Germany ai, Memorial hebouna idia karaia
Hamatamaia Herevadia
GIMA KOHORONA
Henanadai: Inai siri ai ia noho hereva oi diba, a?
Baibel Siri: Ioa 3:16
Henia Gauna: Inai Gima Kohorona ese Iesu ia mamia hisihisina bona ena mase ese ita ia durua dalana ia herevalaia.
GIMA KOHORONA (rau dokona)
Henanadai: Mani inai henanadai bona momo edia haere oi laloa. [Henanadai ginigunana bona ena haere duahia.] Edena bamona do oi haere?
Baibel Siri: Mat 4:1-4
Henia Gauna: Diabolo be Iesu ida ia herevahereva bona ia dibagania dainai, reana Diabolo be kara dika tauna sibona lasi. Baibel ese Diabolo be edena bamona ia herevalaia? Inai magasin ese unai ia herevalaia.
MEMORIAL ENA BOIBOI PEPANA
Henia Gauna: Ai be inai invateisen pepana amo taunimanima ai boiria, mai anina bada hebouna idia mai totona. [Ruma tauna dekenai boiboi pepana henia.] March 23 ai, tanobada ibounai, taunimanima milioni momo do idia hebou Iesu Keriso ena mase laloatao totona, bona davana lasi Baibel tok ta amo ena mase ese ita ia durua dalana do idia kamonai. Iseda gabu ai do idia karaia hebouna ena taim bona gabu be inai boiboi pepana ai ia noho. Mani oi mai bema oi hegeregere.
EMU HAMATAMAIA HEREVA TOREA
Ataiai idia noho haheitalai oi badinaia, oi sibona emu haroro herevadia oi torea totona