Haere Namodia Henia Dalana

Haere namodia ese kongrigeisen ia hagoadaia. (Ro 14:19) Ma danu haere idia henia taudia ia durua bada. (Ao 15:23, 28) Unai dainai, namona be ita hekwarahi hebou ta ta ai haere tamona ita henia totona. Momokani, hanaihanai ita do idia makaia lasi bema iseda imana ita abia isi. Unai dainai, haere momo ita hegaegaelaia be namo.

Haere namodia be . . .

• auka lasi, idia lalopararalaia, bona kwadogi. Nega momo, sekeni 30 lalonai oi henia diba

• sibona emu hereva amo oi henia

• idia henia vadaeni haere gwauraia lou lasi

Bema oi idia makaia guna, . . .

• henanadai ena haere, maorona sibona oi henia

Bema henanadai ena haere be idia henia vadaeni, oi be . . .

• point ia durua siridia sibona oi herevalaia diba

• iseda mauri ia durua daladia oi gwauraia

• unai sivarai ita gaukaralaia dalana oi hahedinaraia

• unai point ia durua haheitalai kwadogina ta oi gwauraia