Holidei ai Dahaka Do Oi Karaia?

Pablik holidei ai, momo be ruma ai idia noho dainai, unai be nega namona haroro gaukara ita karaia totona. Namona be kongrigeisen ibounai ese palani idia karaia unai negai idia haroro totona. Bema daba ai momo be mahuta amo do idia toreisi haraga lasi, namona be eda haroro ena taim ita haidaua. Namona be elda ese holidei ai haroro ena palani be Hesiai Hebou ai kongrigeisen idia hadibaia bona ibounai idia hagoadaia idia haroro totona. Vaia, holidei negadiai ita ura ita mahuta o moale karadia haida ita karaia. To, namona be palani oi karaia unai negai oi haroro totona. Unai gaukara helagana oi karaia neganai, goada matamata do oi davaria bena do oi moale.​—⁠Mat. 11:29, 30.