Henanadai Mauana​—2

◼ Iduara ai Baibel stadi ita karaia neganai, ita guriguri be namo, a?

Guriguri amo Baibel stadi ita kehoa bona koua be mai ena namo. Ita guriguri neganai, Iehova ena lauma helaga totona ita noinoi. (Luka 11:13) Danu, guriguri karana ese stiuden ia durua Baibel stadilaia karana ia laloa bada bona guriguri gwauraia dalana ia dibaia. (Luka 6:​40) Unai dainai, Baibel stadi ta ita hamatamaia neganai, ita guriguri be namo. To noho daladia be idauidau dainai, namona be pablisa ia laloa namonamo, iduara ai Baibel stadi ta ia karaia neganai, do ia guriguri o lasi.

Mai anina bada gauna ta be stadi karaia gabuna ita laloa. Bema ia be regerege lasi gabuna, vadaeni guriguri kwadogina amo stadi ita kehoa bona koua. To bema unai bamona umui karaia dainai taunimanima be umui idia itaia o stadi tauna ia hemarai, namona be guriguri oi gwauraia lasi ela bona stadi be regerege lasi gabuna ta ai umui karaia. Herevana edeseniai stadi ita karaia, to namona be ita laloa namonamo, edena negai guriguri ita gwauraia totona.​​—March 2005 Iseda Basileia Gaukara, rau 3 itaia.