Magasin Herevalaia Daladia

The Watchtower June 1

“Oi laloa tomadiho ibounai be Dirava ese ia abia dae, a? [Haere naria.] Israela taudia be idia badinai idia noho besedia edia tomadiho karadia idia badinaia neganai, Dirava be dahaka ia gwau? [Esekiela 6:6 duahia.] Inai magasin be inai henanadai ia haerelaia, ‘Does It Matter How We Worship God?’ ” Magasin ena rau 9 amo ia hamatamaia kahana hahedinaraia.

Awake! June

“Natuna ta ena mauri lagani be 13 ia lao 19 ia abia bona ena mauri ia idau dainai, tama sina idia hekwarahi bada ia idia naria totona. Oi laloa tama sina be edeseni amo heduru hereva namodia idia davaria diba? [Haere naria. Bena Isaia 48:​17, 18 duahia.] Inai magasin lalonai be hakaua hereva namodia haida idia noho, unai ese tama sina do ia durua mai aonega bona laloparara ida edia natudia idia naria totona.”

Gima Kohorona July-Sept.

“Oi ura Isaia ena peroveta herevana ia guguru negana oi itaia, a? [Isaia 2:4 duahia. Bena haere naria.] Ita itaia, Dirava be taunimanima edia hepapahuahu do ia hamaoromaoroa. Baibel ese Dirava ena tuari ena ladana ia gwauraia “Aramagedono,” bona unai tuari ese tuari ibounai do ia hadokoa. Inai magasin be Aramagedono ena anina bona unai tuari do ia vara ena badina ia herevalaia namonamo.”

Awake! July

“Headava lalonai hekwakwanai idia bada idia lao dainai, momo be headava hadokoa karana idia abia hidi. To, oi laloa headava taudia do idia noho namonamo bema inai sisiba idia badinaia, a? [Aonega Herevadia 12:18 duahia. Bena haere naria.] Inai magasin be Baibel ena hakaua hereva ma haida ia gwauraia, bona unai ese headava tau bona ena adavana do ia durua idia hetura namonamo totona.”