dibura tauna be ia vadivadi pablisa tauna amo ia sibona ena Gima Kohorona bona Awake! magasin ia abia diba. Bema unai be hegeregere lasi, reana dibura tauna be brens opesi ia tore henia bona sabskripsen oda ia karaia diba. To, namona be ia sibona ese stamp ena davana ia karaia, ataiai ai gwauraia bamona. Mani itaia, orea amo idia atoa siri dibura taudia be sibona edia magasin kopi do idia abia, inai paragraf dekenai ai gwauraia hegeregerena.