Iehova Ena Ruma Ita Haginia Bona Naria Namonamo Gaukarana be Hahenamo

Israela taudia be Iehova ena dubu helaga idia haginia totona, edia kohu bona goada idia gaukaralaia. Danu, idia be mai edia ura ida unai gaukara idia durua. (1Si 29:2-9; 2Si 6:7, 8) Dubu idia haginia ore murinai, namona be dubu idia naria karana amo do idia hahedinaraia, idia ese tomadiho karana idia laloa bada o lasi. (2Ki 22:3-6; 2Si 28:24; 29:3) Hari, Keristani taudia ese edia nega bona goada bada idia gaukaralaia Kingdom Hall bona Assembly Hall idia haginia, hagoevaia, bona naria totona. Unai be eda hesiai gaukara helagana bona hahenamo badana, badina be Iehova ida ita gaukara hebou.—Sa 127:1; Apo 7:15.

ITA DURUA DIBA GAUKARA HAIDA: . . .

• 

  Hebou ta ta murinai gabu oi sekea, ia goeva be namo. Bema emu goada be hegeregere lasi unai oi karaia totona, vadaeni emu helai gabuna oi hagoevaia o momoru oi gogoa sibona be hegeregere.

• 

  Kingdom Hall hagoevaia bona hanamoa o meintenens gaukara oi durua. Momo idia heduru neganai, gaukara ia ore haraga bona ita moale.—lv 105 par. 18.

• 

  Moni amo oi heduru. Ena be kontribusen maua ai “koini maragidia rua” oi udaia, to Iehova ia moale badina mai emu kudouna ida unai oi henia.—Mr 12:41-44.

• 

  Bema emu noho dalana ia hegeregere, vadaeni eda tomadiho rumadia haginia eiava hanamoa lou gaukarana oi durua. Konstraksen gaukara dekenai oi volantia diba, herevana emu diba be bada o lasi.