Magasin Herevalaia Daladia

The Watchtower June 15

“Ita momo be iseda mauri ibounai lalonai gaukara ta ita karaia. Haida idia laloa, unai be hahenamo ta; to ma haida idia laloa unai be dika. Dahaka oi laloa? [Haere naria. Bena Hadibaia Tauna 2:​24 duahia.] Inai magasin ese ia hahedinaraia edena bamona Baibel ese ita ia durua diba, gaukara dekenai lalohadai maorona ita abia totona. Bona gaukara dainai idia vara lalohekwarahi ita hanaia dalana ia herevalaia danu.”

Awake! June 22

“Bema taunimanima ibounai be inai hereva idia badinaia, oi laloa iseda komiuniti be gabu namona ai do ia lao, a? [Efeso 4:​28 duahia. Bena haere naria.] Inai magasin ese henaohenao karana dainai idia vara dika badadia ia herevalaia. Bona ia hahedinaraia edena bamona henaohenao, bona taravatu utua karadia ma haida be kahirakahira do idia ore.”

Awake! July 8

“Hari inai negai, gaukara gabudia dekenai kara helulu be bada dainai, gaukara ita davaria be auka. Inai magasin ese gaukara ita davaria diba daladia 5 ia herevalaia. [Magasin lalonai ia noho hereva kwarana maragina, “Five Keys to Finding a Job” herevalaia.] Bona emu gaukara oi haboioa diba lasi dalana ia herevalaia danu.” Rau 10 dekenai idia torea hanai sirina, Aonega Herevadia 22:29 duahia.