Buka Gunadia Gaukaralaia Namonamo
1 Reana ita haida ita laloa buka gunadia be hari idia vara gaudia idia kikilaia lasi, idia be iseda buka matamatadia hegeregerena lasi, to namona be ita laloatao, idia be Baibel ena hereva momokanina idia herevalaia. Unai buka gunadia ese idia gwauraia Basileia sivaraina be mai anina bada hari inai negai bona bema ta ese ia badinaia, ia do ia hamauria diba. (Ioa. 17:3) Unai dainai, namona be ita hekwarahi bada unai buka gunadia ita hariharilaia totona. Kongrigeisen haida dekenai inai buka gunadia idia noho, hegeregere: Memero Kekeni—Moale Umui Davaria Dalana, Roho Mauri Bena Tanobada Matamatana Noholaia, Maino Bona Noho Namona—Daika amo Ia Mai?, o Dirava Momokani Tamona Tomadiho Henia mai Lalo-Tamona Danu. Kongrigeisen bona grup ta ta dekenai buka gunadia haida—Australia dekenai nega daudau idia noho bukadia—ai siaia. June, July bona August lalonai do ita gaukara goada unai buka gunadia ita hariharilaia totona. Mauri Hanaihanai eiava Diba bukana be buka gunana ta ida oi hariharilaia diba.
2 Hariharilaia: Ruma-ta-ruma-ta dekenai unai buka gunadia oi hariharilaia sibona lasi, to namona be iseda buka idia ura idia duahia taudia oi lou henia neganai idia dekenai oi hariharilaia bona hanaihanai magasin idia abia dae taudia dekenai oi hariharilaia danu. Emu Baibel stadi taudia totona, edia diba hereva momokani dekenai do idia habadaia buka gunadia oi abia hidi. Oiemu laiberi dekenai idia noho lasi bukadia oi abia be namo. Unai dala amo, laiberi namona do oi karaia, bona sibona emu stadi karana lalonai oi gaukaralaia diba.
3 Buka gunadia be ruma dekenai ita haboua bona rakatania be namo lasi, to namona be ita gaukaralaia namonamo, ita davaria taudia ita hagoadaia ‘Dirava do idia gari henia, bona iena oda do idia badinaia’ totona.—Had. 12:13.
This is a partial repeat of article in km 1/95 taken from part of km-E 1/95, “Making Good Use of Our Older Books.” Also repeated in km 1/96 and km 1/99.